Í dag er bæði sorgar, gleði- og þakkardagur hjá hestamannafélaginu Þyt. Við syrgjum vegna þess að við kveðjum einn af okkar bestu og öflugustu liðsmönnum, við gleðjumst af því að við fengum að njóta hennar krafta og við þökkum fyrir allt það sem hún veitti félaginu okkar. Í dag kveðjum við heiðurskonuna, drifkraftinn og kvenskörunginn Sigrúnu Kristínu Þórðardóttur.

Sigrún vann frá því hún flutti í sveitarfélagið einstaklega ötullega að félagsmálum hestamannafélagsins Þyts. Sigrún var formaður félagsins í 8 ár og er óhætt að segja að hún hafi gert mikið fyrir félagið með krafti sínum, vinnugleði og almennri umhyggju fyrir félagsstarfinu.

Svo fátt eitt sé nefnt átti Sigrún stóran þátt í því að Íslandsmót barna og unglinga var haldið á Hvammstanga sumarið 2010 með miklum sóma, ásamt því að hún vann hörðum höndum að samningaferli því er leiddi til þess að reiðhöll Þyts, Þytsheimar, var byggð. Enginn vafi er á að þessir þættir höfðu gífurlega jákvæð áhrif á iðkun hestamennsku í sveitarfélaginu og ekki hvað síst á ástundun yngri aldursflokka. Þess má geta að undir formennsku Sigrúnar fékk Þytur æskulýðsbikar Landssambands hestamanna, en við val á handhafa bikarsins er horft til þess fjölbreytta starfs sem félögin hafa í boði fyrir börn, unglinga og ungmenni í sínu félagi. Margt fleira væri hægt að nefna varðandi góð störf Sigrúnar fyrir hestamannafélagið okkar, og væri jafnvel efni í heila bók.

Til viðbótar við störf sín fyrir Þyt sat Sigrún í stjórn Ungmennasambands Vestur-Húnavatnssýslu fyrir hönd Þyts og sömuleiðis sat hún í stjórn Landssambands hestamanna, fyrst sem varamaður í 2 ár og síðar 4 ár í aðalstjórn.

Nýliðun í hestamennsku, æskulýðsmál, keppnismál og fræðslumál voru Sigrúnu alla tíð hugleikin ásamt jafnræði á milli lítilla og stórra hestamannafélaga, bæði hvað varðar fræðslu og keppni þar sem litlum félögum reynist oft erfitt að standa fyrir viðburðum ýmiskonar vegna kostnaðar.

Sigrún bar hag þessa litla landsbyggðarfélags mjög fyrir brjósti. Vann að kynningu félagsins út á við og að styrkingu félagsanda inn á við, og er félagið í dag þekkt fyrir góðan liðsanda og samheldni. Er þar ekki hvað síst vasklegri framgöngu Sigrúnar í málefnum félagsins um að þakka.

Sigrún, sem formaður Þyts, leit þannig á að allir félagsmenn væru hennar skjólstæðingar, og tók hún slaginn með sínu fólki sama hversu erfið mál um var að ræða. Hvikaði hvergi, studdi sitt fólk og reyndist ómetanlegur haukur í horni í hinum ýmsu og oft á tíðum erfiðu málum. Sigrún var sömuleiðis alltaf gleðigjafi; hress, kát, bar léttleika með sér hvert sem hún fór og gladdi alla sem voru svo heppnir að hitta hana.

Mikill er missir allra hennar ástvina. Mikill er missir hestamannafélagsins Þyts. Mikill er missir Húnaþings alls.

 

Lokakvöld meistaradeildar KS í hestaíþróttum fer fram í Svaðastaðahöllinni föstudagskvöldið 12.apríl. Keppni hefst klukkan 19:00. Keppnisgreinar kvöldsins verða tvær annars vegar tölt og hins vegar flugskeið. Hér fyrir neðan má sjá ráslistana.

Bein útsending verður frá lokakvöldinu og nálgast má hana með því að smella hér.

