02.01.2018 13:12

LH óskar eftir umsóknum í afrekshóp LH 2018



Tilgangur verkefnisins er að búa unga knapa undir að takast á við stór verkefni á sviði hestamennskunnar bæði hér heima og á erlendum vettvangi.

Gjaldgengir í hópinn eru knapar á aldrinum 16 til 21. árs á árinu 2018.

Valið er í afrekshóp til eins árs í senn. Í umsókn skulu koma fram allar grunnupplýsingar um umsækjandann, sem og keppnisárangur síðustu tvö keppnisár. Taka þarf sérstaklega fram hvaða mót, sæti og einkunn.

Kostnaður knapa er kr. 80.000 fyrir árið (Hægt að dreifa).

Viðburðir á vegum verkefnisins verða fjórir á árinu og er skyldumæting í þá alla.
Nánari dagskrá mun liggja fyrir í byrjun janúar.

Liðstjóri hópsins verður Arnar Bjarki Sigurðarson

Umsóknarfrestur er til og með 5.janúar 2018 og skulu umsóknir berast á netfangið lh@lhhestar.is 

ATH: Þeir sem voru í afrekshóp LH 2017 þurfa að endurnýja sína umsókn til að eiga möguleika á að halda áfram.

Arnar Bjarki veitir nánari upplýsingar á netfanginu sunnuhv@gmail.com

Metnaðarfullt verkefni og einstakt tækifæri fyrir unga knapa til að bæta sig og byggja keppnishestinn upp á markvissan hátt.

Stjórn LH

24.12.2017 15:41

Gleðilega jólahátíð

Stjórn Þyts sendir Þytsfélögum sem og öllum Húnvetningum bestu óskir um gleðileg jól og farsældar á komandi ári með þökk fyrir samstarf, ánægjuleg samskipti og stuðning á árinu sem er að líða.

 

 
 

 

20.12.2017 14:44

Hesthúsapláss til leigu


Við erum með nokkrar lausar stíur til leigu frá áramótum. Mjög rúmgóðar og fínar safnstíur.
Bæði getum tekið bæði reiðhross og folöld.

Verðið er 25 þús kr á mánuði  með vsk. fyrir hrossið.  Innifalið í því er, hey, sag og umsjón.
Erum staðsett á Höfðabraut 48

Rósa 849-5396 , gerdur_rosa@yahoo.com
Krissi 866-7377

11.12.2017 08:47

Húnvetnska liðakeppnin 2018

Mót Húnvetnsku liðakeppninnar 2018



Mótin verða fjögur 2018 og að auki sameiginlegt lokamót með Skagfirðingum og Eyfirðingum.

·         Fyrsta mót laugardaginn 17. febrúar, keppt verður í Trec. 

·        
Annað mótið verður haldið laugardaginn 10. mars og þá verður keppt í fjórgangi V3 í 1., 2. og unglingaflokki, V5 í barnaflokki og 3. flokki. 

·        
Þriðja mótið verður haldið sunnudaginn 25. mars og þá verður keppt í fimmgangi F2 í 1., 2., og unglingaflokki. Tölti T2 opið öllum flokkum. Börn og 3. flokkur keppa i þrígangi.

·        
Fjórða mótið verður haldið laugardaginn 7. apríl og þá verður keppt í tölti T3 í 1., 2. og unglingaflokki og T7 í barna og 3. flokki.


Ekki er komin dagsetning á sameiginlegt lokamót.

Fyrirhugað er að liðin verði kvenna og karlalið.


Fyrirkomulag keppninnar og sameiginlegt lokamót verður útskýrt nánar á opnum félagsfundi Þyts sem verður auglýstur síðar.

 

07.12.2017 09:12

Hestar í fókus !!!


Minnum á námskeiðið ,,Hestar í fókus" 19 - 21 janúar 2018 í reiðhöllinni Þytsheimum. Skráningarfrestur er til 31.12.2017 á netfangið thyturfraedsla@gmail.com 

Námskeiðið er þjálfun í samskiptum manns og hests. Hér er linkur inn á video sem farið er yfir hvað er í boði á námskeiðinu.

