Það stefnir í mjög skemmtilegt mót annaðkvöld í Hvammstangahöllinni en það eru 87 skráðir til leiks. Mótið byrjar klukkan 18.00 og er aðgangseyrir 500 kr.

Skráningargjaldið er 1.000.- og má leggja beint inn á 1105-15-200343 kt. 550180-0499.

Mótanefnd

Kæru Þytsfélagar og aðrir.

Mikið var mér brugðið í morgun þegar mér var tilkynnt að Gunnar Þorgeirsson, liðstjóri liðs 3, hefði gefið út þátttöku mína í liðakeppni Þyts núna á föstudag. Ingveldur Ása Konráðsdóttir hringdi í mig eftir að hafa lesið þetta á heimasíðu hestamannafélagsins og var henni illa brugðið þar sem hún stóð í þeirri meiningu, eins og ég, að ég myndi keppa fyrir lið 2.  Ekki veit ég hvað Gunnari gekk til með þessu háttarlagi sínu en þetta leiðréttis hér með og bið ég alla vætti að vaka yfir Gunnari á þessum tímum og er það einlæg ósk okkar allra að hann fari að jafna sig á þessu höfuðhöggi sem hann hlaut fyrr í vetur.  Við félagarnir mætum á föstudag og leiðum lið 2 til sigurs, ekkert annað kemur til greina.

Virðingarfyllst

Jakob Sigurðsson

s. 898-7691

Grunnskólamótið sem halda átti á Hvammstanga 4.apríl verður haldið í reiðhöllinni Arnargerði á Blönduósi  sama dag eða 4.apríl kl. 14.00

Skráningar verða að hafa borist fyrir kl. 17.00  miðvikudaginn 1.apríl 2009(í dag) á thyturaeska@gmail.com  (nýtt e-mail æskulýðsnefndarinnar) og fram þarf að koma nafn og aldur knapa og hests, litur og upp á hvora hönd á að ríða. Skráningargjald er 500.- krónur og greiðist á keppnisstað.

Keppt verður í sömu greinum og á mótinu á Sauðárkróki

1.-3.bekkur -       Fegurðarreið

4.-7.bekkur -       Tölt

                            Þrígangur

                            Smali

8.-10.bekkur -      Tölt

                            Fjórgangur

                            Smali

                            Skeið

Þannig Grunnskólamót reiðhöllinni Arnargerði 4.apríl 2009

 

Nú er komið að lokamótinu í Húnvetnsku liðakeppninni og spennan farin að magnast. Það er ljóst að allt verður lagt undir og ekki ætlum við Víðdælingar að tapa þessu, því annað sætið er jú TAP.

Og er það okkur sönn ánægja að segja frá því að okkur barst ansi skemmtilegur liðsstyrkur fyrir lokamótið, fimm úrvals knapar og hestar að suðurlandi, en það er fagnaðarefni fyrir okkur húnvetninga að svo sterkir knapar vilji vera með okkur í þessari keppni enda stemminginn engri lík. Þeir knapar sem ætla að heimsækja okkur eru Sigurður Sigurðarson með Suðra frá Holtsmúla, Jakop Sigurðsson með Auð frá Lundum, Hinrik Bagason með Hnokka frá Fellskoti, Hulda Gústafsdóttir með Völsung frá Reykjavík og Viðar Ingólfsson með Tuma frá Stóra Hofi. Og munu þau öll keppa fyrir lið 3 (Víðdælinga). En það er von okkar að þetta muni gera þessa keppni enn meira spennandi fyrir ykkur áhorfendur góðir, og vonandi takið þið þessum topp knöpum og hestum fagnandi.
Það er ekki á hverjum degi sem margfaldir íslands- og heimsmeistarar sækja keppni hjá okkur húnvetningum.

Verum glöð, jákvæð og sjáumst hress á föstudaginn.

Með kveðju

Gunnar Þorgeirsson liðstjóri liðs 3

gsm 8942554

Áfram Víðidalur