Stóðhesturinn Aðall frá Nýjabæ verður í fyrragangmáli í Víðidalstungu II í Húnaþingi vestra í sumar.

Gjaldið er 115.000 kr. fyrir félagsmenn í hrossaræktunarsamtökum Vestur-Húnvetninga  og hrossaræktunarsamtökum Austur- Húnvetninga, en 125.000 kr. fyrir utanfélagsmenn. 

Aðall verður settur í hólfið í kringum miðjan júní, pantanir eru hjá Ísólfi Líndal í síma 899-1146 eða á netfangið isolfur@laekjamot.is 

Aðall gefur hross nokkuð yfir meðallagi að stærð með skarpt og þurrt höfuð og beina neflínu en smá augu. Hálsinn er langur og mjúkur en djúpur. Bakið er breitt og vöðvað og lendin öflug en afturdregin. Afkvæmin eru hlutfallarétt og fótahá en sum nokkuð þrekvaxin á brjóstið. Liðir á fótum eru sverir og sinar öflugar en sinaskil lítil, réttleiki er yfir meðallagi. Hófar eru efnisþykkir en nokkuð gleiðir og prúðleiki er mjög góður. Aðall gefur rúmt, taktgott og mjúkt tölt með góðum fótaburði og taktgott og skrefmikið brokk. Mörg afkvæmanna sýna talsverða skeiðgetu, eru örugg á skeiðinu en skortir nokkuð ferð. Afkvæmin hafa góðan og þjálan reiðvilja og bera sig vel. Aðall gefur prúða, jafnvíga alhliðagæðinga. Aðall hlýtur fyrstuverðlaun fyrir afkvæmi og annað sætið á landsmóti 2012.