Fyrirhugað er að hittast og taka til á svæðinu okkar í Kirkjuhvammi fimmtudagskvöldið 31.maí kl. 20:00 og svo laugardaginn 2. júní kl 13:00.

KOMA SVO.....

Gæðingamót Þyts 2007

Verður haldið 8.og 9.júní á Kirkjuhvammsvelli

Föstudaginn 8.júní

Dagskrá hefst kl 20:00

• Unghrossakeppni
• 100 m skeið
• 150 m skeið
• Stökkkappreiðar

Laugardagur 9.júní

Dagskrá hefst kl 9:00

• A-flokkur
• Ungmennaflokkur
• Unglingaflokkur
• Pollar 9 ára og yngri

Hádegishlé

• B-flokkur
• Börn
• Svo verða riðin úrslit

Riðin verða bæði A og B úrslit í A-flokki og B-flokki.

Tekið verður á móti skráningum á miðvikudagskvöldið 6.júní milli kl 20:00 og 21:00 í síma 891-9431 og einnig á netfangið sigridurasa@simnet.is koma þarf fram kt. knapa og fæðingarnr. hests.  

Skráningargjöld eru 2000 kr. fyrsta skráning og 1500 kr eftir það.

1000 kr. fyrir börn, unglinga, skeiðgreinar og unghrossakeppnina

Þeir sem hafa farandgripi í fórum sínum eru vinsamlegast beðnir um að skila þeim til mótanefndar.

Skráning í stökkkappreiðar verður á staðnum og fyrirkomulagið verður kynnt um leið.

Veitingar verða seldar á staðnum.

Mótanefnd Þyts

Ingvar, Árborg, Hjördís, Logi, Sirrý og Tommi

Börn og unglingar

Herdís Einarsdóttir ætlar að bjóða uppá leiðsögn fyrir börn og unglinga fyrir Gæðingamót Þyts . Þeir sem hafa áhuga á því er bent á að tala við Öllu í síma 868-8080 eða Sirrý 891-9431 fyrir 1.júní.

Æskulýðsnefnd Þyts

Reiðnámskeið

Æskulýðsnefnd Þyts ætlar að bjóða uppá reiðkennslu fyrir börn og unglinga.

Námskeiðið verður haldið á Hvammstanga.

Stefnt er að því að hafa þetta 5 skipti og fyrsti tími 12.júní.

Krakkarnir koma með sína eigin hesta.

Kennari verður Herdís Einarsdóttir

Skrá þarf á námskeiðið fyrir 5.júní.

Sími: 868-8080 Alla og 891-9431 Sirrý

Æskulýðsnefnd Þyts

Firmakeppni Þyts

Verður haldin 17.júní kl 17:00 á Kirkjuhvammsvelli. (ath. breytt dagsetning)

Firmakeppnisnefnd

Búið var að halda nokkrar æfingar á Hvammstanga áður en farið var á Sauðárkrók, í ýmsum veðrum og sjaldnast góðu. Búningar voru saumaðir af mæðrum og ömmum og mátaðir á Höfðabakka á mánudeginum fyrir sýningu. Farið var seinni part miðvikudags á Sauðárkrók, 25 börn og unglingar, slatti af foreldrum, ömmum og systkinum. Mæður og ömmur bökuðu bakkelsi fyrir ferðina og stóðu sig einnig eins og hetjur í elduhúsinu og í því að láta hópinn nærast á milli æfinga og sýninga. Fengum gistingu og aðstöðu í Tjarnarbæ fyrir mannskapinn og hestarnir fengu inni í nálægum hesthúsum. Sem var alveg frábært því þá voru allir á sama stað og hægt að hafa röð og reglu á hlutunum.

Æfing var haldin á miðvikudagskvöldi þegar mætt var norður bæði hjá eldri og yngri hóp. Og gekk hún alveg ljómandi vel. Haldið var inn í hús eftir æfingu og étnar pizzur. Gekk vel að koma bæði börnum og foreldrum í svefninn eftir allt pizzuátið. Vaknað var snemma morguns og borðaður sameiginlegur morgunverður.

Generalprufa var svo um morguninn kl. 10 og svo tvær sýningar yfir daginn kl. 13 og kl. 17. Tókust þær mjög vel og megum við vera stolt af okkar börnum, því þau voru til fyrirmyndar.

Viljum við þakka öllum aðstandendum barnanna fyrir frábæra þátttöku í þessari sýningu. Þetta hefði aldrei tekist nema með ykkar hjálp. Einnig þökkum við Sparisjóði Húnaþings og Stranda fyrir rausnalegan styrk í tengslum við þessa ferð.

Kærar þakkir fyrir

Æskulýðsnefnd Þyts

Alla, Gunni og Sirrý

Góð mæting var á fyrsta fundinn hjá Æskulýðsnefndinni 1. maí sl. Boðið var upp á pylsur og gos!!!
Hátt í 60 manns mættu, foreldrar og börn. Ákvörðun var tekin um það að fara á sýninguna ,,Æskan og hesturinn" á Sauðárkróki sem haldin verður 17. maí. Eldri stelpurnar sem voru með atriði á Blönduóssýninunni fara með sitt atriði og síðan eru 17 börn í öðru atriði og eru það börn á aldrinum 6-17 ára.