Ráslisti í tölti

1 Konráð Valur Sveinsson Eldey frá Skíðbakka I Leiknisliðið

2 Elvar Logi Friðriksson Griffla frá Grafarkoti Skoies/Prestige

3 Guðmundur Karl Tryggvason Rún frá Reynistað Team Byko

4 Sigrún Rós Helgadóttir Halla frá Kverná Lið Kerckhaert

5 Arnar Bjarki Sigurðarson Ötull frá Narfastöðum Lið Flúðasveppa

6 Sina Scholz Nói frá Saurbæ Hrímnir

7 Barbara Wenzl Kná frá Engihlíð Þúfur/Skoies

8 Skapti Steinbjörnsson Oddi frá Hafsteinsstöðum Hofstorfan

9 Þórarinn Eymundsson Laukur frá Varmalæk Hrímnir

10 Guðmar Freyr Magnússon Aðalsteinn frá Íbishóli Lið Flúðasveppa

11 Viðar Bragason Lóa frá Gunnarsstöðum Team Byko

12 Snorri Dal Sæþór frá Stafholti Leiknisliðið

13 Elvar Einarsson Gjöf frá Sjávarborg Hofstorfan

14 Mette Mannseth Trymbill frá Stóra-Ási Þúfur/Skoies

15 Fanney Dögg Indriðadóttir Trygglind frá Grafarkoti Skoies/Prestige

16 Heiðrún Ósk Eymundsdóttir Hlekkur frá Saurbæ Lið Kerckhaert

17 Anna Björk Ólafsdóttir Flugar frá Morastöðum Leiknisliðið

18 Finnbogi Bjarnason Viðja frá Hvolsvelli Lið Kerckhaert

19 Ísólfur Líndal Þórisson Brúney frá Grafarkoti Skoies/Prestige

20 Leynigestur Hrímnir

21 Magnús Bragi Magnússon Stássa frá Íbishóli Lið Flúðasveppa

22 Gísli Gíslason List frá Þúfum Þúfur/Skoies

23 Fanndís Viðarsdóttir Þytur frá Narfastöðum Team Byko

24 Bjarni Jónasson Úlfhildur frá Strönd Hofstorfan



Ráslisti í flugskeiði

1 Artemisia Bertus Vefur frá Akureyri Þúfur/Skoies

2 Vignir Sigurðsson Stjarni frá Laugavöllum Team Byko

3 Finnbogi Bjarnason Kjarnoddur frá Ytra-Vallholti Lið Kerckhaert

4 Konráð Valur Sveinsson Kjarkur frá Árbæjarhjáleigu II Leiknisliðið

5 Sigrún Rós Helgadóttir Fossbrekka frá Brekkum III Lið Kerckhaert

6 Elvar Einarsson Segull frá Halldórsstöðum Hofstorfan

7 Mette Mannseth Vívaldi frá Torfunesi Þúfur/Skoies

8 Jóhann Magnússon Fröken frá Bessastöðum Skoies/Prestige

9 Finnur Jóhannesson Tinna Svört frá Glæsibæ Hrímnir

10 Þórarinn Eymundsson Gullbrá frá Lóni Hrímnir

11 Pétur Örn Sveinsson Védís frá Saurbæ Lið Kerckhaert

12 Bjarni Jónasson Randver frá Þóroddsstöðum Hofstorfan

13 Höskuldur Jónsson Sigur frá Sámsstöðum Leiknisliðið

14 Ísólfur Líndal Þórisson Þyrill frá Djúpadal Skoies/Prestige

15 Svavar Örn Hreiðarsson Skreppa frá Hólshúsum Skoies/Prestige

16 Leynigestur Team Byko

17 Arnar Bjarki Sigurðarson Loki frá Kvistum Lið Flúðasveppa

18 Baldvin Ari Guðlaugsson Þórir frá Björgum Team Byko

19 Glódís Rún Sigurðardóttir Blikka frá Þóroddsstöðum Lið Flúðasveppa

20 Stefán Birgir Stefánsson Sigurdís frá Árgerði Leiknisliðið

21 Magnús Bragi Magnússon Hagur frá Skefilsstöðum Lið Flúðasveppa

22 Skapti Steinbjörnsson Hrappur frá Sauðárkróki Hofstorfan

23 Sina Scholz Folda frá Hólum Hrímnir

24 Leynigestur Þúfur/Skoies


Staðan í einstaklings- og liðakeppni fyrir kvöldið er jöfn og ekki útséð hverjir standa að lokum uppi sem meistarar ársins 2019 því það eru mörg stig eftir í pottinum og allt getur gerst.

