Á laugardaginn 13. desember frá kl. 14-16 bjóða Jói Magg. og fjölskylda á Bessastöðum alla velkomna að koma og skoða hið nýja reiðhof sem verið er að taka í notkun á búinu.

Það er upplagt fyrir fólk að líta upp úr amstri hversdagsins og jólaundirbúningsins og kíkja við á Bessastöðum til að skoða þessa frábæru viðbót við inniaðstöðu til tamninga og þjálfunar á hrossunum.

Á heimasíðu Bessastaða er hægt að sjá frétt af tilurð hofsins: http://bessast.123.is/blog/2013/10/23/reumst-i-byggingu-a-reihofi/

Erum búnir að taka inn nýjar hestavörur frá Líflandi, t.d kuldagalla, hnakka, járningavörur og fleira tilvalið í jólapakkann og allt á jólatilboði. Endilega kíkið við í rólegt og gott afsláttarumhverfi, heitt á könnunni.


Jólatilboð er allt frá 10% afsláttur og er á öllum hestavörum frá Líflandi.

Barnahnakkur....... 26990 kr

Kuldagalli MB........34990 kr

Forest reiðúlpa......21990 kr

Reiðhjálmur..........21990 kr

Impact reiðbuxur...14990 kr

Öll verð eru án afsláttar. Við getum pantað það sem þig vantar.

Einnig verður 50% afsláttur af classic mix hestamúslí meðan birgðir endast. 

 


Pakkhúsmenn

Undirrituð tók smá rúnt upp í reiðhöll og kíkti á þáttakendur á frumtamningarnámskeiðinu.  Hendi hér inn nokkrum myndum frá því, gæðin á myndunum eru  nú ekki til að hrópa húrra yfir þar sem að birtan getur verið svolítið erfið  inni í reiðhöllinni. 

Þessir vildu td. ekki vera í fókus    Þessar dömur voru heldur skárri með fókusinn...

Malin til í slaginn!

Nemendurnir  Og síðast en ekki síst kennarinn  .

Almennur félagsfundur verður haldinn í félagshúsi Þyts, mánudaginn 25. nóvember og hefst kl. 20.30

Dagskrá fundarins er:

1. vetrarstarfið

 2. önnur mál

Stjórn Þyts

 
úr atriðinu Pink ladies og í 2. sæti í Smala á Ballöðu frá Grafarkoti
 

Nafn: Fríða Björg Jónsdóttir
Skóli: Grunnskóli Húnaþing vestra
Uppáhaldsdrykkur: pepsi
Uppáhaldsmatur: Pasta
Hvenær ætlar þú að taka inn? Er ekki alveg ákveðið
Hvað finnst þér vera það besta við hestamennskuna: tengsli við hestinn og maður er alltaf að læra eitthvað nýtt og svo félagsskapurinn
Hver er skemmtilegasti hestur sem þú hefur þjálfað og af hverju? Ballaða frá Grafarkoti er örugglega skemmtilegsti hestur sem ég hef þjálfað. Hún sýndi svo mikinn árangur eftir veturinn svo er hún svo mikill persónuleiki
Hefur þú áhuga á ræktun? Ef svo er hver er uppáhalds stóðhesturinn þinn og af hverju? Hef ekki mikinn áhuga á ræktun, en það er margir flottir stóðhestar
Hvað er skemmtilegasta atriði sem þú hefur tekið þátt í á sýningum með Þytsfélögum? Mér finnst hesta fimleikarinir mjög skemmtilegir en held samt að mér finnst Pink ladies atriðið skemmtilegast.
Finnst þér gaman að keppa? Einhver árangur sem stendur upp úr? Já, það sem stendur upp úr er örugglega 2 sæti í smala í liðkeppinni
Hver er helsta fyrirmyndin þín í hestamennskunni: Ég er ekki með einhverja sérstaka fyrirmynd en það sem mér finnst fólk vera að gera vel tek ég til mín
Eitthvað sem mætti bæta við æskulýðsstarfið? Mér dettur ekkert í hug
 

Þýskalandsferðin sumarið 2013

 

Ég og Brokey á Grunnskólamótinu á Sauðárkróki 2013

Nafn: Eva Dögg Pálsdóttir

Skóli: Grunnskóli Húnaþings vestra

Uppáhaldsdrykkur: Ísköld mjólk og svali.

