Dagskrá - Vetrarmótaröð Þyts - V5

Mótið hefst kl. 15.00 og sjá má ráslista inn í LH Kappa appinu.

Dagskrá
Forkeppni og úrslit í beinu framhaldi:
börn
unglingar

Pollar

Forkeppni:
3.flokkur
2.flokkur
1.flokkur

30 mín hlé

úrslit:
3.flokkur
2.flokkur
1.flokkur

Randi Holaker verður með kynningu á Reiðmanninum mánudaginn 27.02 í veitingasal Þytsheima kl. 19:30

https://endurmenntun.lbhi.is/reidmadurinn/ 

Í dag er sorgardagur hjá okkur Þytsfélögum, sem og í Húnaþingi vestra öllu þegar við fylgjum okkar kæru vinkonu og mætum Þytsfélaga, Vigdísi Gunnarsdóttur, til hinstu hvílu eftir stutta og erfiða baráttu við krabbamein.

Vigdís okkar kom inn í líf okkar Húnvetninga fyrir um aldarfjórðungi síðan þegar Ísólfur Líndal steig hið gæfuríka spor að næla í hana, ekki bara honum til heilla heldur samfélaginu öllu. Vigdís var allar götur síðan mikill máttarstólpi í starfi Þyts og sömuleiðis öðrum þáttum samfélagsins okkar. Einlægur hestaunnandi, félagsvera og samfélagsvera sem veitti félagsstarfinu alla sína krafta. Það voru nú ekkert litlir kraftar því hún var einstaklega drífandi manneskja sem með jákvæðni sinni og dugnaði heillaði alla í kringum sig og náði að virkja ótrúlegasta fólk með sér til góðra verka. Samstarf og samvinna var Vigdísar aðalsmerki, alltaf lausnamiðuð hversu erfitt sem verkið var og einhvern veginn náði hún alltaf að smita þessu allt að því kyngimagnaða jákvæðnishugarfari yfir á alla í kringum sig. Iðulega fylgdi bros með enda alltaf stutt í hláturinn og lífsgleðina hjá Vigdísi.

Vigdís tók mikinn þátt í félagsstarfi Þyts, var í mótanefnd í mörg ár og sömuleiðis í stjórn Þyts. Stóð sig þar með stakri prýði eins og í öllum öðrum störfum sem hún kom að. Hún fylgdi strákunum sínum sömuleiðis alltaf með í keppnir á milli þess sem hún keppti sjálf og skipti þá engu máli hvort það voru þeir eða aðrir félagar sem þurftu einhvers liðsinnis við, alltaf var Vigdís okkar tilbúin til aðstoðar við það sem þurfti við.

Alltaf var gott að leita til Vigdísar, sama hvert málefnið var, enda hafði hún djúpa sýn og skilning á ýmsum mannlegum þáttum í gegnum menntun sína, störf og ekki hvað síst náttúrulega samskiptahæfileika.

Elsku Vigdís

Samfélagið okkar er sannarlega fátækara eftir að þú kvaddir okkur

Innilegar samúðarkveðjur færum við aðstandendum þínum

Þínir félagar og vinir

Hestamannafélagið Þytur

Almennt reiðnámskeið fyrir 13 ára og yngri.

Kennari er Heiða Heiler.

Kennsla hefst í næstu viku og er samtals 10 skipti.

Verð: 7.000 kr.

Heiða er með 1-2 vana skólahesta sem hægt er að nota fyrir þá sem vantar hest.

Skráning hjá heidaheiler@hotmail.com

Kristján Elvar Gíslason járningameistari mun koma á vegum hestamannafélagsins Þyts á Hvammstanga helgina 11. og 12. mars .

Fyrirkomulagið á námskeiðið verður:
Laugardagur fyrir hádegi , fyrirlestur og sýnikennsla í Þytsheimum, eftir hádegi verklegt.
Sunnudagur: fyrir hádegi hópur 1 verklegt og eftir hádegi hópur 2 verklegt
Verð: 35.000, innifalið eru skeifur einn gangur og fjaðrir.