Hér er staða 10 efstu knapa fyrir lokakvöldið.

1. Ísólfur Líndal Þórisson 94
2. Mette Mannseth 85,5
3. Þórarinn Eymundsson 75,5
4. Snorri Dal 71,5
5. Arnar Bjarki Sigurðarson 64
6. Fanney Dögg Indriðdóttir 57
7. Bjarni Jónasson 56
8. Elvar Logi Friðriksson 55
9. Sina Scholz 52
10. Anna Björk Ólafsdóttir 51

Hér er staðan í liðakeppni fyrir lokakvöldið.

1. Skoies/Prestige 206
2. Þúfur 195
3. Hrímnir 193
4. Leiknisliðið 170
5. Hofstorfan 154,5
6. Lið Kerckhaert 120,5
7. Lið Flúðasveppa 107,5
8. Team BYKO 84

Aðalfundur Þyts
19. mars 2019

Mættir eru: Guðrún Ósk Steinbjörnsdóttir, Pálmi Geir Ríkarðsson, Sofia Krantz, Kolbrún Grétarsdóttir, Steinbjörn Tryggvason, Matthildur Hjálmarsdóttir, Jónína Pálmadóttir, Guðlaug Sigurðardóttir, Jóhannes Ingi Björnsson, Jóhann Albersson, Sigfús Ívarsson, Guðmundur Sigurðsson, Jónína Sigurðardóttir, Tryggvi Rúnar Hauksson, Jóhann Magnússon, Irina Kamp, Aðalheiður Einarsdóttir

Pálmi biður fólk velkomið og skipar Guðrúnu Ósk sem ritara og Steinbjörn sem fundarstjóra. Það er samþykkt af fundinum.

Steinbjörn tekur við stjórn fundar og kynnir Pálma sem fer yfir skýrslu stjórnar. Pálmi stikklar á stóru um félagsstarf síðasta árs.

Steinbjörn kynnir Kolbrúnu sem fer yfir reikninga félagsins. Orðið gefið laust og fundarmenn hvattir til að koma með spurningar. Kolbrún bendir á að það vanti upplýsingar um hver greiði inn á reikninga sem snúa að veitinganefnd. Jóhann Albertsson biður um orðið. Hann bendir á að sökum sambýlisstöðu sinnar sé hann ekki lengur hæfur sem skoðunarmaður reikninga og vill að það verði tekið fyrir í kosningum á eftir. Hann bendir svo á mikilvægi þess að eftir hvern viðburð þurfi að koma einhver greinargerð á innkomu og úttektum til gjaldkera. T.d. sundurliðun á skráningargjöldum, dómarakostnaðar, verðlaunakostnað og annað sem til fellur. Kolbrún bendir á það að það sé mikilvægt að nefndirnar setji nafn nefndarinnar í skýringu þegar lagt er inn eða tekið út. Rætt um að rekstrarafkoma félagsins sé góð en það þurfi að endurskoða skipulagið í kringum fjármálin. Spurt hvort engin leiga sé á félagshúsinu. Pálmi segist hafa tekið þá ákvörðun að hætta því eftir að ungmenni fóru að sækjast eftir að leiga húsið í samkomur sem passa ekki við anda íþrótta. Rætt um óvenjuháan rafmagnskostnað á félagshúsinu síðasta ár. Máli vísað til stjórnar. Spurt út í afskrifuð félagsgjöld og æfingagjöld. Pálmi svarar og bendir á að kerfið sem heldur utan um félagatal hafi ekki afskráð félaga sem höfðu sóst eftir afskráningu. Þeir fengu því reikninga sem voru afskráðir. Rætt um hvort megi ganga harðar eftir fólki að borga félagsgjöld en stjórn ætlar að ganga í málið á næstu vikum. Kolbrún bendir á að leiga á Þytsheimum sé ekki búin að dragast saman heldur sé hún í tveimur þáttum á reikningum.
Steinbjörn ber reikninga undir atkvæði. Þeir eru samþykktir samhljóða.

