Fyrirhugað er að halda folaldasýningu þann 20 janúar í reiðhöllinni Arnargerði Blönduósi ef næg þátttaka næst.

Dómari velur besta folaldið í flokkum hesta og hryssna en áhorfendur velja álitlegasta folaldið í sömu flokkum. Skráning á netföngin thp@bondi.is og hrima@hrima.is fyrir 17. janúar.

Veglegir follatollar verða í verðlaun.

Hrossaræktarsamtök A-Hún

Þá er akkúrat mánuður í fyrsta mót, flestir líklega komnir á rétt stig þjálfunar svo hestarnir toppi á réttum klukkutíma þann 8. febrúar nk, þegar fyrsta mótið er og keppt verður í fjórgangi.

Stóra breytingin frá því í fyrra er að lið 4, Austur-Húnvetningar sáu sér ekki fært að mæta með lið en vonandi sjáum við sem flesta koma og keppa með einhverjum af hinum liðunum. Í ár verður boðið uppá nýjung samhliða liðakeppninni sem fengið hefur nafnið, bæjarkeppni. Nánar um hana má sjá hér í reglunum að neðan.

Mót Húnvetnsku liðakeppninnar verða:

8. febrúar - Fjórgangur
23. febrúar - Smali og skeið
15. mars - Fimmgangur og tölt T7 í 3. flokki og T3 í unglingaflokki
5. apríl - Tölt T1 (fegurðartölt í staðin fyrir yfirferðartölt) í öllum flokkum nema 3. flokki er keppt í tölti T7.

Sjá nánar um töltgreinarnar hér: http://lhhestar.is/static/files/Log_og_reglur/lh_logogreglur_2011.pdf   bls 83

Reglur keppninnar árið 2013:

Knapar verða að vera í sama liðinu allt tímabilið, þ.e. bannað að skipta um lið á miðju tímabili. Einnig verður hver og einn knapi að velja sér hvort hann ætlar að keppa í 1., 2. eða 3. flokki í upphafi tímabils en keppendur mega hækka sig um flokk hvenær sem er á tímabilinu, en aðeins hækka sig. Ef knapi velur að hækka sig getur hann ekki lækkað sig aftur á tímabilinu. Þetta hefur þau áhrif í einstaklingskeppninni að knapi getur ekki flutt með sér stig á milli flokka.

Hver keppandi má keppa á fleiri en einum hesti í hverri grein, en ef keppandi kemst með tvo hesta í úrslit verður hann að velja á milli þeirra og aðeins keppa á öðrum í úrslitum. Ekki hægt að fá aukaknapa til að ríða úrslit fyrir sig.

Á lokamóti mótaraðarinnar má ekki bætast nýr aðili við liðið nema að hann hafi verið skráður félagsmaður í Neista eða Þyt fyrir fyrsta mót mótaraðarinnar, þ.e. 8. febrúar 2013.

Skráningargjöld verður að greiða inn á reikning 0159-15-200343 kt. 550180-0499 áður en mót hefst.

1. flokkur, ef keppendur eru 16 eða fleiri eru B-úrslit riðin. Fjórir efstu eru öruggir í A-úrslit, sá fimmti þarf að vinna sig upp í úrslitin.
Stig í A-úrslitum eru gefin þannig:
1. sæti - 14 stig
2. sæti - 12 stig
3. sæti - 11 stig
4. sæti - 10 stig
5. sæti - 9 stig

Stig í B-úrslitum eru gefin þannig:
6.sæti - 8 stig
7.sæti - 7 stig
8.sæti - 6 stig
9.sæti - 5 stig
Það par sem vinnur sig upp úr B-úrslitum fær engin stig í B-úrslitunum en á möguleika á fleiri stigum í A-úrslitum.

2. flokkur, sömu reglur í sambandi við A- og B-úrslit. Stigagjöf er þó öðruvísi.
Stig í A-úrslitum eru gefin þannig:
1. sæti - 10 stig
2. sæti - 8 stig
3. sæti - 7 stig
4. sæti - 6 stig
5. sæti - 5 stig

Stig í B-úrslitum eru gefin þannig:
6.sæti - 4 stig
7.sæti - 3 stig
8.sæti - 2 stig
9.sæti - 1 stig

 Það par sem vinnur sig upp úr B-úrslitum fær engin stig í B-úrslitunum en á möguleika á fleiri stigum í A-úrslitum.