15.11.2017 21:34

Námskeið í vetur

 

Í vetur verða eftirfarandi námskeið í boði fyrir börn, unglinga og ungmenni:
• Reiðþjálfun - hentar vel minna vönum og yngri knöpum, kennd áseta, stjórnun og gangtegundir. 
• Keppnisþjálfun - hentar vel þeim sem eru farnir að hafa vald á gangtegundum og stefna á keppni
• Knapamerki 2 - frábær grunnur fyrir alla knapa, skilyrði að hafa lokið knapamerki 1
• Knapamerki 3 - frábær grunnur fyrir alla knapa, skilyrði að hafa lokið knapamerki 1 og 2
Lagt verður upp með 10-12 skipti

 


Kennsla heft þriðju vikuna í janúar 2018

Helgarnámskeið
Í vetur ætlum við að bjóða upp á nýjung sem verður helgarnámskeið í Trec og hindrunarstökki en það hentar vel fyrir þá sem vilja byggja upp gott samband við hestinn sinn í gengum þrautir og leiki. Trec verður kennt í febrúar og hindrunarstökk í mars.

Ef einhverjum börnum langar að vera með en eiga ekki hest, endilega hafið samband við Æskulýðsnefndina og við getum hjálpað til við að útvega hesta.
Skráning á námskeiðin fer fram á e-maili: thyturaeska@gmail.com

Skráningarfrestur er til 15. desember. Einnig ef það eru fleiri reiðkennarar sem hafa áhuga á að koma að starfinu, mega endilega hafa samband við nefndina. 

15.11.2017 09:32

Þytsheimar



Hægt er að kaupa kort í höllina sem gildir frá 1. nóvember 2017 til 10. september 2018. Tryggvi er búinn að vera að taka upp gólfið svo hægt er að nota höllina.

Gjald Þytsfélaga er 22.000.- og má greiða inn á 0159-05-403351 kt. 550180-0499, annars fá korthafar sendan greiðsluseðil í vetur. 

Frekari upplýsingar hjá Ragnari í síma 869-1727 eða Tryggva í síma 660-5825.

Verðskrá vegna notkunar í Þytsheima er eftirfarandi:
Kort fyrir meðlimi Þyts 22.000 kr
Kort fyrir aðra 27.000 kr
Dagpassi 2.000 kr
Einkatími-klukkutími milli 14-16:30 og 20-24:00 5.000 kr
Einkatími-klukkutími milli 9-14 virka daga 3.000 kr
Einkatími-klukkutími um helgar 5.000 kr

Einnig er hægt að leigja, sal, eldhús og kaffiaðstöðu og hljóðkerfi og þarf að borga fyrir það aukalega.

Ekki er opið fyrir einkatíma á milli klukkan 16:30 - 20:00 á virkum dögum.

Stéttarfélagið Samstaða endurgreiðir 50% af íþróttakortum en þó að hámarki 8.000 kr á hvern félagsmann á hverju 12 mánaða tímibili. Einnig eru mörg önnur stéttarfélög að bjóða félagsmönnum sínum einhvers konar endurgreiðslu og því um að gera fyrir alla að kanna sinn rétt.

Stjórn hallarinnar !!!

10.11.2017 17:11

Knapamerki

 
 

Knapamerki 3 er að fara af stað í næstu viku, byrjar á bóklegri kennslu. Verklegi hlutinn verður kenndur eftir áramót. 

Boðið verður upp á Knapamerki 1 & 2 saman fyrir fullorðna í vetur. Knapamerki 1 & 2 er mjög skemmtilegt námskeið sem fer yfir öll helstu grunnatriði í hestamennsku, þar sem knapanum er kennt að vera nákvæmur og næmur.  

Stefnan er að klára bóklega hlutann í knapamerki 1 fyrir áramót, byrja svo á verklega í janúar.

skráningar mega berast á fanneyindrida@gmail.com fyrir 20. nóvember. 

