Þann 4. apríl sl. stóð æskulýðsnefnd Þyts fyrir ferð norður í Skagafjörð. Full rúta af börnum og foreldrum hélt af stað árla morguns af tanganum og lá leiðin að Hofi á Höfðaströnd þar sem Barbara Wensl fór með hópinn í skoðunarferð um hesthúsið og aðstöðuna þar. Fékk hópurinn að nýta sér kaffistofuna þar til að fá sér morgunhressingu og slaka aðeins á. Eftir hressingar/slökunarstundina var brunað að Þúfum til Gísla Gíslasonar og Mette Mannseth og sýndu þau okkur hesthúsið. Sýndu Mette og Hnokki frá Þúfum nokkrar æfingar sem féllu vel í kramið hjá hópnum. Því næst var keyrt inn að Hólum í Hjaltadal þar sem snæddur var hádegismatur og að honum loknum var hópnum skipt í tvennt. Annar hópurinn fór og skoðaði Sögusetrið sem þar er staðsett og hinn hópurinn fór niður í hesthús og skoðaði sig þar um ásamt því að kíkja á nemendur sem voru að æfa sig eða í kennslustund. Síðan var haldið heim á leið. Stoppað var á Blönduósi og farið í sund þar sem eldri kynslóðin slakaði á, á meðan yngri kynslóðin nýtti rennibrautina og sundlaugina vel og að endingu  var pizzuveisla á Pottinum.Tókst ferðin vel í alla staði og eru myndir komnar í myndaalbúmið.

Guðný er að setja inn á youtube atriðin frá Æskulýðssýningunni 2012. Hér má sjá tvö atriði til viðbótar sem eru komin en það er opnunaratriðið og teymingaratriði.

Opnunaratriðið:




Teymingaratriðið en þar má sjá yngstu krúttin okkar:

Íþróttamót Þyts verður haldið laugardaginn 26. maí nk. Skráning fer fram á thytur1@gmail.com og henni lýkur á miðnætti þriðjudaginn 22.maí. Við skráningu skal koma fram IS númer hests, kennitala knapa, í hvaða grein og uppá hvora hönd er riðið. Fyrsta skráning kostar 2.500 k. og 1.500 kr eftir það. Skráning fyrir börn og unglinga er 1.000 kr. Borga skal skráningargjöld inn á reikning 0159-26-001081 kt. 550180-0499 áður en mótið hefst.
Mótanefnd áskilar sér rétt til þess að fella niður greinar ef þátttaka er ekki næg.
Greinar:
4-gangur og tölt 1.flokkur
4-gangur og tölt 2.flokkur
4-gangur og tölt ungmennaflokkur
4-gangur og tölt unglingaflokkur
4-gangur og tölt barnaflokkur
5-gangur 1.flokkur

Tölt T2 1.flokkur
gæðingaskeið
100 metra skeið


Mótanefnd

Kynbótasýning hrossa hefst á Hvammstanga miðvikudaginn 23. maí 2012
Dómar verða miðvikudag og fimmtudag og yfirlitssýning á föstudegi. Þetta getur þó breyst ef skráningar verða ekki í samræmi við áætlanir.

Best er að senda skráningar á tölvupósti - rhs@bondi.is - en einnig má hringja í síma 451 -2602.
Síðasti skráningardagur er föstudagur 18. maí.

Við skráningu þurfa að koma fram upplýsingar um hrossið, hvort hrossið á að fara í fullnaðardóm eða bara byggingu eða hæfileika, nafn og kennitala sýnanda, nafn og kennitala þess sem greiðir reikning og óskir um tíma ef einhverjar eru.

Nafn og kennitala þess sem reikningur skal skrifast á verður að fylgja skráningu !

Gjald er 18.500 kr fyrir fullnaðardóm en 13.500 kr ef bara á að dæma annað hvort byggingu eða hæfileika.
Greiðist inn á banka 307-26-2650 (kt 471101-2650) samhliða skráningu og senda kvittun á rhs@bondi.is með upplýsingum fyrir hvaða hross er verið að greiða.

Kynnið ykkur vel reglur um járningar, spattmyndir, dna ofl .

Úr öllum stóðhestum sem koma til dóms svo og foreldrum þeirra þarf að vera búið að taka dna-sýni til staðfestingar á ætterni !!
Auk þess þarf að vera búið að spattmynda alla stóðhesta 5 vetra og eldri og taka úr þeim blóðsýni.

Nánari upplýsingar og tímasetningar á www.rhs.is þegar nær dregur.

Búnaðarsamband Húnaþings og Stranda

  Vinnukvöld er fyrirhugað miðvikudagskvöldið 9. maí frá kl. 18:30 á vallarsvæðinu. Verður farið í að jafna út möl sem verið er að setja á upphitunar- og skeiðbraut ásamt því að steinhreinsa. Félagar eru vinsamlegast beðnir um að taka með sér malarhrífu og skóflu ef þeir eiga til.