3. flokkur, aðeins riðin A-úrslit. (flokkurinn er ætlaður fyrir knapa sem eru minna keppnisvanir)
Stig í úrslitum eru gefin þannig:
1.sæti - 6 stig
2.sæti - 4 stig
3.sæti - 3 stig
4.sæti - 2 stig
5.sæti - 1 stig

Barna- og unglingaflokkur (17 ára og yngri, fædd 1995 og seinna) aðeins riðin A-úrslit.
1.sæti - 6 stig
2.sæti - 4 stig
3.sæti - 3 stig
4.sæti - 2 stig
5.sæti - 1 stig

Skeið:

Í skeiði má hver knapi keppa á eins mörgum hrossum og hann vill en getur aðeins fengið stig fyrir einn hest eins og í öðrum greinum. Þessi keppni gefur mismunandi stig í liðakeppninni og einstaklingskeppninni. Aðeins keppt í einum flokki og stig eftirfarandi:
 

Liðakeppni: einstaklingskeppni:

1.sæti - 10 stig         5 stig
2.sæti - 8 stig           4 stig
3.sæti - 7 stig           3 stig
4.sæti - 6 stig           2 stig
5.sæti - 5 stig           1 stig
6.sæti - 4 stig           1 stig
7.sæti - 3 stig           1 stig
8.sæti - 2 stig           1 stig
9.sæti - 1 stig           1 stig


Smalinn:

Reglur smalans:

Smalinn dregur nafn sitt af einu mikilvægasta hlutverki íslenska hestsins frá örófi alda. Eiginleikar sem prýða góðan smala og smalahest eru nauðsynlegir ef árangur á að nást, þetta eru þættir eins og hraði, kjarkur, fimi og snerpa.

Riðin er braut sem mörkuð er keilum sem ná upp á síður hests. Keilurnar skulu vera þannig útbúnar að þær falli við litla snertingu. Árangurinn ræðst af brautartíma og felldum keilum. Reiknireglur eru þær sömu og í tímabraut torfærunnar. Smalinn er hrein grein í þeirri merkingu að árangurinn er mælanlegur án frávika, þ.e. hann ræðst eingöngu af tíma og felldum keilum en ekki mati dómara. Dómarar eru engu að síður til staðar og meta hvort knapinn fari gegnum öll hlið, telja felldar keilur og hafa eftirlit með reiðmennsku knapa líkt og í öðrum keppnisgreinum.

Stigin telja þannig að knapar raðast í sæti eftir besta tímanum, sá sem er fyrstur fær 300 stig, sá næsti 280, 270 o.s.frv. Við hverja fellda keilu dragast frá 14 stig. Fyrir sleppt hlið eru 28 refsistig. Yfir brúnna er ekki leyft að fara á stökki þ.e.a.s allur annar gangur er í lagi. Ef brúnni er sleppt þá er það 4x28 refsistig Gult spjald= gróf reiðmennska 30 refsistig Rautt spjald= MJÖG gróf reiðmennska ÚR LEIK!

BÆJARKEPPNI

Í ár verður boðið uppá nýjung samhliða liðakeppninni sem fengið hefur nafnið, bæjarkeppni.

Stutt lýsing: Bæjarkeppni er keppni þar sem ræktunarbú, hesthús, kvenfélög eða hvaða hópur sem er, býr til 4 manna lið. Hvert lið þarf að innihalda einn knapa í hvern flokk, ekki er gerð krafa að sömu knapar keppi fyrir sama liðið allan tímann (það má rótera á milli liða á milli móta), liðskipan í bæjarkeppninni er ekki bundin af liðunum í liðakeppninni t.d. getur eitt liðið innihaldið knapa úr öllum liðum liðakeppninnar (lið 1, 2 og 3). Bæjarkeppnin er sjálfstæð keppni samhliða liðakeppninni og hefur engin áhrif á stigaútreikning hennar, en notast er við sömu stigagjöfina í báðum keppnum þ.e. knapi sem nær í 8 stig í liðakeppninni tekur þau stig einnig með sér í bæjarkeppnina ef hann er þar í liði. Áður en hvert mót hefst verður að vera búið að skila inn til mótshaldara hverjir keppa fyrir liðið. Þessi nýjung er tilvalin til að peppa upp mannskapinn fá fleiri lið til að spreyta sig saman.