Kennari: Fanney Dögg Indriðadóttir  

 

09.11.2017 08:51

Uppskeruhátíð Þyts og Hrossaræktarsamtaka vestur-Húnavatnssýslu

 

Laugardagskvöldið 28. október sl var haldin uppskeruhátíð Þyts og Hrossaræktarsamtaka vestur-Húnavatnssýslu í félagsheimilinu á Hvammstanga. 

Þar voru veitt verðlaun fyrir hæðst dæmdu kynbótahross sýslunnar og stigahæstu knapar ársins hjá Þyt fengu sínar viðurkenningar. Ræktunarbú ársins var Lækjamót en tilnefnd voru Bessastaðir, Grafarkot, Gröf, Lækjamót og Syðra Kolugil.
Hæðst dæmda hryssan var Ísey frá Lækjamóti en hún hlaut 8,70 fyrir byggingu, 8,54 fyrir hæfileika sem gerir 8,60 í aðaleinkunn.
Hæðst dæmdi stóðhesturinn var Mjölnir frá Bessastöðum en hann hlaut 8,15 fyrir byggingu, 8,80 fyrir hæfileika sem gerir 8,54 í aðaleinkunn.
 
Hér fyrir neðan er svo yfirlit yfir efstu kynbótahross í hverjum flokki fyrir sig:
 
4 vetra stóðhestar 
Júpiter frá Lækjamóti 8,30 
Gustur frá Efri-þverá 7,81 
Spölur frá Efri-þverá 7.71
 
4 vetra hryssur
Frelsun frá Bessastöðum 8,03
Dagrún frá Víðidalstungu 7,70

5 vetra hryssur
Ísey frá Lækjamóti 8,60
Flikka frá Höfðabakka 8,18
Trú frá Lækjamóti 8,11

6 vetra stóðhestar 
Mjölnir frá Bessastöðum 8,54 
Garri frá Gröf 8,01 
 
6 vetra hryssur
Gljá frá Grafarkoti 8,18
Ógn frá Bessastöðum 8,17 
Fröken frá Bessastöðum 8,06

7 vetra og eldri stóðhestar
Eldur frá Bjarghúsum 8,35 
Vignir frá Syðra Kolugili 8,16 
Hjaltalín frá Lækjamóti 7,87 (klarhestur) 

7 vetra og eldri hryssur

Sigurrós frá Hellnafelli 8,07
Sæfríður frá Syðra Kolugili 7,96
Skörp frá Efri-Þverá 7,95
 
Veitt voru verðlaun fyrir knapa ársins hjá Þyt, útreikningur á knapa ársins er þannig að veitt eru mismunandi stig fyrir lögleg mót, ólögleg mót og stórmót. Stigin af öllum mótum síðan lögð saman og þannig raðast knapar upp í sæti. 
 
1. flokkur:
Knapi ársins í 1. flokki er Helga Una Björnsdóttir, hún var dugleg á skeiðbrautinni með hestinn Besta frá Upphafi, einnig keppti hún mikið á Þoku frá Hamarsey með góðum árangri. 
2. sæti: Ísólfur Líndal Þórisson 
3. sæti: Hallfríður Sigurbjörg Óladóttir
 
2. flokkur:
1. sæti Sverrir Sigurðsson
2. sæti Pálmi Geir Ríkharðsson
3. sæti Þóranna Másdóttir
 
Ungmennaflokkur
1. sæti Eva Dögg Pálsdóttir
2. sæti Birna Olivia Ödqvist
3. sæti Fanndís Pálsdóttir
 
Unglingaflokkur
1. sæti Karítas Aradóttir
2. sætir Eysteinn Tjörvi Kristinsson
3. sæti Ásta Unnsteinsdóttir
 
Barnaflokkur
1. sæti Guðmar Hólm Ísólfsson
2. sæti Rakel Gígja Ragnarsdóttir
3. sæti Bryndís Kristinsdóttir
 
 

