Undirrituð tók smá rúnt upp í reiðhöll og kíkti á þáttakendur á frumtamningarnámskeiðinu.  Hendi hér inn nokkrum myndum frá því, gæðin á myndunum eru  nú ekki til að hrópa húrra yfir þar sem að birtan getur verið svolítið erfið  inni í reiðhöllinni. 

Þessir vildu td. ekki vera í fókus    Þessar dömur voru heldur skárri með fókusinn...

Malin til í slaginn!

 

Nemendurnir  Og síðast en ekki síst kennarinn  .

 

Almennur félagsfundur verður haldinn í félagshúsi Þyts, mánudaginn 25. nóvember og hefst kl. 20.30

Dagskrá fundarins er:

1. vetrarstarfið

 2. önnur mál

Stjórn Þyts

 

 

Nafn: Fríða Björg Jónsdóttir
Skóli: Grunnskóli Húnaþing vestra
Uppáhaldsdrykkur: pepsi
Uppáhaldsmatur: Pasta
Hvenær ætlar þú að taka inn? Er ekki alveg ákveðið
Hvað finnst þér vera það besta við hestamennskuna: tengsli við hestinn og maður er alltaf að læra eitthvað nýtt og svo félagsskapurinn
Hver er skemmtilegasti hestur sem þú hefur þjálfað og af hverju? Ballaða frá Grafarkoti er örugglega skemmtilegsti hestur sem ég hef þjálfað. Hún sýndi svo mikinn árangur eftir veturinn svo er hún svo mikill persónuleiki
Hefur þú áhuga á ræktun? Ef svo er hver er uppáhalds stóðhesturinn þinn og af hverju? Hef ekki mikinn áhuga á ræktun, en það er margir flottir stóðhestar
Hvað er skemmtilegasta atriði sem þú hefur tekið þátt í á sýningum með Þytsfélögum? Mér finnst hesta fimleikarinir mjög skemmtilegir en held samt að mér finnst Pink ladies atriðið skemmtilegast.
Finnst þér gaman að keppa? Einhver árangur sem stendur upp úr? Já, það sem stendur upp úr er örugglega 2 sæti í smala í liðkeppinni
Hver er helsta fyrirmyndin þín í hestamennskunni: Ég er ekki með einhverja sérstaka fyrirmynd en það sem mér finnst fólk vera að gera vel tek ég til mín
Eitthvað sem mætti bæta við æskulýðsstarfið? Mér dettur ekkert í hug
 

Hægt er að kaupa kort í höllina, sem gildir frá 15. nóvember 2013 til 10. september 2014. Gjald Þytsfélaga er 22.000.- og má greiða inn á 0159-05-403351 kt. 550180-0499 eða panta kort hjá Ragnari í síma 869-1727 og fá sendan reikning.

Verðskrá vegna notkunar í Þytsheima er eftirfarandi:

Kort fyrir meðlimi Þyts 22.000 kr
Kort fyrir aðra 27.000 kr
Dagpassi 2.000 kr
Einkatími-klukkutími milli 14-16:30 og 20-24:00 5.000 kr
Einkatími-klukkutími milli 9-14 virka daga 3.000 kr
Einkatími-klukkutími um helgar 5.000 kr
Einnig er hægt að leigja, sal, eldhús og kaffiaðstöðu og hljóðkerfi og þarf að borga fyrir það aukalega.

Ekki er opið fyrir einkatíma á milli klukkan 16:30-20:00 á virkum dögum.

Stéttarfélagið Samstaða endurgreiðir 50% af íþróttakortum en þó að hámarki 8.000 kr á hvern félagsmann á hverju 12 mánaða tímibili. Einnig eru mörg önnur stéttarfélög að bjóða félagsmönnum sínum einhvers konar endurgreiðslu og því um að gera fyrir alla að kanna sinn rétt.


Frumtamningarnámskeið er að hefjast í næstu viku en annars er höllin að mestu laus. Frekari upplýsingar hjá Ragnari í síma 869-1727.

