Færslur: 2016 Maí

24.05.2016 22:44

Styttist í úrtöku fyrir LM


Þá fer að styttast í úrtöku fyrir landsmótið en hún verður haldin eins og áður var auglýst á Hólum í Hjaltadal 11. og 12. júní nk. Nánar auglýst þegar nær dregur. 
En ef það eru einhver börn, unglingar eða ungmenni sem vantar aðstoð fyrir úrtökuna endilega hafið samband við Kollu í síma 863-7786 eða Pálma í síma 849-0752.

20.05.2016 10:09

Þátttökuréttur á LM2016


Hversu mörg hross/knapar frá hestamannafélögunum hafa þátttökurétt á Landsmóti?

Fjöldi skráðra félagsmanna í hverju hestamannafélagi fyrir sig segir til um þann fjölda hrossa sem öðlast þátttökurétt á Landmóti. 

Miðað er við fjölda skráðra félaga á félagaskrá hestamannafélaga 15. apríl 2016 en þá er skiladagur ársskýrslu og félagafjölda til ÍSÍ í gegnum skráningarkerfið FELIX. 


Þátttökuréttur félaga í LH:


Félag Alls Fj. fulltrúa

Hestamannafélagið Adam 60 1

Hestamannafélagið Blær 95 1

Hestamannafélagið Brimfaxi 155 2

Hestamannafélagið Dreyri 246 2

Hestamannafélagið Fákur 1379 12

Hestamannafélagið Faxi 265 3

Hestamannafélagið Feykir 64 1

Hestamannafélagið Freyfaxi 201 2

Hestamannafélagið Funi 155 2

Hestamannafélagið Geysir 649 6

Hestamannafélagið Glaður 152 2

Hestamannafélagið Glæsir 72 1

Hestamannafélagið Glófaxi 62 1

Hestamannafélagið Gnýfari 25 1

Hestamannafélagið Grani 128 2

Hestamannafélagið Háfeti 69 1

Hestamannafélagið Hending 32 1

Hestamannafélagið Hörður 776 7

Hestamannafélagið Hornfirðingur 158 2

Hestamannafélagið Hringur 130 2

Hestamannafélagið Kópur 87 1

Hestamannafélagið Léttir 460 4

Hestamannafélagið Ljúfur 126 2

Hestamannafélagið Logi 205 2

Hestamannafélagið Máni 333 3

Hestamannafélagið Neisti 182 2

Hestamannafélagið Sindri 133 2

Hestamannafélagið Skagfirðingur 643 6 fulltrúar

Hestamannafélagið Skuggi 278 3

Hestamannafélagið Sleipnir 592 5

Hestamannafélagið Smári 306 3

Hestamannafélagið Snæfaxi 75 1

Hestamannafélagið Snæfellingur 254 3

Hestamannafélagið Sörli 757 7

Hestamannafélagið Sóti 132 2

Hestamannafélagið Sprettur 1117 9

Hestamannafélagið Stormur 93 1

Hestamannafélagið Þjálfi 138 2

Hestamannafélagið Þráinn 90 1

Hestamannafélagið Þytur 296 3

Hestamannafélagið Trausti 131 2

Samtals fulltrúar á LM 116

19.05.2016 12:52

Til félaga í Landsambandi hestamannafélaga og Félagi hrossabænda

Mast | Heim

Áhættumiðaðar smitvarnir í hestamennsku 

Til að efla forvarnir og beina þeim þangað sem þörfin er mest hefur Matvælastofnun metið 
hættuna á að ólíkir hópar hestamanna og annara ferðamanna beri áður óþekkta smitsjúkdóma 
í íslenska hrossastofninn. Mest áhætta fylgir íslenskum atvinnumönnum í greininni sem starfa 
að einhverju leyti erlendis. Atvinnumenn búsettir erlendis sem hafa eða tengjast starfsemi hér 
á landi koma þar á eftir. Mestar líkur eru á að þessir hópar fólks umgangist hross hér á landi 
innan tveggja sólarhringa frá því þeir voru í umhverfi hrossa erlendis. Ferðir þeirra - og þá 
