Færslur: 2018 Febrúar

26.02.2018 08:52

Skráning á Svínavatn 2018



Mótið verður haldið laugardaginn 3. mars. Ísinn er afbragðs góður og vel lítur út með veður og færi.
Keppnisgreinar eru A-flokkur, B-flokkur og Tölt.
Skráning er á sportfengur.com hjá Hestamannafélaginu Neisti. Lokað verður fyrir skráningu á miðnætti miðvikudaginn 28.febrúar.
Ekki verður tekið við skráningum eftir þann tíma.
Ráslistar og aðrar upplýsingar verða birtar á heimasíðu mótsins þegar nær dregur.

21.02.2018 10:41

Sýningin ,,Hestar fyrir alla"

Þar sem stefnt er á að halda sýninguna Hestar fyrir alla 16. mars nk, ætlum við að bjóða upp á sýningarhóp fyrir krakkana og verða æfingar mánudaga kl 16:20-17:00 skráning sendist á thyturaeska@gmail.com

19.02.2018 15:58

Svínavatn 2018



Laugardaginn 3. mars verður mótið haldið á Svínavatni í A-Hún.
Keppt verður í A og B flokki gæðinga og opnum flokki í tölti. Fyrirkomulag með svipuðu sniði og verið hefur undanfarin ár og verða nánari upplýsingar birtar þegar nær dregur á hestanetmiðlum og á heimasíðu mótsins.

19.02.2018 14:07

Úrslit á 1. móti Húnvetnsku liðakeppninnar

Þá er fyrsta móti Húnvetnsku liðakeppninnar lokið, en það fór fram í Þytsheimum sunnudaginn sl og var keppt í fyrsta skipti í TREC sem er vinsælt keppnisform meðal frístundahestamanna víða um heim. TREC er þrautakeppni sem kallar fram það besta í góðum reiðhesti. Fjölhæfni og geðslag íslenska hestsins eru talin vel til þess fallin að nota í TREC. Hesturinn þarf að vera vel taminn, kjarkaður og hlýðinn til að farnast vel í greininni. Nánar um reglur Þyts í greininni má sjá í frétt hér á heimasíðu félagsins.

Eftirfarandi urðu úrslit í öllum flokkum.

Barnaflokkur:


1. sæti Dagbjört Jóna Tryggvadóttir  og Dropi frá Hvoli 91 stig

2. sæti Indriði Rökkvi Ragnarsson og Ígull frá Grafarkoti 59 stig

Unglingaflokkur:


1. sæti Rakel Gígja Ragnarsdóttir og Ronja frá Lindarbergi 84 stig

2. sæti Margrét Jóna Þrastardóttir og Melodý frá Framnesi 68 stig

3. sæti Bryndís Kristinsdóttir og Kjarval frá Hjaltastaðahvammi 62 stig

4. sæti Eysteinn Kristinsson og Glóð frá Þórukoti 40 stig

3. flokkur:

Sigurvegari 3. flokks fékk gjafabréf frá Regulator Complete ÍS

 

1. sæti Eva-Lena Lohi og Kolla 103 stig

2. sæti Sigrún Eva Þórisdóttir og Skutla frá Hvoli 80 stig

3. sæti Jóhannes Ingi Björnsson og Baltasar frá Litla-Ósi 64 stig

2. flokkur:

Sigurvegari 2. flokks fékk gjafabréf frá Regulator Complete ÍS


1.sæti Stine Kragh og Prins frá Þorkelshóli 121 stig

2. sæti Pálmi Geir Ríkharðsson og Laufi frá Syðri-Völlum 82 stig

1. flokkur: 

Sigurvegari 1. flokks fékk gjafabréf frá Regulator Complete Ís.


1. sæti Fanney Dögg Indriðadóttir og Ísó frá Grafarkoti 106 stig

2. sæti Elvar Logi Friðriksson og Gutti frá Grafarkoti 39 stig

Mótanefnd

SKVH Sláturhús er aðalstyrktaraðili Húnvetnsku Liðakeppninnar.


Regulator Complete ÍS gefur verðlaun til allra keppenda í 1. sæti í fullorðinsflokkum á öllum mótum Húnvetnsku liðakeppninnar.

17.02.2018 19:19

Ráslistar 1. móts Húnvetnsku liðakeppninnar 18.02.2018



Mótið hefst kl. 15.00 í Þytsheimum, hlökkum til að sjá ykkur:-) 


Við viljum benda á að gert er ráð fyrir að hver keppandi sé u.þ.b. 5-7 mínútur í braut. Rennihurð verður lokað þegar keppandi er kominn inn í hús og opnuð eftir að hver keppandi lýkur keppni. 