Súpa í hádeginu á laugardag og kaffi veitingar laugardag og sunnudag

Skráning: kolugil@centrum.is Malin 8476726

Fyrsta mót vetrarins verður laugardaginn 25. febrúar nk kl. 15.00 í Þytsheimum á Hvammstanga, og verður að vera búið að skrá á miðnætti miðvikudaginn 22. febrúar. Skráning verður í gegnum skráningakerfi Sportfengs. Keppt verður í fjórgangi V5. 

Keppt verður í V5 í 1. flokki, 2. flokki, 3. flokki,  unglingaflokki og tvígangi í barnaflokki (T7 í Sportfeng). Pollar skrá sig einnig til leiks.

Slóðin inn á skráninguna er: Sportfengur og farið undir mót. Skráningargjaldið er 3.500 fyrir fullorðna, 2.000 fyrir unglinga og börn. Skráningargjöld verður að millifæra svo skráning sé tekin gild. Skráning í pollaflokk fer einnig fram í gegnum Sportfeng. Ef einhver skráir sig eftir að skráningu er lokið er skráningargjaldið 4.500 kr.

Skráningargjald skal greiða um leið og skráð er. kt: 550180-0499 Rnr: 0159-15-200343 Senda skal kvittun fyrir greiðslu skráningargjalds á netfangið thytur1@gmail.com

Næstu mót verða:

11. mars

25. mars

15. apríl ??

Knapamerki – 1,2 og 3 (aldurstakmark 12 ára)

Knapamerki 1

Bóklegir og verklegir tímar, sýnikennslur og heimaverkefni. Verklegir tímar verða bæði hóptímar og síðan sætisæfingar tveir og tveir saman.

Kennt verður á miðvikudögum og hefst kennsla 25. Janúar

Heildarkostnaður: 36.000 kr (próftökugjald innifalið)

Helstu markmið Knapamerki 1

• Að undirbúa hest rétt fyrir reið
• Geti teymt hestinn á múl eða beisli við hlið sér á feti og brokki/tölti
• Geti farið á og af baki beggja megin
• Kunni rétt taumhald og að stytta rétt í taumi
• Geti setið hest í lóðréttri (hlutlausri) ásetu á feti, tölti/brokki og hægu stökki
• Geti framkvæmt nokkrar sætisæfingar í hringtaum skv. stjórnun frá kennara
• Geti skipt á milli hlutlausrar ásetu, hálfléttrar og stígandi ásetu (1. stig stígandi ásetu)
• Kunni að skilja rétt við hest og búnað að reiðtíma loknum

Hesturinn þarf að kunna

• Að teymast við hlið (á feti og brokki og/eða tölti)
• Að standa kyrr þegar farið er á og af baki
• Að hringteymast (á feti og brokki)

Knapamerki 2

Bóklegir og verklegir tímar, sýnikennslur og heimaverkefni. Verklegir tímar verða bæði hóptímar, paratímar og einkatímar (prófæfingar).

Kennt verður á miðvikudögum og hefst kennslan 11. Janúar 2023.

Heildarkostnaður: 46.000 kr (próftökugjald innifalið)

Helstu markmið Knapamerki 2

• Geta látið hestinn kyssa ístöð á baki og við hönd, til beggja hliða
• Riðið einfaldar gangskiptingar
• Riðið helstu reiðleiðir á reiðvelli
• Geta riðið í hlutlausri lóðréttri ásetu, hálfléttri og stígandi ásetu
• Hafa gott jafnvægi á baki hestsins og nota rétt taumhald
• Látið hestinn stoppa, standa kyrran og ganga aftur af stað
• Geta riðið á slökum taum
• Sýna það í reiðmennsku og umgengni við hestinn að hann hafi tileinkað sér rétt viðhorf til hans

Hesturinn þarf að

• Geta staðið kyrr þegar farið er á og af baki
• Geta brokkað undir knapa
• Geta framkvæmt gangskiptingar upp í stökk á hringnum (20m þvermál)
• Geta sýnt hreint tölt
• Kunna að víkja

Knapamerki 3

Bóklegir og verklegir tímar, sýnikennslur og heimaverkefni. Verklegir tímar verða hópatímar, paratímar og einkatímar (prófæfingar).