Árgjald
Steinbjörn kynnir næsta lið sem er árgjald. Pálmi leggur til að það haldist óbreytt. Bent á að margir félagsmenn greiði árgjald án þess að koma að starfsemi félagsins og hætt við að þessir aðilar hætti í félaginu sé árgjald hækkað mikið. Árgjaldið er 4500 kr. Fundurinn samþykkir tillöguna.

Kosningar.
Steinbjörn kynnir kosningar og Pálmi segir að þurfi að kjósa formann og meðstjórnanda. Pálmi og Fanney gefa kost á sér áfram og er það samþykkt af fundinum. Pálmi er því kosinn formaður til tveggja ára og Fanney meðstjórnandi til 2 ára.

Kosið um tvo varamenn til eins árs. Jónína Lilja og Guðrún Ósk bjóða sig fram sem varamenn í stjórn og er það samþykkt.

Kosið um tvo skoðunarmenn til eins árs. Jóhann Albertsson gefur ekki kost á sér áfram. Matthildur gefur kost á sér og er kosin. Júlíus Guðni er kosin til áframhaldi setu.

Kosið um tvo varamenn skoðunarmanna til eins árs. Jóhann Magnússon gefur kost á sér og er kosin ásamt Halldóri Sigfússyni sem er kosin til áframhaldandi setu.

Kosið um 5 félagsmenn til að sitja USVH þing. Rætt um þingið sem kemur undir liðinn önnur mál. Því er beint til stjórnar að manna þingið.

Önnur mál.

Rætt um mikilvægi þess að hestamenn sendi fulltrúa á þing USVH og að hestamannafélagið þurfi að sækja meira í USVH. Pálmi situr nú sem varamaður í stjórn USVH og er því komin með góðan skilning á starfsemi félagsins. Pálmi bendir á að námskeið á vegum félagsmanna em fékk ekki stuðning á vegum USVH vegna þess að námskeiðið náði ekki 10 vikum. Stjórnin mun skoða málið áfram en Pálmi bendir á að breyttur rekstrargrunndvöllur á reiðhöllinni gæti komið til þess að þess þyrfti ekki.

Kallað eftir ársreikningi reiðhallarinnar. Pálmi segir að hann sé ekki tilbúin og mun kallar til fundar þegar hann liggur fyrir. Verið að vinna í málinu í hægu samstarfi við skattinn.

Logi ræðir um námskeiðishald í reiðhöllinni ef höllinn sé laus á haustin sem myndi þá ná að teygja sig í 10 vikur. Rætt um valgrein í samstarfi við Grunnskólann sem gæti rúmast innan stundartöflu. Logi bendir á að þetta gæti einnig stuðlað að nýliðun í greininni sem er alltaf mikilvæg.

Pálmi tekur umræðu um LH þing. Hann ræðir um mikið átakaþing þar sem sitjandi formaður fékk mótframboð án þess að sérstakar ástæður lægju að baki. Eftir að hafa setið þingið segir Pálmi að stóru félögin í Reykjavík hafi greinilega tekið sig saman um að reyna að koma sínum manni að. Í kjölfarið að sitjandi formaður vann kosninguna með naumindum leystist stjórn LH upp og þurfti að finna nokkra nýja stjórnarmenn. Pálmi bendir á að þingið er mikil vinnuhelgi og fólk þurfi að mæta undirbúið. Hann bendir á þann möguleika að bjóða félögum að taka þátt í þinginu, ekki endilega bara þeim sem sitja í stjórn. Þeir sem hafa áhuga og eru tilbúnir að taka slaginn fari á þingið.

