Nú styttist í að keppt verði í fjórgangi í Húnvetnsku liðakeppninni.

Lið keppninnar (konur og karlar) eru að stefna að því að æfa saman í Þytsheimum þar sem mikið er í húfi við að safna stigum í hús!

Liðsstjórar hafa nú tekið frá æfingatíma í Þytsheimum og hvetja alla sem reiðfærir eru til þess að kíkja við í Þytsheimum og eiga skemmtilega stund saman fyrir komandi keppni. Tökum nú fram fjórgangarana í hesthúsunum og skráum okkur til leiks! Skemmtilegast er að sem flestir taki þátt. 

Lið karla á nú frátekinn tíma kl. 20:00 mánudaginn 05.03.2018 og lið kvenna á frátekinn tíma á þriðudaginn 06.03.2018  kl. 21:00

Annað mót Húnvetnsku liðakeppninnar verður laugardaginn 10. mars, og verður að vera búið að skrá á miðnætti þriðjudaginn 6. mars. 

Skráning verður í gegnum skráningakerfi Sportfengs. 

Keppt verður í 1. flokki, 2. flokki, 3. flokki, unglingaflokki og barnaflokki. Pollar skrá sig einnig til leiks.

Í 1., 2. og unglingaflokki verður keppt í V3, forkeppnin riðin skv. stjórn þular: Hægt tölt -Hægt- til milliferðar brokk - Meðalfet - Hægt til milliferðarstökk - Milliferðar til yfirferðartölt 

Í 3.flokk og barnaflokk verður keppt í V5, forkeppnin er riðin skv. stjórn þular: Frjáls ferð á tölti - Hægt til milliferðar brokk - Meðalfet - Hægt til milliferðar stökk

Hér fyrir neðan má sjá leiðbeiningar fyrir skráninguna, annars er slóðin þessi: http://skraning.sportfengur.com/ og farið undir mót. ATH, þeir sem ætla að skrá sig í 3. flokk velja ungmennaflokk. Sportfengur býður ekki upp á 3. flokk. 

Skráningargjaldið er 2.500 fyrir fullorðna og 1.500 fyrir unglinga 17 ára og yngri. Skráningargjöld verður að millifæra svo skráning sé tekin gild. Skráning í Pollaflokk fer einnig fram í gegnum Sportfeng.

Ef einhver skráir sig eftir að skráningu er lokið er skráningargjaldið 4.000 kr.

Skráningargjald skal greiða um leið og skráð er. 

kt: 550180-0499 

Rnr: 0159-15-200343

Senda skal kvittun fyrir greiðslu skráningargjalds á netfangið thytur1@gmail.com

Knapar eru beðnir að yfirfara skráningar vel og skila breytingum inn fyrir klukkan 18:00 á fimmtudag á netfangið thytur1@gmail.com.

Aðgangseyrir er 500 en frítt fyrir 12 ára og yngri.

Aðalstyrktaraðili Húnvetnsku liðakeppninnar 

Mótanefnd

SKVH Sláturhús er aðalstyrktaraðili Húnvetnsku Liðakeppninnar.

Regulator Complete ÍS gefur verðlaun til allra keppenda í 1. sæti í fullorðinsflokkum á öllum mótum Húnvetnsku liðakeppninnar.