Uppáhaldsmatur: Fyrir utan ís þá er það grillað svínakjöt.

Hvenær ætlar þú að taka inn? Ég bara veit það ekki, efsast um að ég taki eitthvað inn sjálf.

Hvað finnst þér vera það besta við hestamennskuna: Það er ansi margt, en t.d. bara ríða út og þjálfa.
Hver er skemmtilegasti hestur sem þú hefur þjálfað og af hverju? Það eru nokkur mjög skemmtileg, t.d. Brokey frá Grafarkoti. Hún er skemmtileg, viljug meri með góðar gangtegundir og það er bara gaman að þjálfa hana.  

Hefur þú áhuga á ræktun? Ef svo er hver er uppáhalds stóðhesturinn þinn og af hverju? Já ég hef nú áhuga á því. Ég veit nú ekki hvort ég eigi mér einhvern einn uppáhalds en ef ég á að nefna einhvern þá dettur mér fyrst í hug Alur frá Lundum. Afþví að mér finnst þetta fallegur, jafnur hestur og hann hefur verið að gera það gott í keppni.

Hvað er skemmtilegasta atriði sem þú hefur tekið þátt í á sýningum með Þytsfélögum? Ég hef tekið þátt í nokkrum skemmtilegum atriðinum en skemmtilgasta er Pink Ladies.  

Finnst þér gaman að keppa? Einhver árangur sem stendur upp úr? Já, mér finnst það mjög gaman. Ætli það sé ekki bara á landsmótinu 2011, þegar ég komst í A-úrslit í barnaflokki á Heimi frá Sigmundarstöðum.

Hver er helsta fyrirmyndin þín í hestamennskunni: Ég held að ég eigi mér ekki neina eina fyrirmynd, en það eru samt alveg nokkrir sem ég lít upp til.

Eitthvað sem mætti bæta við æskulýðsstarfið? Kannski ekki beint bæta við en það væri gaman ef það væri önnur ferð þar sem að við heimsækjum ræktunarbú og fleira.

Jæja kæru félagsmenn,  okkur langar mikið að útbúa líkt og áður dagatal og leitum því til ykkar með myndir sem hægt væri að setja í það.

Endilega ef þið lumið á skemmtilegum hestatengdum myndum, teknar á hvaða árstíma sem er,  sendið á netfangið isolfur@laekjamot.is. 
 

með fyrirfram þökk 

umsjónarmenn dagatals Þyts 2013

Í gærkvöldi var uppskeruhátíð Hrossaræktunarsamtakanna og Þyts, frábær skemmtun að vanda. Efstu kynbótahrossin voru verðlaunuð, knöpum ársins í hverjum flokki veitt viðurkenning og tilkynnt hvaða ræktunarbú er ræktunarbú ársins í Húnaþingi vestra, eftir mat og verðlaunaafhendingar var annállinn fluttur og skemmtilnefndinni tókst enn eitt árið að láta salinn grenja úr hlátri í klukkutíma ;) Myndir frá hátíðinni koma inn í myndaalbúm í vikunni.

Knapar ársins hjá Þyt eru í ungmennaflokki, Jónína Lilja Pálmadóttir, í 2. flokki Þorgeir Jóhannesson og í 1. flokki Ísólfur L Þórisson.
 

Ísólfur knapi ársins í 1. flokki


Þorgeir Jóhannesson knapi ársins í 2. flokki


Jónína Lilja knapi ársins í ungmennaflokki

 

Ræktunarbú ársins 2013 er LÆKJAMÓT
 

 

Hæst dæmda hryssan er Návist frá Lækjamóti með aðaleinkunn 8,33 og hæst dæmti stóðhesturinn er Bassi frá Efri-Fitjum með aðaleinkunn 8,39.