Börn:


Dagbjört Jóna Tryggvadóttir - Dropi frá Hvoli

Indriði Rökkvi Ragnarsson - Ígull frá Grafarkoti


Unglingar:


Margrét Jóna Þrastardóttir - Melodý frá Framnesi

Bryndís Kristinsdóttir - Kjarval frá Hjaltastaðahvammi

Rakel Gígja Ragnarsdóttir - Ronja frá Lindarbergi

Eysteinn Kristinsson - Glóð frá Þórukoti


3. flokkur:


Jóhannes Ingi Björnsson - Baltasar frá Litla-Ósi

Eva-Lena Lohi - Kolla

Sigrún Eva Þórisdóttir - Skutla frá Hvoli


2. flokkur:


Stine Kragh - Prins frá Þorkelshóli

Pálmi Geir Ríkharðsson - Laufi frá Syðri-Völlum


  1. flokkur:

Elvar Logi Friðriksson - Gutti frá Grafarkoti

Kolbrún Grétarsdóttir - Jaðrakan frá Hellnafelli


Minnum keppendur á að greiða keppnisgjöldin. Kt: 550180-0499 Rnr: 0159-15-200343


Kaffinefndin okkar verður að störfum eins og endranær :-)


Aðgangseyrir  500 kr. fyrir 12 ára og eldri.  

Mætum öll og styðjum okkar lið á fyrsta móti Liðakeppni Húnvetnsku mótaraðarinnar!!


SKVH Sláturhús er aðalstyrktaraðili Húnvetnsku Liðakeppninnar.


Regulator Complete ÍS gefur verðlaun til allra keppenda í 1. sæti í fullorðinsflokkum á öllum mótum Húnvetnsku liðakeppninnar.


Mótanefnd.


12.02.2018 13:20

ATHUGIÐ FRESTUN VEGNA ÓVIÐRÁÐANLEGRA ORSAKA !!!Fyrsta mót Húnvetnsku liðakeppninnar - Trec

 

Fyrsta mót Húnvetnsku liðakeppninnar verður haldið sunnudaginn 18. febrúar kl. 15.00.

Skráning er hafin og skal vera búið að skrá kl. 12:00 föstudaginn 16. febrúar.

Skrá skal á netfangið thytur1@gmail.com

Skráningargjaldið er kr. 1.500 fyrir fullorðna og kr. 1.000 fyrir unglinga 17 ára og yngri.

Skráningargjald skal greiða um leið og skráð er.

kt: 550180-0499

Rnr: 0159-15-200343

Keppt verður í 1. flokki, 2. flokki, 3. flokki, unglingaflokki og barnaflokki.

Við skráningu skal taka fram nafn keppanda og nafn hests.



Aðgangseyrir er kr. 500 en frítt fyrir 12 ára og yngri.



SKVH Sláturhús er aðalstyrktaraðili Húnvetnsku Liðakeppninnar.

Regulator Complete ÍS gefur verðlaun til allra keppenda í 1. sæti í fullorðinsflokkum á öllum mótum Húnvetnsku liðakeppninnar.

  

Mót Húnvetnsku liðakeppninnar 2018



Mótin verða fjögur 2018 og að auki sameiginlegt lokamót með Skagfirðingum og Eyfirðingum sem verður þann 14. apríl nk.


 Fyrsta mót verður haldið laugardaginn 17. febrúar, keppt verður í Trec.

 Annað mótið verður haldið laugardaginn 10. mars og þá verður keppt í fjórgangi V3 í 1., 2. og unglingaflokki, V5 í barnaflokki og 3. flokki.

 Þriðja mótið verður haldið sunnudaginn 25. mars og þá verður keppt í fimmgangi F2 í 1., 2., og unglingaflokki. Tölti T2 opið öllum flokkum. Börn og 3. flokkur keppa i þrígangi.

 Fjórða mótið verður haldið laugardaginn 7. apríl og þá verður keppt í 100 m. skeiði,  tölti T3 í 1., 2. og unglingaflokki og T7 í barna og 3. flokki.


Keppt verður í kvenna og karlaliðum.


Mótanefnd

 

10.02.2018 18:51

Trec -reglur Þyts

Trec

 
 
 

 

 

  1. Stökk A-A
  2. Fet C-A
  3. Blómareið
  4. Völundarhús
  5. Hlið
  6. Bakka
  7. Limbóstangir
  8. Skilja hest eftir

 

  • Hér fyrir neðan má finna lýsingar á verkefnum og fram kemur ef að verkefni er gert eitthvað öðruvísi fyrir barnaflokka en í unglinga- og fullorðinsflokkum
  • Verkefnin eru í ákveðinni röð og númer við hverja æfingu svo knapar ættu ekki að ruglast
  • Það eru ekki öll verkefnin á tíma, en verkefnið í heild sinni á að ganga vel fyrir sig og þegar einni æfingu er lokið á að koma sér sem fyrst í næstu og svo koll af kolli.

