Færslur: 2009 Október
31.10.2009 19:16
Uppskeruhátíð Æskulýðsnefndar 2009
Þá er komið að Uppskeruhátíð Æskulýðsnefndar Þyts og verður hún haldin föstudaginn 6.nóvember n.k. á Cafe Sirop og hefst hún klukkan 17.00
Börnunum verður boðið upp á pizzur og drykki, en foreldrum er sjálfsagt að gæða sér líka á pizzahlaðborðinu fyrir hóflegt verð að sjálfsögðu.
Við hvetjum alla til að mæta sem hafa verið með okkur á árinu í æskulýðsstarfinu og eiga með okkur skemmtilega stund.
Kv. Æskulýðsnefnd
28.10.2009 09:10
Námskeið
Námskeið í fortamningu tryppa verður 14. og 15. nóvember á Lækjamóti frá kl. 13.00 - 18.00 báða dagana. Nemendur þurfa ekki að koma með tryppi með sér, þau verða á staðnum.
Leiðbeinendur verða Ísólfur Líndal Þórisson og Þórir Ísólfsson.
Nánari uppl og skráning hjá Ingvari í síma 848-0003 fyrir 10. nóv.
Fræðslunefnd Þyts
27.10.2009 20:44
Eru tvíburarnir hans Dóra ennþá með í eyrunum?
.... þið komist að því á Uppskeruhátíðinni
27.10.2009 10:15
Myndir í dagtalið
Myndirnar verða að vera í góðri upplausn.
23.10.2009 17:40
Talar Steini Tryggva sænsku ?
.... þið komist að því á Uppskeruhátíðinni
23.10.2009 13:42
Íþrótta- og gæðingadómar komnir inn í WorldFeng
Frá og með gærdeginum gátu áskrifendur WF skoðað alla íþrótta- og gæðingadóma á Íslandi á síðustu árum. Upplýsingarnar koma úr SPORTFENGUR.COM sem er tölvukerfi sem þróað hefur verið í samvinnu við LH.
Á næstunni verður bætt við erlendum íþrótta- og gæðingadómum í samvinnu við FEIF sem koma frá Icetest forritinu en búast má við að það verði tímafrekara verk en gögnin úr SPORTFENG sem eru að fullu samræmd við gögn í WF.Þá hófst útsending á skýrsluhaldinu í hrossarækt til þeirra um 4.000 skýrsluhaldara. Vakin er athygli á að allir geta nú skilað inn rafrænu skýrsluhaldi í gegnum heimarétt WorldFengs og þar geta þeir í leiðinni afþakkað að fá sent skýrsluhaldið í pósti.
22.10.2009 20:31
Helga Una tilnefnd sem efnilegasti knapi ársins 2009
Helga Una og Karítas frá Kommu
Nú liggja fyrir tilnefningar til knapaverðlauna sem veitt verða á Uppskeruhátíð hestamanna 7.nóv. í Reykjavík. Einnig verða veitt heiðursverðlaun Landssamband hestamannafélaga.
Tilnefndir eru:
Efnilegasti knapi ársins 2009
- Agnes Hekla Árnadóttir
- Camilla Petra Sigurðardóttir
- Hekla Katharina Kristinsdóttir
- Helga Una Björnsdóttir
- Linda Rún Pétursdóttir
Gæðingaknapi ársins 2009
- Bjarni Jónasson
- Erlingur Ingvarsson
- Guðmundur Björgvinsson
- Jakob Sigurðsson
- Sigurbjörn Bárðarson
- Súsanna Ólafsdóttir
Íþróttaknapi ársins 2009
- Halldór Guðjónsson
- Jóhann R. Skúlason
- Rúna Einarsdóttir-Zingsheim
- Sigurður Sigurðarson
- Snorri Dal
- Viðar Ingólfsson
Kynbótaknapi ársins
- Daníel Jónsson
- Erlingur Erlingsson
- Jakob Svavar Sigurðsson
- Jóhann R. Skúlason
- Mette Mannseth
- Sigurður Sigurðarson
Skeiðknapi ársins 2009
- Árni Björn Pálsson
- Bergþór Eggertsson
- Sigurbjörn Bárðarson
- Sigurður Sigurðarson
- Teitur Árnason
- Valdimar Bergstað
Knapi ársins 2009
- Bergþór Eggertsson
- Erlingur Erlingsson
- Jóhann R. Skúlason
- Rúna Einarsdóttir-Zingsheim
- Sigurbjörn Bárðarson
- Sigurður Sigurðarson
21.10.2009 21:44
Skildi Tryggvi hafa komist úr jakkanum?
.... þið komist að því á Uppskeruhátíðinni
21.10.2009 18:47
Uppskeruhátíð æskulýðsnefndar Þyts
föstudaginn 6. nóvember 2009
allar nánari upplýsingar verða auglýstar síðar endilega takið kvöldið frá :)
kv. æskulýðsnefndin
21.10.2009 11:55
Aðgangur að Worldfeng
Aðgangur að Worldfeng er ókeypis fyrir skuldlausa félagsmenn. Ef þið viljið aðgang hafið samband við Sigrúnu í síma 660-5826 eða á sigrun@skvh.is Þið þurfið að gefa upp tölvupóstfang.
20.10.2009 16:19
Dagatal Þyts
15.10.2009 08:56
Hross flutt út fyrir 1,2 milljarða
Útflutningur á hrossum hefur verið svipaður í ár og í fyrra, sem í sjálfu sér er góður árangur að mati Gunnars Arnarsonar, sem sér um skipulagningu á útflutningi.
"Þótt ástandið sé slæmt á Íslandi er kreppa víðar og það er ekki sjálfgefið að fólk kaupi íslenska hesta í slíku árferði, en gengið hefur hjálpað okkur," segir Gunnar.
Mest er flutt út af hestum til Noregs, Svíþjóðar og Þýskalands. Í fyrra voru seldir um 1.500 hestar, en útflutningurinn til þessa í ár er um 1.200 hestar.
Framundan er mesti annatíminn í útflutningnum, en haustin þykja hagstæð til útflutnings þegar hiti hefur minnkað í helstu viðskiptalöndunum og breytingin er mildust fyrir hrossin.
Spurður um verð á hestunum sagði Gunnar að það gæti verið á bilinu frá 200 þúsund krónum upp í um 20 milljónir. Ekki væri óalgengt að reiðhestur væri seldur á 7-800 þúsund krónur.
Ef miðað er við að meðalverð á hesti til útflutnings sé 800 þúsund krónur og heildarútflutningur ársins nemi 1.500 hestum má ætla að tekjur af útflutningnum séu um 1,2 milljarðar.
14.10.2009 08:23
Uppskeruhátíðin
Uppskeruhátíð Hrossaræktarsamtaka V-Hún
og Hestamannafélagsins Þyts 2009
Verður haldin að laugardagskvöldið 7. nóvember nk. í Félagsheimilinu á Hvammstanga.
Hljómsveit Geirmundar Valtýssonar leikur fyrir dansi
Nánar auglýst síðar
Skemmtinefndin
05.10.2009 08:50
Stóðréttir í Víðidalstungurétt
Komnar eru myndir inn í myndaalbúmið úr réttinni.
- 1