Jónína ræðir um 10 ára afmæli hallarinnar á næsta ári. Hún kallar eftir því að í haust verði farið að undirbúa það. Einnig bent á að 70 ára afmæli félagsins er á næsta ári.

Pálmi fékk beiðni frá félagsmanni um að fjölga í nefndum. Hann segir einnig frá símtali eftir síðasta félagsfund þar sem félagsmaður bað um að fá að vinna í nefnd. Pálmi varð við beiðninni. Pálmi segir frá því að hann sé ekki hlynntur því að hringja í fólk til að fá það í nefndir. Fólk tilkynnir ef það vill fá sig laust.

Jónína Lilja ræðir um Sportfeng. Hún er eins og staðan er í dag eina manneskjan sem kann á Sportfenginn. Hún kallar eftir námskeiði fyrir félagsmenn. Rætt um í kjölfarið að þarft er að fjölga starfsmönnum á mótum. Vinnan lendir mikið alltaf á sama fólkinu. Jónína hvött til að standa fyrir námskeiði fyrir félagsmenn.

Aðalheiður segir frá vinnu firmakeppninnar. Hún bendir á að þátttakan í ár hefði verið með minnsta móti. Aðalheiður leggur fram spurningu hvort grundvöllur sé fyrir því að halda áfram með firmakeppnina. Rætt um hvort breytt dagsetning hafi sett strik í reikninginn. Þátttaka í firmakeppni hefur verið mismikil síðustu ár en flest ár innan góðra marka. Rætt um að hugsanlega væri hægt að breyta fyrirkomulagi hennar.

Pálmi ræðir um mikilvægi þess að við munum að hrósa hvort öðru fyrir vel unnin störf.

Pálmi minnist á mótaröðina sem hefur verið í vetur í samstarfi við Skagfirðinga. Hann hvetur fólk til að mæta á síðasta mótið og klára veturinn með stæl. Sýnum félagsanda og standa saman.

Spurt hvers vegna skagfirðingar hafa ekki verið að taka þátt í mótaröðinni. Logi segir að aðsókn félagsmanna í skagafirði sé mjög slök og léleg þátttaka í viðburðum sé ekki að einskorðast við þessa mótaröð.

Pálmi segir frá því að skipuð var nefnd um keppnisvöllinn. Pálmi kemur með tillögu til USVH á þinginu um að USVH muni styðja við félagið í því að fá sveitastjórn til að styðja við framkvæmdir á keppnisvellinum. Sveitastjórn hefur þegar fengið bréf um málið og tók vel í það.

Rætt um hvaða framkvæmdir liggi fyrir og að fundur yrði haldin í tengslum við vinnuna þegar málið er komið lengra.

Jónína spyr hvernig gangi með reiðveginn í Víðidalnum. Jóhannes segir að hann verði klár fyrir sumarið. Hann er fær eins og staðan er en verður klár í sumar. Jóhannes segir frá þeim framkvæmdum sem liggja fyrir á næstunni. Spurst fyrir um ræsi yfir Hvammsánna. Pálmi segir að málið hafi verið sent í fyrrnefndu bréfi til sveitastjórnar. Stjórn mun ítreka erindið. Jóhann ræðir um að framkvæmdir ættu frekar að vera að vori en að hausti. Jóhannes svarar að erfitt sé að fá verktaka á þeim tíma og sami verktakinn er iðulega valinn sökum vandaðra vinnubragða og góðs samstarfs.

Logi kallar eftir því að stjórn fari í það að vinna með sveitastjórn að vinnu á svæðinu fyrir ofan bæinn með reiðleiðir og gönguleiðir í huga.


Fundargerð lesin upp og samþykkt.