Í gær fór fram Þrettándagleði sem æskulýðsnefnd Hestamannafélagsins Þyts stóð fyrir. Farið var í hópgöngu/reið frá Pakkhúsi KVH upp í reiðhöllina Þytsheima. Huldufólk fór fyrir göngunni og fylgdu nokkrir mennskir á hestum í kjölfar þeirra. Svo voru býsna margir sem tóku þátt á tveimur jafnfljótum eða hjólhestum, sumir voru með hundana sína með í bandi og voru þeir auðvitað hinir prúðustu líkt og eigendur þeirra. Í hópnum mátti einnig sjá jólasveina, Grýlu og Leppalúða, sem að venju voru nú svolítið rugluð. Stoppað var við sjúkrahúsið og nokkrir jólasöngvar sungnir. Í Þytsheimum var fólki boðið upp á hlaðborð kræsinga og kakó, sem veitinganefnd Þyts og foreldrar í æskulýðsstarfinu stóðu fyrir, börnum var boðið á hestbak og Elinborg Sigurgeirsdóttir og Helga Rún Jóhannsdóttir spiluðu nokkur lög á harmonikkur og gestir sungu með.

Myndir eru komnar af hátíðinni í myndaalbúm heimasíðunnar.

Viljum við í nefndinni þakka öllum kærlega fyrir komuna og aðstoðina við að gera gleðina sem mesta. Einnig þökkum við sveitarfélaginu Húnaþingi vestra fyrir veittan styrk til að geta staðið fyrir hátíðinni og gert hana skemmtilega.

Það voru kampakátir þáttakendur sem luku frumtamninganámskeiðinu í dag.  

Þau sem tóku þátt voru sammála um að mjög vel hefði tekist til og er það ekki síst frábærum kennara að þakka.  Við erum aldeilis heppin að hafa svona reynslubolta eins og Þóri Ísólfsson á svæðinu til að leiðbeina okkur og þetta námskeið verður vonandi árviss viðburður héðan í frá.   Nokkrar myndir eru komnar inn frá námskeiðinu, þær má sjá hér. 

Járninganámskeið fyrir jafnt byrjendur sem lengra komna verður haldið helgina 11.-13.janúar 2013, ef næg þáttaka fæst. 

Kennari: Kristján E. Gíslason járningameistari. 

Námskeiðið hefst með fyrirlestri á föstudagskvöldinu, kl.20 í kaffistofu Þytsheima.  Verkleg kennsla fer svo fram á laugardegi og sunnudegi, gert er ráð fyrir 2.klst á mann í verklegu. Einnig mun hann vera með sýnikennslu/kynningu á heitjárningum.

Þáttakendur mæta með sinn hest, en einnig verða lappir í boði fyrir byrjendur og þá sem það vilja.   Skeifur og fjaðrir eru innifaldar. 

Verð: 22.000kr. 

Skráning og/eða nánari upplýsingar hjá Öldu í síma: 847 8842 og hjá Maríönnu í síma: 896 3130 eða á netfangið mareva@simnet.is fyrir miðvikudaginn 9.janúar.

Fræðslunefnd Þyts

Ísólfur og Freyðir á LM í Reykjavík í sumar.

Ísólfur L Þórisson var í dag valinn íþróttamaður ársins hjá aðildafélögum USVH. Ísólfur hefur á undanförnum árum skipað sér í raðir bestu hestamanna landsins. Árið 2012 var honum farsælt á keppnisbrautinni og keppti hann á mörgum mótum með flottum árangri. Ísólfur var einnig knapi ársins hjá Þyt. Hér á eftir fer listi yfir árangur hans á árinu.

Ísólfur komst í A-úrslit á Landsmóti hestamanna í B-flokki og endaði í 6. Sæti.

Á Íslandsmóti í hestaíþróttum komst hann einnig í A-úrslit í fjórgangi og endaði þar í 5. Sæti, og í tölti lenti hann í 8. - 9. sæti. 

Í Húnvetnsku liðakeppninni sigraði Ísólfur fjórgang og fimmgang, varð í 2. sæti í tölti og stigahæsti knapi mótaraðarinnar.

Í meistaradeild Norðurlands sigraði Ísólfur fjórgang, varð í 4. sæti í fimmgangi, 9. sæti í tölti, 6. sæti í slaktaumatölti og í 4. sæti samanlagt yfir mótaröðina. 

Á Bautatölti á Akureyri varð Ísólfur í 3. sæti í tölti og á Þytsheimatölti á Hvammstanga endaði hann í 1. sæti.

Á  Íþróttamóti Skugga í Borgarnesi sigraði Ísólfur bæði tölt og fjórgang.

Á vormóti Þyts sigraði Ísólfur bæði tölt og fjórgang og varð annar í fimmgangi.

Á gæðingamóti Þyts og úrtöku fyrir Landsmót sigraði Ísólfur tölt og B-flokk og endaði í 3. sæti í A-flokki.  

INNILEGA TIL HAMINGJU ÍSÓLFUR MEÐ ÁRANGUR ÁRSINS !!!!