 

Reglur

 


  1. Stökk – æfing er á tíma
     

 

Markmið : Ríða eins hægt stökk og hægt er.

Reiðleið: A-A einn hringur á sporaslóð. Knapi verður að fara út fyrir staurana.

Börn: mega ríða hægt tölt eða hægt brokk.

Lýsing á æfingu

  • Knapi ræður hvort hann sýnir vinstra eða hægra stökk
  • Knapi ríður einn hring frá A-A
  • Þegar fótur knapa er við A fer tímataka af stað og þegar að fóturinn nemur aftur við A þá stoppar tímatakan
  • Heimilt er að ríða upp á hvora hönd sem knapinn vill
  • Ef knapi hefur t.d. sýnt stökk upp á hægri hönd en ætlar að sýna fet upp á vinstri þá skiptir hann um hönd á þeirri skamhlið sem stökkið endar því hver knapi hefur bara eina langhlið til þess að undirbúa fet.

 

Villur í æfingu

  • Ef hestur fer af stökki niður á aðra gangtegund þá mínusast 10 sek. af tímanum sem þýða að knapi fær færri stig fyrir æfinguna
  • Knapinn hefur 3 hestlengdir til þess að koma hestinum aftur upp á stökk, ef hesturinn fer af gangtegund. Ef knapinn nær ekki að fara upp á stökk á þessari vegalengd fær hann 0 í einkunn.
  • Ef hestur fer tvisvar eða oftar af stökki þá fær knapi 0 í einkunn.

Reiðmennskuvillur:

  • Óregluleg framhugsun hjá hesti (hestur hikar)
  • Vitlaus staðsetning knapa í þraut (sem leiðir til þess að hestur snertir staurana)
  • Skortur á léttleika
  • Hestur eða knapi ekki í jafnvægi
  • Rangar ábendingar

 

Knapi hefur heila langhlið til þess að undirbúa næsta verkefni sem er Fet

  1. Fet – æfing er á tíma. 
     

Markmið:  ríða eins hratt fet og hægt er

Reiðleið: C-A hálfur hringur  (ein langhlið) tími byrjar um leið og fótur knapa fer framhjá C

 

Lýsing á æfingu

  • Knapi ræður hvort hann sýnir fet upp á vinstri eða hægri hönd
  • Þegar fótur knapa nemur við C fer af stað tímataka og þegar að fótur knapa nemur við A þá stoppar tímataka

Villur í æfingu

  • Ef hestur fer af feti upp á aðra gangtegund bætast við 10 sek. við tímann sem að þýðir að knapinn fær færri stig fyrir æfinguna.
  • Knapinn hefur eina hestlengd til þess að hægja á hestinum á fet. Ef knapinn nær því ekki á þessari vegalengd fær hann 0 í einkunn.
  • Ef hestur fer upp af feti tvisvar eða oftar fær knapinn 0 í einkunn.

Reiðmennskuvillur:

  • Óregluleg frahugsun hjá hesti (hestur hikar)
  • Vitlaus staðsetning knapa í þraus (sem leiðir til þess að hestur snertir leiðara)
  • Skortur á léttleika
  • Hestur eða knapi ekki í jafnvægi
  • Rangar ábendingar

 

 

 

 

  1. Blómareið – ekki á tíma 

     

    Markmið: gotta samspil knapa og hests. Hesturinn gengur fús áfram og bregst rétt við ábendingum knapa. Sýna fram á að hesturinn sé rólegur.

Reiðleið: sjá teikningu.

Lýsing á æfingu

  • Knapi staðsetur sig við tunnuna þar sem blómapotturinn er
  • Fótur knapa staðsettur við miðja tunnu (þarf ekki að snerta )
  • Knapi teygir sig í blómapottinn
  • Knapi ríður með aðra hendi á taum að næstu tunnu, í kringum hana og til baka
  • Knapi stoppar fótur er staðsettur við miðja tunnu (þarf ekki að snerta)
  • Knapinn er stopp slakar taumum í a.m.k. 3.sek. þannig að dómarar sjái það greinilega
  • Leggur frá sér blómaapottinn á tunnuna (sömu tunnu og potturinn var á í upphafi)