Kennt verður á miðvikudögum og hefst kennslan 11. Janúar 2023.

Heildarkostnaður: 55.000 kr (próftökugjald innifalið)

Helstu markmið Knapamerki 3

• Að láta hestinn víkja um fram og afturhluta
• Knapinn hafi vald á lóðréttri ásetu, stígandi ásetu og hálfléttri ásetu
• Knapinn geti riðið gangskiptingar markvisst og af nákvæmni
• Knapinn geti riðið við slakan taum og langan taum
• Knapinn geti látið hestinn fara krossgang áfram og til hliðar á sama tíma
• Knapinn hafi gott vald á að nota reiðvöllinn rétt
• Knapinn hafi tileinkað sér rétt viðhorf gagnvart hestinum bæði í reiðmennsku og umgengni

Hesturinn þarf að

• Vera nokkuð sveigjanlegur til beggja hliða
• Geta sýnt stökk á hringnum (20m þvermál)
• Geta sýnt hreint tölt
• Kunna krossgang
• Kunna framfótasnúning

Fyrirhugaðar dagsetningar fyrir próf: Bóklegt 5.4. og verklegt 12.4. með fyrirvara um breytingar.

Þau námskeið sem ekki næst næg þáttaka í munu falla niður.

Skráning er tölvupóstfangið hanifeagnes@gmail.com fyrir 09.01.23. Við skráningu þarf að koma fram nafn og kennitala nemanda og símanúmer og hjá yngri knöpunum einnig nafn og kennitala foreldris. 

Hægt er að kaupa kort í höllina og verður það eins og undanfarin ár,  það gildir frá 1. nóv 2021 til 10. september 2022. 

Gjald Þytsfélaga er 25.000.- og má greiða inn á 0159-05-403351 kt. 550180-0499, annars fá korthafar sendan greiðsluseðil í vetur. 

Frekari upplýsingar hjá Ragnari í síma 869-1727 eða Tryggva í síma 660-5825.

Verðskrá vegna notkunar í Þytsheima er eftirfarandi: 
Kort fyrir meðlimi Þyts 25.000 kr
Kort fyrir aðra 30.000 kr
Dagpassi 2.000 kr
Einkatími-klukkutími milli 14.00 -16:00 og 19.00 - 24:00 5.000 kr
Einkatími-klukkutími milli 9-14 virka daga 3.000 kr
Einkatími-klukkutími um helgar 5.000 kr

Einnig er hægt að leigja, sal, eldhús og kaffiaðstöðu og hljóðkerfi og þarf að borga fyrir það aukalega.

Ekki er opið fyrir einkatíma á milli klukkan 16:00 - 19:00 á virkum dögum.

Uppskeruhátíð Þyts og Hrossaræktarsamtaka Vestur-Húnavatnssýslu var haldin laugardaginn 26 nóvember sl. Skemmtinefndin lét ekki sitt eftir liggja og sýndi leikin skemmtiatriði þar sem farið var yfir síðustu ár hjá Þytsfélögum. Af nógu var að taka því hlé hefur verið á hátíðarhöldum vegna covid takmarkanna. Patrekur Óli sá um matinn og bauð upp á lambalæri með öllu tilheyrandi og köku og kaffi í eftirrétt.  Óhætt er að segja að allir hafi skemmt sér vel, svo vel að Nína Sig dansaði meira að segja upp á sviði. 