Í 2.sæti varð Helga Margrét Þorsteinsdóttir og í 3.sæti Guðrún Gróa Þorsteinsdóttir.

Á heimasíðu USVH má svo sjá alla sem tilnefndir voru í ár.

Stjórn Þyts sendir Þytsfélögum sem og öllum Húnvetningum bestu óskir um gleðileg jól og farsældar á komandi ári með þökk fyrir samstarf, ánægjuleg samskipti og stuðning á árinu sem er að líða. Hér má sjá örfáar myndir frá frábæru ári.

Fyrirhugað er að halda járninganámskeið dagana 11.-13.janúar nk. ef næg þáttaka fæst.  Kennari verður Kristján Elvar Gíslason járningameistari.  Þetta námskeið er jafnt fyrir byrjendur og lengra komna.  Takið þessa daga frá ef þið hafið hug á að skrá ykkur, þetta verður svo auglýst nánar þegar nær dregur.  

Fræðslunefnd Þyts

Í dag 1.desember var margt um að vera á Hvammstanga. Jólamarkaðir voru bæði í félagsheimilinu og í reiðhöllinni þar sem margt fallegt mátti sjá og versla.  Auk þessa voru þrjár áhugaverðar sýnikennslur í Þytsheimum og voru margir fróðleiksþyrstir hestamenn mættir til að sjá og heyra. Við Þytsmenn megum vera stolt af okkar félagsmönnum sem vinna frábært starf í sjálfboðavinnu fyrir félagið. Allir eru duglegir að mæta og að baki hverjum viðburði eru fjölmörg störf félagsmanna unnin í sjálfboðavinnu, það ber að þakka.

Meðfylgjandi eru nokkrar myndir frá deginum í dag sem er góð byrjun á spennandi vetrarstarfi í Þytsheimum.

fjölmargir komu á markaðinn í Þytsheimum   Þórarinn Eymundsson (Tóti) sýnir líkamsbeitingu af innlifun Góð mæting var á sýnikennslurnar

Þá er komið að því, nú drífum við af stað fyrsta námskeið vetrarins en það er frumtamningarnámskeið.

Kennsla verður í höndum Þóris Ísólfssonar reiðkennara.    Námskeiðið skiptist í 2 bóklega tíma + 12 verklega, og mun það ná yfir 4-6 vikna tímabil.  Þáttakendur koma með sitt eigið trippi.  Byrjað verður á bóklega hlutanum fimmtudaginn 6.desember kl. 20:00  í Þytsheimum.  Þá verður einnig nánari tilhögun námskeiðsins rædd og skipulögð.

Verðið á námskeiðinu verður  +/- 30.000kr.

Skráning fer fram hjá Öldu í síma:847 8842 eða Maríönnu í síma: 896 3130 eða á netfangið mareva@simnet.is .

Skráningu þarf að vera lokið fyrir þriðjudagskvöldið 4. desember.  Þið sem höfðuð sýnt þessu námskeiði áhuga: Vinsamlegast staðfestið þáttöku.

Nýtið ykkur nú þetta frábæra tækifæri, höfum gagn og umfram allt gaman af!

Fræðslunefnd Þyts

Þann 1. desember nk. verður vöru- og sölukynning í Þytsheimum frá kl. 13-18. Í boði verða vörur frá Prjónastofunni Kidka, Knapanum Borgarnesi og Mýranauti,  svo verður dagatal hestamannafélagsins að sjálfsögðu til sölu.  Einnig verður kynning á spæni frá Skógarvinnslunni ehf. 

Endilega látið sjá ykkur í Þytsheimum á laugardaginn, það verður heitt á könnunni .

Búið er að ákveða keppnisdaga í Meistaradeild Norðurlands sem fer fram eins og áður í Svaðastaðahöllinni á Sauðárkróki. Veislan hefst á úrtöku um sex laus sæti í deildinni 30 janúar.

30. jan. úrtaka um 6 laus sæti í deildinni.

20. feb. 4. gangur

6. mars. 5. gangur

20. mars. tölt

10. apríl. skeið og slaktaumatölt.

Þeir knapar sem nú þegar eiga sæti í Meistaradeildinni eru:

1.      Bjarni Jónasson         

2.      Sölvi Sigurðarson      

3.      Mette Mannseth         

4.      Ísólfur Líndal            

5.      Þórarinn Eymundsson            

6.      Ólafur Magnússon    

7.      Tryggvi Björnsson     

8.      Baldvin Ari Guðlaugsson     

9.      Þorbjörn H Matthíasson         

10.  Fanney D Indriðadóttir         

11.  Elvar Einarsson          

12.  Viðar Bragason