einkum íslenskra atvinnumanna - eru gjarnan skipulagðar þannig að lítill tími gefst til fullnægjandi 
hreinsunar og sótthreinsunar á fatnaði og skóm fyrir komuna til Íslands. Þá eru þeir líklegastir 
til að vera í hestafatnaði eða með hann með sér og til að flytja með sér annan notaðan búnað, 
þó hið síðarnefnda sé með öllu bannað. Þrátt fyrir að þeir sem hafa atvinnu af hestamennsku 
eigi í raun mest undir heilbrigði hrossastofnsins, vantar töluvert upp á að þeir fylgi settum reglum 
um smitvarnir. Þetta endurspeglast að nokkru leyti í því að möguleiki á fatahreinsun sem komið 
var á í Leifsstöð, eftir að faraldur smitandi hósta reið yfir landið, er lítið sem ekkert notaður. 
Alltof margir freistast til að setja sér eigin reglur sem eru ekki fullnægjandi og brjóta í bága við 
lög um dýrasjúkdóma og varnir gegn þeim. Atvinnumenn í greininni bera ekki bara ábyrgð á 
sjálfum sér. Þeir þurfa stöðugt að uppfræða viðskiptavina sína um gildandi reglur um smitvarnir 
enda eru viðskiptavinirnir öðrum líklegri til að koma til landsins sem "hestaferðamenn" eða til að 
prófa hesta. Sömuleiðis bera þeir sem stunda hestatengda starfsemi ábyrgð á að vinnufólk 
erlendis frá og samstarfsaðilar fylgi settum reglum. Forsvarsmenn fyrirtækja í ferðaþjónustu og 
hrossaræktendur þurfa að sjá til þess að þeirra viðskiptavinir fái reglur um smitvarnir strax 
við bókun ferða og annara heimsókna. Það er of seint að ætla sér að ná til þeirra eftir að þeir eru 
lagðir af stað í ferðalagið. Þrátt fyrir góðan vilja tollvarða og reglulega fræðslufundi um þetta efni, 
er ekki hægt að treysta á að þeir nái að stöðva alla farþega með óhreinan fatnað eða annan búnað 
úr umhverfi hesta erlendis. Samstillt átak allra sem hafa atvinnu af hestum eða hestamennsku er 
nauðsynlegt til að standa vörð um heilbrigði íslenska hrossastofnsins. Reglur um smitvarnir eru 
aðgengilegar á rafrænu formi á heimasíðu Matvælastofnunar: www.mast.is undir flipanum 
upplýsingar fyrir hestamenn. Þar er einnig að finnan rafrænan bækling á ensku og þýsku sem hægt 
er að sækja og senda viðskiptavinum. Þá ætti bæklingurinn að vera á áberandi stað á heimasíðum 
allra fyrirtækja og einstaklinga í hestatengdri starfsemi. 

Virðingarfyllst f.h. Matvælastofnunar 
Sigríður Björnsdóttir, dýralæknir hrossasjúkdóma

Áhættuflokkun: 
1. Íslenskir atvinnumenn sem starfa að einhverju leyti erlendis 
a. Reiðkennarar 
b. Sýningaknapar, þjálfarar 
c. Járningamenn, dýralæknar, dómarar o.fl. 
d. Hrossaræktendur, markaðsmenn 

2. Erlendir atvinnumenn sem starfa eða tengjast starfsemi hér á landi 
a. Hrossakaupmenn 
b. Reiðkennarar 
c. Járningamenn, dýralæknar, dómarar o.fl. 
d. Starfsmenn á íslenskum hrossabúum, hestaleigum o.fl. 

3. Erlendir hestaferðamenn 
a. Landsmót, önnur mót 
b. Hestaleigur, reiðskólar 
c. Sveita ferðamennska 

4. Íslenskir hestaferðamenn 
a. Heimsmeistaramót og önnur mót erlendis 
b. Heimsóknir á hestabúgarða erlendis 

