Hestamannafélagið Þytur

07.03.2009 08:21

HAPPDRÆTTI HVAMMSTANGAHALLARINNAR

Miðasala hefst í næstu viku en hægt er að panta miða núna á emeil:kolbruni@simnet.is

Hér á heimasíðunni (efst í hægra horninu) er linkur inn á vinninga happdrættisins. Komnir eru í vinning 48 folatollar og þar af 24 folatollar undir 1. verðlauna stóðhesta. Heildarverðmæti vinninga er í kringum 1.800.000.- Aðeins verður dregið úr seldum miðum. Miðaverð er 2.000.-

Allur ágóði rennur til Hvammstangahallarinnar.

Skrifað af Kolla

05.03.2009 23:20

Fullt af gæðingum skráðir á Ís-landsmótið á Svínavatni

Skráningar eru rúmlega 230 þannig að þetta verður trúlega stærsta hestamannamót sem haldið verður norðanheiða í ár. Fjöldinn af stórstjörnum meðal þátttakenda er slíkur að útilokað er að tilgreina einhverja sérstaka, en vísað á fyrirliggjandi ráslista þar um.

Dagskráin hefst við sólarupprás kl. 9.30. stundvíslega á B-flokk, síðan A-flokk og endað á tölti. Úrslit verða riðin strax á eftir hverri grein.Áætlað er að mótinu ljúki kl. 18. Mótið verður tekið upp af Ben Media og verður aðgengilegt á vefsjónvarpi hestafrétta á sunnudag . Einnig verður bein útsending á hestafrettir.is ef ekki koma upp óvænt tæknileg vandamál á síðustu metrunum.

Veðurspáin er mjög hagstæð, úrkomulaust, dálítið frost og nánast logn.

Áhugafólk er hvatt til að mæta og sjá fullt af stórglæsilegum hrossum og þar af mikið af háttdæmdum keppnis og kynbótahrossum á þessu sterkasta ísmóti vetrarins.

Skrifað af Kolla

05.03.2009 22:21

Grunnskólamót í hestaíþróttum

Grunnskólamót Norðurlands vestra í hestaíþróttum verður sett á í vetur. Þetta er alveg nýtt af nálinni og er hugmynd sem kviknaði hjá Smára Haraldssyni á Sauðárkróki sem í samstarfi við Geir Eyjólfsson unglingaráðsfulltrúa Léttfeta skipulögðu keppnina.

Keppnin verður haldin í samstarfi við hestamannafélögin Léttfeta, Stíganda, Svaða, Neista og Þyt og mega allir skólar á Norðvestur svæðinu taka þátt. Keppt verður í þremur aldursflokkum. 1.-3. bekkur keppir í fegurðarreið á brokki eða tölti. 4.-7. bekkur keppir í tölti, þrígangi (fet, tölt og brokk) og smala og 8.-10. bekkur keppir í tölti, fjórgangi, smala og skeiði.
Þetta verður stigakeppni þar sem keppendur vinna stig fyrir skólann sinn og stigahæsti skólinn fær veglegan bikar að launum.
Að sögn þeirra Smára og Geirs verður þetta alvöru keppni og látið reyna á krakkana og þá sérstaklega þá elstu.
Fyrsta mótið af þremur verður haldið í Svaðastaðahöllinni 21. mars, annað mótið fer fram í Reiðhöllinni Arnargerði á Blönduósi og það þriðja í Þytshöllinni á Hvammstanga en þau eru ótímasett.

heimild: http://www.feykir.is/archives/5278

sú breyting er á að annað mótið verður hérna hjá okkur á Hvammstanga 4. apríl n.k. og svo það þriðja á Blönduósi 18. apríl n.k

við ákváðum að skella inn mynd af smalabrautinni sem verður á mótinu. Hún kemur svo auðvitað til með að breytast eitthvað á milli staða vegna mismunandi stærðar á höllum

Kveðja Æskulýðsnefnd

Skrifað af Tóta

04.03.2009 22:04

Umsjónaraðilar

Búið er að skipta korthöfum Hvammstangahallarinnar niður á vikur til að hafa umsjón með reiðhöllinni. Listi með skiptingunni verður hengdur upp í reiðhöllinni á næstu dögum.
Vikuna 2. mars - 8. mars eru umsjónaraðilar Þórdís Benediktsdóttir og Unnsteinn Andrésson (Steini hennar Þórdísar) s. 849-2719.
Kominn er listi upp í reiðhöll með skiptingunni á vikum. Næstu viku taka Pétur Guðbjörnsson og Guðrún Matthíasdóttir

Skrifað af Kolla

04.03.2009 19:11

Ráslistar komnir fyrir Ís-landsmótið 2009

Á heimasíðu Ís-landsmótsins eru komnir ráslistar fyrir mótið.