Villur í æfingur

  • Báðar hendur á taum
  • Hestur flýtir sér, fer upp á hraðari gangtegund
  • Hestur fer af stað eftir að kapi slakar taum í lokin þegar hann á að vera stopp
  • Knapi slakar ekki taum
  • Hestur fer skrykkjótta leið

Reiðmennskuvillur:

  • Óregluleg framhugsun hjá hesti (hestur hikar)
  • Vitlaus staðsetning knapa í þraut
  • Skortur á léttleika
  • Hestur eða knapi ekki í jafnvægi
  • Rangar ábendingar

 

 

 

 

  1. Völundarhús 
     

Markmið : Sýna framhugsun og hugrekki hjá hestinum. Samspil knapa og hests þurfa að vera góð. Hesturinn má ekki stíga á spýturnar.

Reiðleið: sjá teikningu. Knapi ræður hvoru megin hann fer inn í æfinguna.

Lýsing á æfingu

  • Knapi ríður í gegnum völundarhúsið
  • Knapi ræður hvoru megin hann byrjar í völundarhúsinu
  • Knapi og hestur fá ekki fulla einkunn ef þeir snerta spýturnar (stíga á þær, ýta þeim til hliðar né reka hófana í)
  • Knapi og hestur fá 0 í einkunn ef hestur stígur út fyrir.

Villur í æfingu

  • Hestur fer úr verkefni
  • Hestur svara ekki ábendingum knapa
  • Bakkar
  • Sýnir kergju
  • Snertir spýtur
  • Neitar
  • Stígur út úr æfingur (einn fótur er nóg) 0 stig

 

Reiðmennskuvillur

  • Óregluleg framhugsun hjá hesti vegna ábendinga (hestur hikar)
  • Vitlaus staðsetning knapa í þraut (sem leiðir til þess að hestur snertir leiðara)
  • Skortur á léttleika
  • Hestur eða knapi ekki í jafnvægi
  • Rangar ábendingar

 

 

  1. Hlið – ekki á tíma 
     

Markmið: Að ríða að hliði opna það og loka því aftur á hesti sem er  óhræddur, hlýðinn og sýnir framhugsun í verkefninu. Jafnar og rétta ábendingar knapans.

 Reiðleið: Sjá teikningu. Knapi ræður hvoru megin hann fer inn í æfinguna.

Börn : Þurfa bara að opna hliðið en fá hærri reiðmennskueinkunn ef þau geta lokað því

Lýsing á æfingu

  • Knapi opnar og lokar hliði
  • Knapi verður alltaf að halda í bandið
  • Hliðið er gert úr tréstaurum og bandi
  • Knapi verður að taka lykkju upp af staur ríða í gegn og loka á eftir sér

Villur í æfingu

  • Hestur fer úr verkefni
  • Hestur svara ekki ábendingum knapa  (hestur víkur frá óumbeðin)
  • Bakkar
  • Kergja 
  • Hestur neitar
  • Hestur fer að snúast í hringi
  • Knapi missir bandið
  • Hestur snertir hliðstaurana
  • Hestur stendur staður í meira en 5 sek án þess að hlusta á knapa. 0 stig

Reiðmennskuvillur

  • Óregluleg framhugsun hjá hesti (hestur hikar)
  • Vitlaus staðsetning knapa í þraut (sem leiðir til þess að hestur snertir staurana)
  • Skortur á léttleika
  • Hestur eða knapi ekki í jafnvægi
  • Rangar ábendingar

 

 

  1. Bakka – ekki á tíma 

     

    Markmið : Sýna hlýðni og hæfni hestsins þegar riðið er afturábak

Reiðleið: sjá teikningu. Knapi ræður hvoru megin hann fer inn í æfinguna.

Börn: bakka styttra en unglingar og fullorðnir

Lýsing á æfingu

  • Knapi ríður á milli spýta stoppar hestinn (sjá mynd)
  • Framfætur hestsins verða að vera við x á spýtunum eða fyrir framan (semsagt út fyrir spýturnar)
  • Hestur stendur kyrr í 3 sek áður en að hann fer af stað í æfinguna að bakka
  • Í þessari æfingu má knapi notast við hálsband

Villur í æfingu

  • Hestur snertir leiðara
  • Hestur stígur út fyrir leiðara ( einn fótur er nóg) = 0 fyrir æfingu
  • Hestur neitar
  • Hestur fer áfram
  • Hestur hlustar ekki á ábendingar knapa

 

Reiðmennskuvillur

  • Óregluleg framhugsun hjá hesti (hestur hikar)
  • Skortur á léttleika
  • Hestur eða knapi ekki í jafnvægi
  • Rangar ábendingar
  • Hestur færir sig til hliðar
  • Knapi situr ekki beinn yfir hestinum

 

 

 

  1. Limbóstangir – ekki á tíma 
     

Markmið: ríða undir án þess að hrinda niður stöngunum.