Óskilahross er á Neðra-Vatnshorni, jarpskjóttur hestur, alveg ómerktur.

Upplýsingar í síma 848-0003 Ingvar

Nú eru aðeins um 50 dagar í Landsmót hestamanna í Reykjavík. Já tíminn líður hratt og nú fer hver að verða síðastur að kaupa miða á mótið, í stúku og hjólhýsastæði með rafmagni á forsöluverði.

Forsölunni lýkur 15.maí og eftir þann tíma munu öll verð hækka. Afsláttur til félagsmanna BÍ og LH munu þó haldast inni, sem og afslátturinn fyrir N1 korthafa.

Dagskrá mótsins er komin inná vefinn www.landsmot.is og þar er að finna ýmsar gagnlegar upplýsingar fyrir gesti og keppendur.

Hestamenn og aðrir gestir eru hvattir til að tryggja sér bestu verðin og munið að forsölu lýkur 15.maí!

Sjáumst á Landsmóti í Reykjavík!

Þessa dagana stendur Þytur fyrir heilmiklum framkvæmdum á kynbótabrautinni.
Leitað var eftir hugmyndum nokkurra kynbótaknapa um hvernig mætti gera brautina sem best úr garði. Var út frá því ákveðið að brjóta brautina upp, hefla og setja loks 5 cm lag af fínni möl ofan á. Hingað til hefur brautin verið vikurbraut og er því enn þónokkur vikur undir malarlaginu sem veitir góða dempun.
Upphitunarbraut hefur einnig verið brotin upp og verður sama efni sett á hana og í brautina sjálfa þannig að nú er hægt að hita upp á samskonar efni og er í kynbótabrautinni sjálfri.
Til viðbótar hefur kynbótabrautin verið færð lengra til suðurs ásamt því að opnað hefur verið fyrir aðra innkomu inn á brautina að norðan. 

Fleiri myndir hér

Héraðssýning kynbótahrossa verður á Hvammstanga dagana 21. - 25. maí nk.

Reiðmaðurinn, spennandi valkostur fyrir þá hafa áhuga á því að auka við þekkingu sína.  Landbúnaðarháskólinn á Hvanneyri er tilbúinn að koma með námið hingað norður ef næg þáttaka fæst (12-14 manns). Námið fer þannig fram að það er verkleg kennsla eina helgi í mánuði + bóklegt nám,  um er að ræða nám sem spannar yfir tvö ár (fjórar annir).Námið er mjög fjölbreytt og hentar mjög breiðum hópi hestamanna og þeir sem hafa stundað námið láta vel af því. Nánari upplýsingar um námið má sjá á vefsíðu landbúnaðarháskólans www.lbhi.is


Þeir sem hafa áhuga vinsamlegast hafið samband við Pálmi á netfangið palmiri@ismennt.is eða

í síma 8490752 sem fyrst.


Námskeiðsröð fyrir áhugafólk um reiðmennsku

Endurmenntun Landbúnaðarháskóla Íslands, í samvinnu við Landssamband hestamannafélaga og Félag hrossabænda, opna nú fyrir nýja námshópa í áfangaskipt tveggja ára nám í  reiðmennsku, hrossarækt og almennu hestahaldi. Námið sem kallast Reiðmaðurinn má taka með vinnu og er hugsað fyrir áhugafólk eldra en 16 ára sem hefur áhuga á að bæta sína reiðmennsku og þekkingu á hrossarækt. Verkleg kennsla fer fram ca. eina helgi í mánuði frá september og fram í apríl. Bóklegt nám er tekið samhlið í gegnum námsvef skólans. 

Námið er byggt upp sem röð af helgarnámskeiðum þar sem nemendur koma einu sinni í mánuði með sinn hest og taka fyrir ákveðinn hluta af reiðmennskunni. Einnig er farið yfir bóklegt efni í fyrirlestrum og með fjarnámi. Hér er því um sambland af staðarnámi og fjarnámi að ræða þar sem ætlast er til að nemendur undirbúi sig bæði í verklegum og bóklegum atriðum heima. 

Námið er metið til samtals 33 ECVET-eininga á framhaldsskólastigi og lýkur námskeiðsröðinni með sérstakri viðurkenningu frá Landbúnaðarháskóla Íslands. Námið er unnið í samvinnu við Landssamband hestamannafélaga og Félag hrossabænda. 

Verkefnisstjóri námsins fyrir hönd Endurmenntunar LbhÍ er Ásdís Helga Bjarnadóttir, en að faglegri uppbyggingu námsins kemur Gunnar Reynisson, Þorvaldur Kristjánsson ásamt stundakennurum Reiðmannsins.