Ljóst er að fjöldi skráninga er langt umfram það sem gert var ráð fyrir. Þess vegna hefur verið ákveðið að hefja mótið stundvíslega kl. 9.30. og hafa fjóra í holli í stað þriggja. Krafist fullkominnar stundvísi og engar undantekningar leyfðar. Þetta fyrirkomulag var valið í stað þess að vísa þeim frá sem síðastir voru að skrá, sem við þó vorum búnir að áskilja okkur rétt til að gera. Vonum við að keppendur og gestir sýni þessum ráðstöfunum skilning.

Byrjað verður á B-flokk síðan A-flokkur og endað á tölti.

RÁSLISTA MÁ SJÁ HÉR

Skrifað af Kolla

02.03.2009 10:40

Svellkaldar konur

Hið árlega ístöltsmót kvenna "Svellkaldar konur" fór fram í Skautahöllinni í Laugardal í gærkvöldi. Hundrað hestar og konur voru skráð til leiks á þessu vinsæla móti og var keppt í þremur styrkleikaflokkum. Konurnar mættu prúðbúnar á glæsilegum hestum sínum og mótið gekk mjög vel á allan hátt. Keppnin var jöfn og spennandi og nokkuð um það að knapar riðu sig upp í úrslitum.

Helga Rós og Fanney Dögg kepptu frá Þyt. Fanney Dögg og Grettir frá Grafarkoti kepptu fyrir Þyt og enduðu í 9. sæti í opnum flokki. Óskum við þeim innilega til hamingju með árangurinn!

Úrslitin voru svo algert augnakonfekt þar sem hver glæsigripurinn af öðrum sýndi hæfileika sína undir stjórn frábærra knapa. Glæsilegasta par mótsins var valið af dómurum og voru það þær stöllur Lena Zielinski og Eining frá Lækjarbakka sem hömpuðu þeim titli. Mótið er hluti af þriggja móta röð á vegum Landssambands hestamannafélaga þar sem keppt er á ís og allur ágóði af mótinu rennur til íslenska landsliðsins í hestaíþróttum.
Rétt er að þakka öllum þeim er lögðu hlut á plóg, en dómarar og allt starfsfólk gaf vinnu sína á þessu móti, auk þess sem fjöldi fyrirtækja lagði mótinu lið. Kærar þakkir til ykkar allra!

Úrslitin urðu eftirfarandi:

Minna vanar:
A Úrslit
Sæti Nafn keppanda Hestur Litur Aldur Félag Einkunn forkeppni Einkunn úrslit
1 Gréta Boða Grýta f. Garðabæ Móálótt 6 Andvari 6,43 7,42
2 Hanna S. Sigurðardóttir Depill f. Svínafelli 2 Jarpstjörn. 11 Fákur 6,37 6,75
3 Anna Sigurðardóttir Prúður f. Kotströnd Jarpstjörn. 18 Fákur 5,77 6,17
4 Halldóra Matthíasdóttir Stakur f. Jarðbrú Rauður 9 Fákur 5,93 6,08
5 Drífa Daníelsdóttir Háfeti f. Þingnesi Jarpur 19 Fákur 5,80 6,08
6 Svanhildur Ævarr Valgarðsdóttir Spegill f. Eyrarbakka Grábles. 8 Andvari 5,80 6

Meira vanar:
A úrslit
Sæti Nafn Hestur Litur Aldur Félag Einkunn forkeppni Einkunn úrslit
1 Elísabet Sveinsdóttir Hrammur f. Galtastöðum Brúnn 7 Andvari 6,53 6,89
2 Rakel Sigurhansdóttir Strengur f. Hrafnkelsst. 1 Gráskjóttur 16 Fákur 6,57 6,78
3 Þórunn Eggertsdóttir Snælda f. Bjargshóli Rauð 7 Fákur 6,37 6,67
4 Sigríður Arndís Þórðardóttir Hörður f. Eskiholti II Brúnn 9 Geysir 6,50 6,5
5 Guðrún Valdimarsdóttir Rauðinúpur f. Sauðárkróki Rauður 10 Fákur 6,10 6,5
6 Lilja S. Pálmadóttir Sigur f. Húsavík Jarpur 12 Gustur 7,00 5,72

