Næstkomandi laugardag verður karlareið á Svínavatni. Farið verður af stað kl. 14.00. Safnast verður saman norðan við Svínavatn og riðið úr "Bótinni" og haldið suður vatnið að Stekkjardal undir traustri fararstjórn. Alls eru þetta c.a 8 km. Að ferð lokinni verður grillað í Reiðhöllinni Arnargerði við Blönduós. Gjald er kr. 3.500 pr mann og skal tilkynna þátttöku fyrir miðnætti 10.mars til einhvers eftirtalinna.

Jóns Kr. Sigmarssonar             sími 898 9402
Guðmundar Sigfússonar           sími 892 6674
Páls Þórðarsonar                      sími 848 4284
 

Í fögru veðri laugardaginn 21. mars á síðasta ári reið hópur hestamanna endilangt Svínavatn. Í upphafi ferðar fór fyrrum garðprófastur, Magnús í Steinnesi með ferðabæn sbr mynd og í heild var feðin frábær.  Ísinn mjög góður og á miðju vatni beið hressing fyrir hestana, sem þeir gerðu góð skil. Þá undir kirkju á Svínavatni var komið lyfti Ægir fararstjóri fleig og þakkaði góða ferð.
 

Svínavatnið er talið um 12 km langt og þrátt fyrir hláku dagana fyrir þessa ferð var varla nokkurs staðar vatn á ísnum og hann mjög traustur.Rétt í byrjun ferðar virtust hestar óöruggir og jafnvel sumir knapar einnig, en mönnum og hestum óx ásmegin eftir því sem lengra út á vatnið kom.
 

Sammála voru menn að ferðin hafi verið frábær og mikill áhugi að endurtaka leikinn síðar. Svínavatnið er mikil vannýtt auðlynd, sem stendur vonandi til bóta.  Það hefur sannað sig sem einn frábærasti mótsstaður fyrir ísmót og enginn vafi er að fjölmargir almennir hestamann gætu haft hug á að koma með í skipulagða ferð um vatnið.

Myndirnar tók Magnús Ólafsson frá Sveinsstöðum.
 

       

Það var samhljóða ákvörðun mótsnefndar að halda Ís-Landsmótið í dag, þrátt fyrir slæmt veður á mótsstað, og í raun um mest allt land.  Engu að síður voru margir keppendur mættir á svæðið, sumir um mjög langan veg, og það hefði  verið í fyllsta máta ósanngjarnt gagnvart þeim  að  fresta mótinu, eða fella það niður,  enda er það svo að aldrei yrði hægt að finna nýjan tíma sem hentaði öllum.

Mótið gekk vel að teknu tilliti til aðstæðna, og glæsitilþrif sáust hjá       keppendum.  Undirbúningsnefnd mótsins þakkar keppendum kærlega fyrir komuna og vonar að þeir hafi átt góða ferð heim.  Einnig þökkum við hinum fölmörgu styrktaraðilum fyrir stuðninginn  og öllum þeim sem komu að undirbúningi og framkvæmd mótsins á einn eða annan hátt.  Verðlaunaafhending fór fram í félagsheimilunu Dalsmynni í mótslok

Næsta Ís-Landsmót verður haldið á sama stað að ári, nánar tiltekið laugardaginn  5. mars 2011.

Úrslit urðu þessi:

 Til gamans, Herdís Einarsdóttir og Neisti frá Gröf

Næsta mót Húnvetnsku liðakeppninnar er fimmgangur og tölt unglinga og verður í Þytsheimum föstudagskvöldið 12. mars nk. Lokaskráningardagur er þriðjudagurinn 9. mars. Skráning er hjá Kollu á mailið: kolbruni@simnet.is. Keppt verður í fimmgangi í 1. flokki, 2. flokki og í tölti í flokki 17. ára og yngri (fædd 1993 og seinna) Það sem koma þarf fram er knapi, lið, hestur, ætt, litur og aldur og upp á hvora hönd þið viljið ríða. Það verða  tveir inn á í einu og er prógrammið, tölt, brokk, stökk, fet og skeið í fimmgangi en í tölti verður ekki snúið við og er prógrammið hægt tölt, hraðabreytingar og fegurðartölt.