5. Almennir ferðamenn 
a. Íslenskir 
b. Erlendir

Reglur um smitvarnir 
Reiðfatnaður og reiðtygi
 
Vegna landfræðilegrar einangrunar og strangra innflutningsreglna hefur Ísland 
sloppið að mestu við alvarlega smitsjúkdóma í dýrum. Það er skylda okkar 
að standa vörð um góða sjúkdómastöðu og leita allra leiða til að hindra að 
varhugaverð smitefni berist til landsins. 
Þegar ferðast er milli landa er nauðsynlegt að gæta ítrustu smitvarna! 
? Óheimilt er að flytja til landsins: 
Notuð reiðtygi, s.s. hnakka, beisli, múla, hlífar, dýnur, yfirbreiðslur, píska o.s.frv. 
Notaða reiðhanska 
? Þvottur og sótthreinsun: 
Notaðan reiðfatnað skal þvo í þvottavél eða þurrhreinsa í efnalaug áður en komið er til landsins 
Notaðan reiðfatnað sem ekki er hægt að þvo í þvottavél eða þurrhreinsa í efnalaug, 
skal hreinsa og sótthreinsa með eftirfarandi hætti: 
Þvo mjög vel með sápuvatni 
Þurrka 
Úða með 1% VirkonS® (10g í hvern lítra af vatni) 
Geyma í a.m.k. 5 daga áður en búnaðurinn er notaður í umhverfi hesta hér á landi 
? Hestamenn sem ekki eru í aðstöðu til að þrífa og sótthreinsa notaðan reiðfatnað 
áður en komið er til landsins geta framvísað óhreinan reiðfatnað í "rauða hliðinu" 
í tollinum í lokuðum plastpokum. (Með reiðfatnaði er átt við reiðbuxur hverskonar, 
reiðjakka, -úlpur, -skó, -stígvél og -hjálma en þessa þjónustu má einnig nýta fyrir 
annan fatnað og skófatnað sem notaður hefur verið í umhverfi hesta erlendis . 
Ekki er þó tekið við leður- og vaxjökkum.) Viðkomandi hestamenn skulu gera vart 
við sig í "rauða hliðinu" í flugstöðinni og framvísa fatnaðinum þar til tollvarða. 
Tollverðir sjá til þess að fatnaðurinn, ásamt upplýsingum um eiganda, fari í sérstaka 
kassa sem þeir hafa í sinni vörslu þar til þeir eru sóttir af fatahreinsuninni. 
Að lokinni hreinsun verður fatnaðurinn sendur í póstkröfu til eiganda. 

Komi farþegar með óhreinan reiðfatnað í græna hliðið við tollgæslu á Keflavíkurflugvelli 
eða verði vísir að því að vera með óhreinan reiðfatnað við tollskoðun í græna hliðinu, 
verður litið á slíkt sem smygl. Varningurinn er þá gerður upptækur og viðkomandi kærður. 
Sama á við um sendingar sem innihalda óhreinan reiðfatnað og koma til landsins með pósti, 
skipa- eða flugfrakt. 

Ráðstöfun þessi tekur ekki til notaðra reiðtygja, reiðhanska eða annars búnaðar 
sem notaður hefur verið í hestamennsku enda er innflutningur á slíkum varningi óheimill.

09.05.2016 10:56

Jakkapöntun



Vantar einhverjum Þytsfélaga úlpu fyrir LM? Lokapöntun á jökkum framundan, síðasti pöntunardagur 19. maí nk. Ekki verða mátunarjakkar á svæðinu en það eiga orðið mjög margir Þytsfélagar svona jakka svo vonandi er hægt að fá að máta hjá einhverjum.

Pantanir hjá Elísu í síma 847-8397.






04.05.2016 19:49

Sjálfboðaliðar á LM 2016

Landsmót hestamanna hafa í áranna rás verið borin uppi af óeigingjörnu framlagi sjálfboðaliða úr hestamannafélögum landsins. Sami eldmóður og hugsjón einkenna starfið í dag og í upphafi og margir sjálfboðaliðar gefa vinnu sína ár eftir ár. Gífurlegur undirbúningur liggur í að skipuleggja Landsmót og til að mæta kröfum nútímans um aðbúnað og skipulag reisum við heilt þorp fyrir allt að 15.000 manns. Framlag sjálfboðaliða er því gríðarlega mikilvægt og skiptir höfuðmáli til að gera umgjörð mótsins sem glæsilegasta.

Sjálfboðaliðar sem taka þátt í Landsmóti vinna a.m.k. þrjár vaktir á meðan á mótinu stendur. Þeir sem eru áhugasamir geta þó að sjálfsögðu tekið að sér fleiri vaktir því verkefnin eru næg. Hver vakt varir í 6 klukkustundir og er sjálfboðaliðum skipt niður í hópa sem fá síðan úthlutað ákveðið ábyrgðarsvið eða verkefni.

Nánari upplýsingar um sjálfboðaliðastarfið má finna hér 

Til að sækja um þarf að fylla út umsókn og senda góða andlitsmynd með umsókninni á johanna@landsmot.is

Umsóknarfrestur er 15. maí 2016!

 

01.05.2016 23:15

Frá æskulýðsstarfinu

 

Öllum þeim krökkum sem hafa tekið þátt í æskulýðsstarfinu í vetur er boðið í lokahóf hjá okkur 4. Maí kl 17:30 - 18:30 í

reiðhöllinni.

Ekki þarf að koma með hesta þar sem við ætlum að fara í leiki og hafa gaman saman ??

  • 1
Flettingar í dag: 418
Gestir í dag: 16
Flettingar í gær: 1186
Gestir í gær: 13
Samtals flettingar: 908195
Samtals gestir: 48712
Tölur uppfærðar: 19.3.2024 11:11:15