Á aðalfundi Þyts sem haldinn var mánudagskvöldið 2. mars s.l. voru verðlaunaðir knapar ársins hjá félaginu í öllum flokkum. Það er óhætt að segja að félagsfólk hafi verið duglegt að keppa á árinu og var í sumum flokkum mjótt á munum. Fólk var duglegt að keppa á mótum hér heima og einnig á mótum hjá öðrum félögum og í hinum ýmsu deildum og stórmótum. Meira að segja átti félagið knapa á heimsmeistaramótinu sem varð í 2. sæti í sinni grein, en það var Helga Una á hryssunni Ósk frá Stað í T2. Við viljum hvetja alla sem eru að keppa hjá félaginu að senda inn keppnisárangur sinn þannig að það verði kannski ennþá meira spennandi við næstu útreikninga.

Efstu knapar í hverjum flokki eru eftirfarandi og hlutu þau verðlaun frá félaginu fyrir afrekið:

Barnaflokkur: Herdís Erla Elvarsdóttir

Unglingaflokkur: Kara Sigurlína Reynisdóttir     Ungmennaflokkur: Guðmar Hólm Ísólfsson Líndal   3. flokkur: Þorgeir Jóhannesson   2. flokkur: Gréta Brimrún Karlsdóttir     Skeiðknapi ársins: Jóhann Birgir Magnússon   1. flokkur: Helga Una Björnsdóttir