Hæst dæmdu kynbótahrossin eru:

4 vetra
1. sæti Gleði frá Bessastöðum með aðaleink. 7,94
2. sæti Hugsun frá Bessastöðum með aðaleink 7,84

5 vetra
1. sæti Brennir frá Efri-Fitjum með aðaleink. 8,34
2. sæti Askur frá Syðri-Reykjum með aðaleink 8,26
1. sæti Ólafía frá Lækjamóti með aðaleink. 8,15
2. sæti Gunnvör frá Lækjamóti með aðleink. 7,94
3. sæti Mynd frá Bessastöðum með aðaleink. 7,91

6 vetra
1. sæti Bassi frá Efri-Fitjum með aðaleink 8,39
2. sæti Bikar frá Syðri-Reykjum með aðaleink. 8,18
3. sæti Hugi frá Síðu með aðaleink 8,12
1. sæti Fura frá Stóru-Ásgeirsá með aðaleink 8,30
2. sæti Gáta frá Lækjamóti með aðaleink. 8,24
3. sæti Glæða frá Bessastöðum með aðaleink 8,23

7 vetra og eldri
1. sæti Erfingi frá Grafarkoti með aðaleink. 8,13
1. sæti Návist frá Lækjamóti með aðaleink 8,33
2. sæti Alúð frá Lækjamóti með aðaleink. 8,24
3. sæti Vág frá Höfðabakka með aðaleink. 8,11

Lækjamótsfjölskyldan með verðlaunin sín

 

Í dag var haldin uppskeruhátíð Æskulýðsnefndarinnar á Gauksmýri. Þar mættu mörg af yngri krökkunum sem tóku þátt í æskulýðsstarfinu á árinu. Því miður var mikið af eldri krökkunum að heiman vegna annars skipulags æskulýðs- eða skólastarfs. Börnin fengu öll viðurkenningarskjal fyrir þátttökuna og stórt hestalitaplakat.

Það voru 65 börn og unglingar sem tóku þátt í fjölbreyttu æskulýðsstarfi hjá Þyti.  Það sem boðið var upp á voru ýmis reiðnámskeið (byrjendanámskeið, keppnisnámskeið, námskeið fyrir minna vana og námskeið fyrir meira vana), fimleikar á hesti og svo tóku þauþátt í ýmsum keppnisgreinum og sýningum. Auk þessa luku 5 krakkar námskeiðinu Knapamerki 2.

Stigahæstu knapar í barnaflokki og unglingaflokki voru verðlaunaðir.

Í barnaflokki var Karitas Aradóttir stigahæst.

Í unglingaflokki var Kristófer Smári Gunnarsson stigahæstur.

Jæja, þá er nýr vetur genginn í garð og því um að gera að spá í hvað við getum gert skemmtilegt í vetur! 

Það sem er fyrst  á döfinni er fyrirhugað frumtamningarnámskeið með Þóri Ísólfssyni reiðkennara.  Nokkrir aðilar hafa óskað eftir að slíkt námskeið verði haldið, en til að svo verði þurfum við að ná  amk. 5 manns.   

Líkleg tímasetning á þessu námskeiði yrði mánaðarmótin nóv/des. Endilega látið heyra í ykkur ef þið hafið áhuga á að taka þátt, ef þið viljið meiri upplýsingar eða ef þessi tímasetning hentar ekki,  svo reynum við að púsla þessu saman svo henti öllum.

Fanney Dögg Indriðadóttir  sem og James Faulkner hafa tilkynnt okkur að þau séu tilbúin að halda einhver námskeið í vetur og vafalaust mun eitthvað meira sniðugt skjóta upp kollinum þegar á líður.   Þetta verður klárlega frábær vetur hjá okkur! 

Fræðslunefnd Þyts

Maríanna  s: 896 3130, mareva@simnet.is

Alda 847 8842