Reiðleið: sjá teikningu. Knapar verða alltaf að fara inn í æfinguna á saman stað. Vegna þess að stangirnar geta bara dottið niður öðru megin

Lýsng á æfingu

  • Knapi má ráða hvort hann sýni æfinguna á brokki, tölti eða stökki
  • Flest stig fást fyrir stökk
  • Knapi verður að komast undir allar hindranirnar

 

Villur í æfingu

  • Hitta ekki á æfingu ( hesturinn fer framhjá ) = 0 stig fyrir æfinguna
  • Hestur fer úr æfingunni
  • Hlustar ekki á ábendingar knapa
  • Hestur neitar
  • Hestur bakkar
  • Hestur skiptir um gangtegund í æfingu
  • Knapi hrindir niður stöng/um

 

 

  1. Skilja hestinn eftir - tími 
     

Markmið: Hesturinn verður að vera inni í sag-hringnum í 10 sek. Hann má hreyfa sig en ekki fara út fyrir innri saghringinn. Rólegur og hlýðinn hestur sem bíður eftir knapa sínum.

Reiðleið: sjá teikningu

Lýsing á æfingu:

  • Knapi teymir hest sinn með tauminn niðri og staðsetur hestinn inni í innri hringnum (x) setur tauminn upp á háls hestsins rétt fyrir framan hnakknefið. Ekki má festa tauminn á neinn hátt eða binda hestinn niður. Þegar hesturinn er stopp og taumurinn er kominn uppá háls hestsins, þá hefur knapinn 10 sek til að skilja hestinn eftir og fara út úr innri hringnum
  • Þegar knapinn er kominn í ytri hring er hann ekki á tíma en þar undirbýr hann sig í að fara út fyrir ytri hringinn, í þessum hring eru gefin refsistig ef knapi leiðréttir hestinn með líkastjáningu en hann má alltaf nota röddina.  Fyrir hverja líkamstjáningu fær knapinn 2 refsistig sem verða tekin af þeim tíma sem að knapinn nær að láta hestinn standa kyrran. Heimilt er að ganga beint úr innri hring og út fyrir ytri hring ef hann treystir hestinum til þess að vera eftir í innri hring.
  • Þegar knapinn er kominn út fyrir ytri hring byrjar önnur tímataka. Hesturinn má ekki fara útfyrir innri hring og knapinn þarf að standa kyrr í 10 sek.
  • Ef það tekst og hesturinn er ennþá inni í innri hringnum og knapinn hefur staðið kyrr í 10 sek má knapinn reyna við aukastigin sem eru fengin með því að ganga (ekki hlaupa) einn hring í kringum ytri hringinn og ef hesturinn er ennþá í innri hring þegar hann hefur gengið einn hring þá hlýtur hann auka 8 stig.
  • Hesturinn má ekki fara út fyrir innsta saghringinn ef það gerist er það 0 fyrir æfinguna.

Villur í æfingu

  • Knapi setur ekki upp tauminn
  • Knapi hleypur
  • Knapi notar líkamstjáningu til þess að láta hestinn færa sig eða standa kyrran (t.d hendur eða fætur )
  • Hestur fer út úr hringnum  = 0 stig fyrir æfingu

02.02.2018 17:13

Trec trec

 

Trec sýnikennsla í kvöld kl. 20:00-21:00 farið yfir brautina og reglur keppninnar.

1000 kr. inn og frítt fyrir námskeiðsfólk.

Laugardagur

09:00-10:00 Hópur 1 – Siggi Björn, Eva-Lena, Sigrún Eva
10:00-11:00 Hópur 2 Kolla, Jói og Stine
11:00-12:00 Hópur 3 Rakel, Rökkvi, Margrét og Bryndís
13:00-14:00 Hópur 4 Jólín, Svava, Linda og Dagbjört
14:00-14:30 Hópur 2 Kolla, Jói og Stine
14:30-15:00 Hópur 3 Rakel, Rökkvi, Margrét og Bryndís
15:00-15:30 Hópur 4 Jólín, Linda, Svava og Dagbjört
15:30-16:00 Hópur 1 Siggi Björn, Eva-Lena, Sigrún Eva

Það voru að losna 2 pláss vegna veikinda...

  • 1
Flettingar í dag: 301
Gestir í dag: 34
Flettingar í gær: 1497
Gestir í gær: 276
Samtals flettingar: 3160436
Samtals gestir: 390280
Tölur uppfærðar: 19.6.2018 06:32:17