14.04.2010 11:42
Tekið til kostanna
Stórsýningin Tekið til kostanna verður haldin í reiðhöllinni Svaðastaðir á Sauðárkróki 24.apríl. Mikið verður um að vera þessa helgi á Sauðárkróki.
Föstudaginn 23. apríl verður kynbótasýning og fara byggingardómar fram í reiðhöllinni og verða hrossin dæmd í reið á velli hestamannafélagsins Léttfeta sem er við hlið reiðhallarinar.
Laugardaginn 24. apríl verður yfirlitssýning kynbótahrossa klukkan 10:00, upp úr hádegi byrjar kennslusýning reiðkennarabrautar Háskólans á Hólum sem stendur fram eftir degi. Um kvöldið verður svo stórsýningin Tekið til kostanna og verður dagskrá sýningarinnar kynnt á næstu dögum.
Hvetjum við fólk til að taka þennan spennandi dag frá.