Nafn: Jóhannes Geir Gunnarsson
Skóli: Ég er í háskólanum hjá Indriða í Grafarkoti
Uppáhaldsmatur: sviðahausar og slátur.
Uppáhaldsdrykkur: ísköld mjólk með slátrinu.
Hvenær ætlar þú að taka inn? Ætli lömbin verði ekki tekinn inn og rúin svona í lok mánaðarins (okt).
Hvað finnst þér vera það besta við hestamennskuna: Að smala íslensku sauðkindinni á góðum hesti.
Hver er skemmtilegasti hestur sem þú hefur þjálfað og af hverju? Ætli það sé ekki þau Þróttur og Nepja þau er algjörir gæðingar sem hafa kennt mér mikið.
Hefur þú áhuga á ræktun? Ef svo er hver er uppáhalds stóðhesturinn þinn og af hverju? Ég er nú meira fyrir hrútaskránna. En annars hef ég mikinn áhuga á ræktun. Þeir eru nú margir góðir, en ætli Stáli frá Kjarri sé ekki í mestu uppáhaldi núna, mér finnst hann gef mikla töffara og mjög góð hross. Til dæmis mun ég seint gleyma sýninguni á Móniku frá Miðfelli 5 á LM12 í Reykjavík
stórglæsileg hryssa.
Hvað er skemmtilegasta atriði sem þú hefur tekið þátt í á sýningum með Þytsfélögum? Mjallhvít og dvergarnir sjö 1972, einstaklega vel heppnuð sýning.
Finnst þér gaman að keppa? Einhver árangur sem stendur upp úr? Já það er alltaf gaman að keppa ef vel gengur. Ætli það sé ekki B-úrslit í ungmennaflokki á Fjórðungsmótinu í sumar á henni Nepju, já svo stendur það líka upp úr fyrsta skiptið sem ég keppti í fimmgangi í vetur þegar ég vann mig upp úr B-úrslitum og endaði fjórði í A.
Hver er helsta fyrirmyndin þín í hestamennskunni: ég hef nú mikið litið upp til ásetunnar hjá honum föður mínum
Eitthvað sem mætti bæta við æskulýðsstarfið? Innleiða hjálmaskyldu í hestafimleikunum.

Ég og Brokey á Grunnskólamótinu á Sauðárkróki 2013

Nafn: Eva Dögg Pálsdóttir

Skóli: Grunnskóli Húnaþings vestra

Uppáhaldsdrykkur: Ísköld mjólk og svali.

Uppáhaldsmatur: Fyrir utan ís þá er það grillað svínakjöt.

Hvenær ætlar þú að taka inn? Ég bara veit það ekki, efsast um að ég taki eitthvað inn sjálf.

Hvað finnst þér vera það besta við hestamennskuna: Það er ansi margt, en t.d. bara ríða út og þjálfa.
Hver er skemmtilegasti hestur sem þú hefur þjálfað og af hverju? Það eru nokkur mjög skemmtileg, t.d. Brokey frá Grafarkoti. Hún er skemmtileg, viljug meri með góðar gangtegundir og það er bara gaman að þjálfa hana.  

Hefur þú áhuga á ræktun? Ef svo er hver er uppáhalds stóðhesturinn þinn og af hverju? Já ég hef nú áhuga á því. Ég veit nú ekki hvort ég eigi mér einhvern einn uppáhalds en ef ég á að nefna einhvern þá dettur mér fyrst í hug Alur frá Lundum. Afþví að mér finnst þetta fallegur, jafnur hestur og hann hefur verið að gera það gott í keppni.

Hvað er skemmtilegasta atriði sem þú hefur tekið þátt í á sýningum með Þytsfélögum? Ég hef tekið þátt í nokkrum skemmtilegum atriðinum en skemmtilgasta er Pink Ladies.  

Finnst þér gaman að keppa? Einhver árangur sem stendur upp úr? Já, mér finnst það mjög gaman. Ætli það sé ekki bara á landsmótinu 2011, þegar ég komst í A-úrslit í barnaflokki á Heimi frá Sigmundarstöðum.

Hver er helsta fyrirmyndin þín í hestamennskunni: Ég held að ég eigi mér ekki neina eina fyrirmynd, en það eru samt alveg nokkrir sem ég lít upp til.

Eitthvað sem mætti bæta við æskulýðsstarfið? Kannski ekki beint bæta við en það væri gaman ef það væri önnur ferð þar sem að við heimsækjum ræktunarbú og fleira.

 
Ég og Heimir á LM 2011 tv og th við Karítast í PINK LADIES búningunum.