Laugardaginn 3. mars næstkomandi verður haldið Ís-landsmót á Svínavatni í Austur-Húnavatnssýslu. Keppt verður í A og B flokki og opnum flokki í tölti. Fyrirkomulag með svipuðu sniði og verið hefur undanfarin ár og verða nánari upplýsingar birtar þegar nær dregur á hestanetmiðlum og á heimasíðu mótsins.

Nú stendur yfir söfnun styrktaraðila og  ljóst er að verðlaunafé verður a.m.k. það sama og undanfarin ár eða samtals 480.000 krónur, auk bikara fyrir átta efstu sætin í hverjum flokki.

Skráningagjöld verða óbreytt, 3.000. kr. á skráningu. Nú hefur allan snjó tekið upp af vatninu og ísinn sléttur og hnausþykkur eftir mikil frost framan af vetri.