08.11.2017 19:54

Hestar í fókus - námskeið 19 - 21. janúar 2018





Hér er viðtal við Heklu á Stöð 2: http://www.visir.is/section/media99?fileid=VTV7BE54128-1AD4-4A35-BCF7-67677924C9C3  

Skráning á email: thyturfraedsla@gmail.com  

Fræðslunefnd


19.10.2017 15:35

 

Uppskeruhátíð Hrossaræktarsamtaka V-Hún og Hestamannafélagsins Þyts 2017
 
Verður haldin laugardagskvöldið 28.október í Félagsheimilinu á Hvammstanga. Matur, gleði og gaman.
Þessi frábæra skemmtun hefst stundvíslega kl 20:00 en húsið opnar kl 19:30 og það verður sko stemming.
Þórhallur Sverris- og Sigrúnarson sér um matinn af sinni alkunnu snilld. 

Grillað lambafille Naut & Bernes. Stökkar kartöflur og alskonar framandi meðlæti.


Miðasala mun verða með breyttu sniði í ár.  Miðar verða seldir í félagshúsi Þyts þriðjudaginn 24. október milli klukkan 16 og 18. Miðaverð á uppskeruhátíðina er 7.500 kr. 

Ef þú vilt hins vegar bara skella þér á dansleik með Reiðmönnum syndanna, sem hefst kl 23:00, þá kostar það litlar 3000 kr.

Einnig er hægt að panta miða með því að senda tölvupóst á netfangið gudrunstei@hunathing.is.  Þá miða verður hægt að borga við innganginn.

Allar pantanir þurfa að berast fyrir miðnætti 24. október.

Enginn posi á staðnum og ekki selt gos!
 

Eftirfarandi bú eru tilnefnd ræktunarbú ársins af Hrossaræktarsamtökum V-Hún.
Bessastaðir - Grafarkot – Gröf - Lækjamót – Syðra Kolugil

 

Athugið að það eru allir velkomnir á þessa frábæru skemmtun. Þetta er einstakt tækifæri til að bjóða frúnni eða bóndanum út á lífið.


 

Sjáumst nefndin

16.10.2017 13:27

Framlengdur frestur til 19. október

Keppnisárangur ársins 2017 - frestur framlengdur til 19. október !!!



Við viljum biðja alla keppendur ársins 2017 hjá Þyt að senda inn keppnisárangur sinn á árinu. Koma þarf fram í hvaða flokki keppt var á hverju móti fyrir sig og aðeins eru gefin stig fyrir úrslitasæti. Senda upplýsingar til Pálma á netfangið palmiri@ismennt.is fyrir 15. október nk.


Stjórn Þyts

04.10.2017 23:15

Uppskeruhátíð æskunnar

 

 

Við hvetjum alla krakka sem hafa tekið þátt í námskeiðum vetrarins, reiðmennsku og hestafimleikum sem og mótahaldi að mæta og taka á móti viðurkenningum og eiga skemmtilega stund saman.

Nánari dagskrá auglýst síðar.

 

 - Nefndin.

02.10.2017 13:33

Uppskeruhátíð Þyts og Hrossaræktarsamtaka V-Hún.

 

Uppskeruhátíð Þyts og Hrossaræktarsamtaka V-Hún verður haldin hátíðlega 28.október næstkomandi.

Takið daginn frá.

28.09.2017 11:57

Keppnisárangur ársins 2017



Við viljum biðja alla keppendur ársins 2017 hjá Þyt að senda inn keppnisárangur sinn á árinu. Koma þarf fram í hvaða flokki keppt var á hverju móti fyrir sig og aðeins eru gefin stig fyrir úrslitasæti. Senda upplýsingar til Pálma á netfangið palmiri@ismennt.is fyrir 15. október nk.


Stjórn Þyts
Flettingar í dag: 509
Gestir í dag: 43
Flettingar í gær: 358
Gestir í gær: 57
Samtals flettingar: 3105428
Samtals gestir: 385978
Tölur uppfærðar: 24.4.2018 12:34:12