Hestamannafélagið Þytur

27.09.2010 09:12

Stóðréttir í Víðidal

Nú eru aðeins örfáir dagar í

stóðsmölun og stóðréttir í Víðidalstungurétt í Víðidal.

Hátíðin hefst kl 17.30 á fimmtudaginn með sölusýningu á Gauksmýri.

Föstudaginn 1. okt. er stóðinu smalað til byggða.

Gestir sem ætla að taka þátt í smöluninni fara af stað frá Hrappstöðum um kl. 10.

Þeir sem ætla að vestan mæta í Valdarásrétt um hádegi.

Um kvöldið er kjörið að fá sér kjötsúpu í Víðigerði

eða hjá þeim heiðurshjónum Siggu og Jóa á Gauksmýri.

Á laugardag verður grillhlaðborð á Gauksmýri og vissara að panta í síma 4512927.

Laugardaginn 2. okt. er stóðið rekið til réttar stundvíslega kl. 10

og hefjast þá réttarstörf.

Í réttinni stendur Kvenfélagið Freyja fyrir happdrætti

og fæst miði með því að versla veitingar af félaginu .

Aðalvinningurinn er folald !!

Í Víðidalstungurétt mjá jafnan sjá fjölda efnilegra unghrossa.

Búst má við uppboði á völdum hrossum þar sem hægt verður að

nálgast draumahestinn á viðráðanlegu verði.

Á laugardagskvöld er dansleikur í Víðihlíð þar sem hljómsveit Geirmundar

heldur uppi sveiflunni eins og honum einum er lagið.

Verið velkomin í Víðidal.

Skrifað af Kolla

22.09.2010 22:00

Þverárrétt í Vesturhópi

Stóðréttir verða í Þverárrétt í Vesturhópi laugardaginn 25. september, réttarstörf hefjast kl. 13.00

Skrifað af Kolla

22.09.2010 09:37

Óskilahross

Fundist hefur brúnt mertryppi - sennilega veturgamalt. Í tryppinu er örmerki en það er ekki skráð í Worldfeng. Örmerkið er: 352206000067173, ef einhver kannast við þetta örmerki þá vinsamlega hafið strax samband við Gunnar hjá Búnaðarsambandinu í síma 895-4365 eða á gr@bondi.is

Skrifað af Kolla

17.09.2010 22:53

Opinn fundur um stöðu smitandi hósta hjá hrossum

verður í Sjálfstæðissalnum á Blönduósi þriðjudaginn 21.september kl.20:30.

Fundarboðendur eru LH, FT og Félag Hrossabænda

Sigríður Björnsdóttir dýralæknir hrossasjúkdóma hjá MAST, Eggert Gunnarsson bakteríufræðingur og Vilhjálmur Svansson veirufræðingur munu mæta og fara yfir stöðuna með fundargestum.

Fundurinn er öllum opinn.

Húnvetnsku Hestamannafélögin og Samtök Húnvetnskra Hrossabænda hvetja hrossaeigendur til þess að mæta á fundinn og kynna sér málið.

Skrifað af Kolla

16.09.2010 11:12

Sölusýning á Gauksmýri.

Sölusýning verður haldin á Gauksmýri fimmtudaginn 30. september kl 17.30 í tengslum við Víðidalstungurétt.

Fimmtudaginn 23.sept verður boðið uppá videoupptöku á þeim hrossum sem menn hafa í boði, mun videoupptakan fara fram á vallarsvæði Þyts upp í Kirkjuhvammi. Þar fá allir video af sínum hesti og við munum setja videoin inn á youtube.com fyrir þá sem það vilja.

En video af öllum hrossunum verður sýnt á Gauksmýri á fimmtudeginum og í Víðidalstungurétt á laugardeginum.

Þeir sem vilja láta video af hrossum og taka þátt í sölusýningu er bent á að hafa samband við Tryggva í síma 898-1057 eða senda póst hrima@hrima.is í síðasta lagi þriðjudaginn 21. september. Þar þarf að koma fram IS númer hests og símanúmer umráðamanns.

Skráningargjald fyrir hvert hross í videoupptöku er 3000 krónur.

Vonandi sjáumst við sem flest og seljum sem mest.

Hrossaræktarsamtök V-Hún

Félag hrossabænda A-Hún

Skrifað af Kolla

14.09.2010 12:20

Þytspeysur

Þytspeysurnar eru komnar, eru til afgreiðslu í Sparisjóðnum hjá Kollu. Greiða þarf inn á 1105-26-1081 kt. 550180-0499 áður en peysan fæst afhent.

Upplýsingar um verð eru hjá Kollu í síma 863-7786.

Skrifað af Kolla