Forsala aðgöngumiða á Landsmót verður til 15. maí og hefur því verið framlengd um tvær vikur en upphaflega átti forsalan að standa til 1.maí. Það er því enn nægur tími til að tryggja sér miða á verulegum afslætti en eftir 15.maí hækkar miðaverðið um 20% og því um að gera að versla sér miða í tæka tíð.

Við minnum einnig á sérstök vildarkjör til LH og BÍ félaga, sem og N1 kortið, en með kortinu er hægt að styrkja hestamannafélag að eigin vild, ásamt því að fá aðgöngumiðann á LM ódýrari. Miðasalan fer vel af stað, hjólhýsastæði með rafmagni rjúka út og því viljum við benda fólki á að ganga frá kaupum á stæðum tímanlega, því líkur eru á að uppselt verði í stæðin fljótlega.

 

Þess má geta að hafi kvittun fyrir kaupum ekki borist á tölvupósti til kaupenda, þá hefur salan ekki farið í gegn.

Nánari upplýsingar gefa starfsmenn Landsmóts á netfanginu: landsmot@landsmot.is