Færslur: 2019 Desember

30.12.2019 23:08

Skeiðnámskeið


Fræðslunefnd Þyts auglýsir skeiðnámskeið með Þorsteini Björnssyni, reiðkennara á Hólum.
Námskeiðið verður haldið á þremur kvöldum, föstudagskvöldin 17. janúar, 31. janúar og 14. febrúar 2020 kl. 20:00 í Þytsheimum. 
Fyrsti tíminn (17. janúar) er bóklegur en hinir tveir tímarnir (31. janúar og 14. febrúar) eru verklegir inni í reiðhöll eða úti á velli ef veður leyfir (gert er ráð fyrir að búið verður að laga gólfið í reiðhöllinni fyrir 31. janúar). 
Verklegir tímar eru 40 mínútur, áætlaður fjöldi er 2-3 í einu í tímunum, en mun sá fjöldi ráðast að einhverju leyti af þátttöku. 

Verðið er 6.000 kr fyrir tímann á mann en einnig stendur til boða að mæta einungis í bóklega tímann.
 
Fía tekur á móti skráningum á sofia.b.krantz@gmail.com.

12.12.2019 22:21

Hrossaeigendur í Húnaþingi vestra athugið!

 

 

Vinsamlegast skoðið útigangshross ykkar á morgun, föstudaginn 13. desember. Dæmi eru um að hross hafi fennt í kaf í sveitarfélaginu. Ráðlagt er að útigangur hafi aðgang að heyi þegar frosthörku er að vænta í kjölfar svona norðanáhlaups. Björgunarsveitirnar eru reiðubúnar að hjálpa þurfi að bjarga hrossum úr fönn.

12.12.2019 22:04

Félagsfundur og sýnikennsla

 

Mánudagskvöldið 16. des. n.k. ætlar Fanney Dögg Indriðadóttir að koma og vera með stutta sýnikennslu kl. 20 í Þytsheimum.

Eftir hana verður almennur félagsfundur þar sem farið verður yfir það sem er efst á baugi, vetrarstarfið og fleira.

Forsvarsmenn nefnda mæta og segja frá sínum störfum. Vonumst til að sjá sem flesta, þeir sem eru með hugmyndir geta komið þeim á framfæri. Þjöppum félagsmönnum saman fyrir komandi tímabil.  

Jólaglögg og piparkökur í boði félagsins. 

Sjáumst nefndin. 

06.12.2019 10:24

Þytsheimar


Reiðhöllin er tilbúin til notkunar aftur, síðustu daga er búið að vera að skipta um gólfefnið í henni.
 
Gjaldskráin verður áfram eins nema að tímabilskortið fyrir þá sem ekki eru í Þyt hækkar í 30.000. http://www.thytur.123.is/page/9905/ 

Hitablásararnir í höllinni eru bilaðir og því verður fólk bara að klæða sig vel þar til að þeir verða komnir í lag. 

Tímataflan fyrir  Þytsheima verður klár í næstu viku. 

Stjórn reiðhallarinnar. 

05.12.2019 10:46

Reiðkennsla hjá Ísólfi !!!




Fyrirhugað er að Ísólfur haldi áfram með svipað form á reiðkennslu eins og var í fyrra, Ekki er reiknað með að um fastan ákveðinn dag verði að ræða eins og í fyrra, heldur gæti verið breytilegt eftir vikum. Ef þú hefur áhuga þá skráir þú þig hjá Pálma á netfangið palmiri@ismennt.is eða í messenger.

Frekari upplýsingar hjá Pálma.

02.12.2019 12:50

Fræðsluerindi fyrir hestamenn !!!



Er ekki upplagt að líta aðeins upp úr jólaundirbúningnum og undirbúa sig aðeins fyrir komandi þjálfunartímabil??
Okkur í fræðslunefndinni finnst það og höfum fengið Sonju Líndal til að koma og fræða okkur um munn- og tannheilsu hesta sem og mismunandi mél og beislabúnað
Erindið verður haldið í Þytsheimum mánudagskvöldið 9. desember kl 20:00, aðgangseyrir 1.000 kr. 

Fræðslunefnd
  • 1
Flettingar í dag: 347
Gestir í dag: 14
Flettingar í gær: 1186
Gestir í gær: 13
Samtals flettingar: 908124
Samtals gestir: 48710
Tölur uppfærðar: 19.3.2024 09:17:59