Skráningargjald er 1.500.- fyrir fullorðna en 500 fyrir unglinga 17 ára og yngri.

Skráningargjöld verður að greiða inn á reikning 1105-15-200343 kt. 550180-0499 áður en mót hefst.

Aðgangseyrir er 1.000.- og frítt fyrir 12 ára og yngri.
Allt um reglur keppninnar má sjá hér.

Mótanefnd Húnvetnsku liðakeppninnar

Margar glæsilegar sýningar sáust og seinasti hestur inní B-úrslit var með einkunnina 6.93. Mikil spenna var svo í A-úrslitum og urðu tveir knapar Ísólfur og Ólafur jafnir í fyrsta til öðru sæti með einkunnina 8,11. Var því gripið til sætisröðunar þar sem Ísólfur hafði betur.

Mikil spenna er komin í stigasöfnunina og verður fróðlegt að sjá hvað mun gerast eftir hálfan mánuð þegar keppt verður í fimmgangi.

A-úrslit 

• 1. Ísólfur Líndal Þórisson - Sindri frá Leysingjastöðum II 8,11
• 2. Ólafur Magnússon - Gáski frá Sveinsstöðum  8,11
• 3. Bjarni Jónasson - Komma frá Garði 7,89
• 4. Elvar E. Einarsson - Mön frá Lækjamóti 7,50
• 5. Magnús B Magnússon - Farsæll frá Íbishóli 7,50

B-úrslit

• 5. Magnús Bragi Magnússon - Farsæll frá Íbishóli 7,50
• 6. Sölvi Sigurðarson - Töfri frá Keldulandi 7,22
• 7. Þórarinn Eymundsson - Fylkir frá Þingeyrum 7,22
• 8. Mette Mannseth - Happadís frá Stangarholti 7,11
• 9. Þorsteinn Björnsson - Ögri frá Hólum 7,11

Stigasöfnun

•  1         Ólafur Magnússon 16 stig
• 2          Ísólfur Líndal Þórisson 15 stig
• 3          Bjarni Jónasson 14 stig
• 4          Mette Mannseth 11,5 stig
• 5          Elvar E. Einarsson 11,5 stig
• 6          Þórarinn Eymundsson 7,5 stig
• 7          Magnús Bragi Magnússon 7,5 stig
• 8          Sölvi Sigurðarson 6,5 stig
• 9          Þorsteinn Björnsson 1,5 stig
• 10        Líney María Hjálmarsdóttir 1 stig

www.feykir.is

Mjög góð skráning er á mótið, dagskráin hefst stundvíslega kl. 10.00 á laugardagsmorgun á B-flokki, síðan A-flokki og endað á tölti. Úrslit verða riðin strax eftir hverja grein.

Annars er allt um mótið á heimasíðu þess eða hér.

Endurmenntun Landbúnaðarháskóla Íslands og Hrossaræktarsamband V-Hún bjóða upp á námskeið um byggingu hrossa. Námskeiðið verður haldið að Gauksmýri, Húnaþingi Vestra, laugardaginn 13. mars og byrjar kl. 09:30.

Markmið með námskeiðinu er að bjóða upp á ítarlega fræðslu um byggingu hrossa og hvaða atriði er verið að meta þegar hver eiginleiki byggingar er dæmdur. Einnig verður farið yfir reglur kynbótasýninga og það hvernig best er að stilla hrossi upp í byggingardómi. Námskeiðið byggir að hluta til á fyrirlestrum en mikil áhersla verður lögð á verklegar æfingar.

Kennarar: Þorvaldur Kristjánsson og Eyþór Einarsson, kynbótadómarar.