B úrslit
Sæti Nafn Hestur Litur Aldur Félag Einkunn forkeppni Einkunn úrslit
1 Guðrún Valdimarsdóttir Rauðinúpur f. Sauðárkróki Rauður 10 Fákur 6,10 6,61
2 Inga Cristina Campos Sara f. Sauðárkróki Rauðstjörn. nös. 7 Sörli 6,17 6,5
3 Hrafnhildur Guðmundsdóttir Mósart f. Leysingjastöðum II Grár/mós. 12 Faxi 6,33 6,39
4 Sif Jónsdóttir Hringur f. Nýjabæ Brúnn 9 Fákur 6,20 6,22
5 Björg María Þórsdóttir Blær f. Hesti   Faxi 6,17 6,11

Opinn flokkur:
A úrslit
sæti Nafn Hestur Litur Aldur Félag Einkunn forkeppni Einnkunn úrslit
1 Lena Zielinski Eining f. Lækjarbakka Brún 8 Geysir 7,43 8,22
2 Hulda Gústafsdóttir Völsungur f. Reykjavík Brúnstjörn. 16 Fákur 7,40 7,94
3 Erla Guðný Gylfadóttir Erpir f. Mið-Fossum Jarpnös. 10 Andvari 6,67 7,78
4 Bylgja Gauksdóttir Piparsveinn f. Reykjavík Brúnn 6 Andvari 7,10 7,44
5 Fanney Guðrún Valsdóttir Fókus f. Sólheimum Bleikálóttur 8 Fákur 6,30 7,17
6 Artemisia Bertus Flugar frá Litla-Garði Rauðstjörn. 9 Stígandi 6,90 7

B úrslit
sæti Nafn Hestur Litur Aldur Félag Einkunn forkeppni Einnkunn úrslit
1 Fanney Guðrún Valsdóttir Fókus f. Sólheimum Bleikálóttur 8 Fákur 6,30 7
2 Sara Ástþórsdóttir Díva f. Álfhólum Jörp 5 Geysir 6,63 6,78
3 Edda Rún Ragnarsdóttir Ábóti f. Vatnsleysu Brúnn 7 Fákur 6,50 6,67
4 Fanney Dögg Indriðadóttir Grettir f. Grafarkoti Brúnn 7 Þytur 6,33 6,61
5 Maria Greve Trú f. Álfhólum Rauðtvístjörn. 9 Gustur 6,50 6,5
6 Ragnhildur Haraldsdóttir Ösp f. Kollaleiru Brún 12 Hörður 6,30 6,44

Skrifað af Kolla

01.03.2009 22:29

Stórstjörnur á ÍS-Landsmóti á Svínavatni 7 Mars.

Sigur frá Hólabaki og Hans Kjerúlf

Nú styttist óðum í stærsta ísmót ársins þar sem margir af bestu knöpum og hestum landsins mæta, Hans Kjerúlf mun mæta með Sigur frá Hólabaki sem sigraði Bautamótið nú á dögunum, Jakob Sigurðsson mætir með Kaspar frá Kommu en hann sigraði B-flokkinn í fyrra á Svínavatni. Á næstu dögum munum við senda frá okkur nöfn á hestum og mönnum sem munu mæta og listinn er langur og það stefnir í hörku keppni á Svínavatni um næstu helgi.

Skráningar berist á netfangið gudinga@ismennt.is) í síðasta lagi þriðjudaginn 3. mars. Eftirtalið þarf að koma fram: Keppnisgrein, nafn knapa, nafn, ætt, aldur og litur hests. Keppnisgreinar eru A-flokkur, B-flokkur og tölt. Skráningargjald eru 3.000. kr. á grein. Greiðist inn á reikning 0307 - 13 - 110496, kt. 480269-7139 um leið og skráð er. Í boði er gisting fyrir menn og hross víða í héraðinu. Einnig verður sérstök tilboð um helgina á Pottinum og pönnunni á Blönduósi og þar verður kráarstemming bæði föstudags og laugardagskvöld.

Minnum á að fylgjast með heimasíðum Hestamannafélaganna Neista og Þyts og http://svinavatn-2009.blog.is þar sem fram koma allar nánari upplýsingar og rásröð keppenda þegar líður að móti.

Skrifað af Kolla