Guðný Helga fór yfir árið hjá Hrossaræktarsamtökunum en 27 hross af svæðinu voru sýnd í fullnaðardóm á árinu og það voru 13 bú sem fóru með hross í dóm. Hæst dæmda hryssan eftir aldursleiðréttingu er Þrá frá Lækjamóti, 4 v hryssa ræktuð af Elínu Rannveigu Líndal og Þóri Ísólfssyni. Hæst dæmi stóðhesturinn eftir aldursleiðréttingu er Sindri frá Lækjamóti, 6 vetra. Ræktandi Guðmar Hólm Ísólfsson Líndal. 

Ný verðlaun á hátíðinni voru að veita hæst dæmda hrossi með 5 fyrir skeið viðurkenningu en það var Hátíð frá Efri-Fitjum, ræktandi Tryggvi Björnsson og Miðsitja ehf. 

Ræktunarbú ársins 2022 hjá Hrossaræktarsamtökum V-Hún er Lækjamót. Þau náðu þeim frábæra árangri á árinu að vera tilnefnd til hrossatæktarbús ársins á landsvísu og er það ekki sjálfgefið. 

Frá Lækjamóti komu til dóms 5 hross í ár, meðalaldur sýndra hrossa 5,8 ár. Meðaleinkunn sýndra hrossa var 8,25, 8,33 aldursleiðrétt. 

Til hamingju Lækjamótsfjölskylda, Þórir, Elín, Ísólfur, Vigdís, Guðmar, Sonja og Friðrik !!!

Pálmi formaður Þyts fór veitti knöpum ársins hjá Þyt sínar viðurkenningar, í barnaflokki voru þær jafnar Herdís Erla Elvarsdóttir og Ayanna Manúela Alves. Í unglingaflokki er knapi ársins Guðmar Hólm Ísólfsson Líndal, í ungmennaflokki er knapi ársins Eysteinn Tjörvi Kristinsson, í 2. flokki er knapi ársins Þorgeir Jóhannesson og í knapi ársins í 1. flokki er Helga Una Björnsdóttir. Allt frábærir knapar sem kepptu mikið á árinu með góðum árangri. 

Uppskeruhátíð barna og unglinga verður haldin föstudaginn 25. nóvember kl. 17 í félagsheimilinu Hvammstanga. 

Öll börn og unglingar sem hafa á einhvern hátt tekið þátt í æskulýðsstarfinu eru velkomin.

Veittar verða viðurkenningar og boðið upp á veitingar.

Hlökkum til að sjá ykkur. 

                                                                                Æskulýðsnefndin. 

Uppskeruhátíð Þyts og Hrossaræktarsamtaka V-Hún verður haldin laugardaginn 26. nóvember í félagheimilinu á Hvammstanga. 

Húsið opnar klukkan 18:30 og hátíðin byrjar klukkan 19:00 og stendur til klukkan 02:00 fyrir þá partýhörðustu.

Maturinn verður í höndum Patreks Óla sem mun án efa töfra fram dýrindis veislu.

Miðaverð á hátíðina er 9.000 kr.

Pantanir þurfa að berast eigi síðar en fyrir þriðjudaginn 22. nóvember

Gerður Rósa tekur á móti pöntunum í skilaboðum eða í síma 849-5396.

Keppendur eru beðnir að senda keppnisárangur ársins vegna knapaverðlauna á palmiri@ismennt.is 

Hestamannafélagið Þytur auglýsir eftir reiðkennurum fyrir veturinn 2023. Þeir sem hafa áhuga á að kenna unga fólkinu okkar er beðið um að hafa samb. við Pálma.

Einnig vantar okkur einhvern/einhverja til þess að starfa í veitinganefnd.

Til stendur að halda reiðhallarsýningu 29. apríl og þeir sem hafa áhuga á að vera í sýningarnefnd beðnir um að hafa samb. við Kollu Grétars.

Þytur óskar einnig eftir afnotum af hesti sem væri hægt að nota við hestafimleikana (eigandinn fengi þá hestinn hreyfðan x mörgum sinnum í viku til móts við eigandann, einnig tæki félagið þátt í að greiða uppihald á hestinum (þeir sem hafa áhuga hafi samb. við formann)

Stjórn Þyts