Tími: 09:30 - 17:00

Kostnaður: 14.000 kr. Innifalin eru námsgögn, hádegismatur og kaffi.

Skráningar hjá Landbúnaðarháskóla Íslands á endurmenntun@lbhi.is  eða í síma 433 5000 (fram komi nafn, kennitala, heimili og sími).

Staðfestingargjald: Staðfesta þarf skráningu með því að millifæra 3.000 kr (óafturkræft) á reikninginn 0354-26-4237, kt. 411204-3590. Senda kvittun á endurmenntun@lbhi.is með skýringu.

Félag tamningamanna, í samstarfi við Félag hrossabænda, stendur fyrir fræðslukvöldi í félagsheimili Skugga í Borgarnesi nk. föstudagskvöld, 5. mars kl. 19. Þar mun hinn heimsþekkti knapi og þjálfari Rúna Einarsdóttir - Zingsheim, sem búsett er í Þýskalandi, flytja fyrirlestur um þjálfun hrossa, m.a. með tilliti til mismunandi áherslna á milli Íslands og meginlands Evrópu, auk þess sem hún mun svara fyrirspurnum gesta um hvaðeina er reiðmennsku og þjálfun varðar. Rúna er gríðarlega reynslumikil og hefur náð frábærum árangri í hestaíþróttum og sýningum í gegnum tíðina.

Allir eru velkomnir, kaffiveitingar á staðnum. Aðgangseyrir er kr. 1.000, frítt fyrir skuldlausa FT félaga og frítt fyrir 12 ára og yngri.

Almennur fundur um málefni hrossaræktarinnar verður haldinn í Sjálfstæðissalnum á Blönduósi, salurinn er á Húnabraut 13 - sama húsi og Búnaðarsambandið, Rauði Krossinn og Húnabókhald er, fimmtudaginn 4.mars og hefst kl. 20:30.

Frummælendur:

Kristinn Guðnason, formaður Félags hrossabænda

Guðlaugur V. Antonsson, hrossaræktarráðunautur BÍ

Sigrún Ólafsdóttir, formaður Félags Tamningamanna

    
    Samtök hrossabænda í A-Hún                                               

    Hrossaræktarsamband V-Hún

                            Búnaðarsamband Húnaþings og Stranda

Eftir frábæra fjórgangskeppni í KS deildinni er komið að tölti. Það verður mikið fjör í Svaðastaðahöllinni næstkomandi miðvikudagskvöld. Eins og sjá má á ráslistanum eru margir sterkir hestar skráðir til leiks og ljóst er að hart verður barist.

Ráslisti

1) Elvar E. Einarsson - Mön frá Lækjarmóti
2) Líney María Hjálmarsdóttir - Þerna frá Miðsitju
3) Ragnar Stefánsson - Lotning frá Þúfum
4) Bjarni Jónasson - Komma frá Garði
5) Riikka Anniina - Gnótt frá Grund II
6) Þorsteinn Björnsson - Ögri frá Hólum
7) Magnús Bragi Magnússon - Farsæll frá Íbishóli
8) Sölvi Sigurðarson - Töfri frá Keldulandi
9) Þórarinn Eymundsson - Fylkir frá Þingeyrum
10) Mette Manseth - Happadís frá Stangarholti
11) Heiðrún Ósk Eymundsdóttir - Spakur frá Dýrfinnustöðum
12) Ólafur Magnússon - Gáski frá Sveinsstöðum
13) Erlingur Ingvarsson - Gerpla frá Hlíðarenda
14) Viðar Bragason - Von frá Syðra-Kolugili
15) Tryggvi Björnsson - Ólga frá Steinnesi
16) Ísólfur Líndal Þórisson - Sindri frá Leysingjastöðum
17) Þorbjörn H. Matthíasson - Týr frá Litla-Dal
18) Björn Fr. Jónsson - Aníta frá Vatnsleysu