Vetrarmótaröð Þyts 2020

Mótaröðin í ár verður einstaklingskeppni, þar sem stigahæstu keppendurnir verða verðlaunaðir í lok mótaraðar.

 Hér má sjá dagsetningar mótanna:

1 feb: Fjórgangur

22 feb: Fimmgangur og fjórgangur fyrir léttari flokka

8 mars: Unghrossakeppni, slaktaumatölt og skeið (mögulega T7 fyrir léttari flokka)

21 mars: Tölt

Mótanefnd

Kæru félagsmenn!  

Nú geta félagsmenn keypt vikupassa á Landsmót Hestamanna sem haldið verður á Hellu 6. - 12. júlí 2020 og styrkt um leið félagið okkar.  Með því að kaupa í forsölu í gegnum linkinn hér að neðan  renna 1.000 kr til hestamannafélagsins. Miðaverð í forsölu er aðeins 16.900 kr. 

https://tix.is/is/specialoffer/us3bgyhxsdmbo

Tökum höndum saman - styðjum félagið og tryggjum okkur um leið miða á Landsmót hestamanna 2020 á besta mögulega verði. 

Ræktunarbú ársins var Höfðabakki, á myndinni tekur Sverrir Sigurðsson við verðlaunum ásamt börnum sínum Þórhalli og Elísu.

Hátíðin var haldin í Félagsheimilinu á Hvammstanga sl. laugardag. Hún tókst afar vel, frábær matur að hætti Þórhallar M. Sverrissonar og skemmtiatriði hjá skemmtinefnd Þyts.

Eftir mat, verðlaun og skemmtiatriði var ball með strákunum úr Kókos og Hrafnhildi Ýr. Margt var um manninn og mjög góð stemmning. 

Efstu kynbótahross voru verðlaunuð, knapar ársins og ræktunarbú ársins sem var að þessu sinni Höfðabakki, en þau áttu frábært ræktunarár og voru einnig tilnefnd á landsvísu í ár. 

Knapar ársins í 1. flokki

1. Jóhann B. Magnússon

2. Helga Una Björnsdóttir

3. Elvar Logi Friðriksson

Knapar ársins í 2. flokki

1. Kolbrún Stella Indriðadóttir

2. Þóranna Másdóttir

3. Sigrún Eva Þórisdóttir

Knapar ársins í ungmennaflokki

1. Ásta Guðný Unnsteinsdóttir

2. Karítas Aradóttir

3. Anna Herdís Sigurbjartsdóttir 

Kynbótahross ársins 

Stóðhestar 4 v.

1.sæti Atli frá Efri-Fitjum a.e 8,23  

 2.sæti Garri frá Bessastöðum a.e 7,68

Hryssur 4 v.

1.sæti Örk frá Lækjamóti a.e 7,97

 2.sæti Hrönn frá Lækjamóti a.e 7,87

3.sæti Sif frá Bessastöðum a.e 7,78

Stóðhestar 5 v.

1.sæti Áfangi frá Víðidalstungu II a.e 8,20

2.sæti Sjafnar frá Syðra-Kolugili a.e 8,15

Hryssur 5 v.

1.sæti Písl frá Höfðabakka a.e 8,27

2.sæti Djásn frá Lækjamóti a.e 8,22 

3.sæti Stjórn frá Gauksmýri a.e 7,98

Stóðhestar 6 v.

1.sæti Gustur frá Efri-Þverá a.e 8,33 

2.sæti Spölur frá Efri-Þverá a.e 8,21

Hryssur 6 v. 

1.sæti Drift frá Höfðabakka a.e 8,43

2.sæti Byrjun frá Höfðabakka a.e 8,40

3.sæti Frelsun frá Bessastöðum a.e 8,28

Stóðhestar 7 v.

1.sæti Lómur frá Hrísum a.e 8,67

2.sæti Garri frá Gröf a.e 8,12

3.sæti Rignir frá Efri-Fitjum a.e 7,80

Hryssur 7 v.

1.sæti Flikka frá Höfðabakka a.e 8,49

2.sæti Brúney frá Grafarkoti a.e 8,24 

3.sæti Villa frá Efri-Þverá a.e 8,17

Hæst dæmdi stóðhestur Lómur frá Hrísum Eink. 8,67 Rækt. Karl Guðmundur Friðriksson

Hæst dæmda hryssa: Flikka frá Höfðabakka Eink. 8,49 Rækt. Sigrún Kristín Þórðardóttir Sverrir Sigurðsson

Með nýju fyrirkomulagi í afreksmálum LH hefur verið ákveðið að setja af stað verkefni fyrir unga og metnaðarfulla knapa, það kallast Hæfileikamótun LH og fer af stað veturinn 2020

Hæfileikamótun LH samanstendur af 6 hópum sem staðsettir eru í hverjum landshluta fyrir sig. Fjöldi knapa í hóp er 8. Gjaldgengir í hópinn eru unglingar á aldrinum 14-17 ára (unglingaflokkur). Einstakt tækifæri fyrir unga metnaðarafulla knapa að undirbúa sig með markvissri kennslu til að takast á við verkefni bæði hérlendis og á erlendum vettvangi. 

Staðsetning hópa:

Höfuðborgarsvæði (8 manna hópur)

Höfuðborgarsvæði (8 manna hópur)

Suðurland (8 manna hópur)

Norðurland (8 manna hópur)

Vesturland (8 manna hópur)

Austurland (8 manna hópur)

Viðburðir og fyrirkomulag:

Janúar - helgarnámskeið (laugard/sunnud-einstaklingskennsla með hesti)

Mars - helgarnámskeið (laugard/sunnud-einstaklingskennsla með hesti)

April/mai - helgarnámskeið (laugard/sunnud-einstaklingskennsla með hesti)

Sept - sýnikennsla (án hests)

Fyrirlestur með fagteymi ÍSÍ (án hests)

Kostnaður knapa er 100.000kr fyrir árið.

Knapar sem eru gjaldgengir í hópinn senda umsókn til LH.

Í umsókn skulu koma fram eftirfarandi upplýsingar:

Nafn, aldur og félag

Lýsing á keppnisárangri undanfarin 2 ár

Námskeið sem knapi hefur tekið

Video (max 5-6 min) þar sem knapi sýnir gangtegundir:

Fet

Brokk

Hægt stökk, hraðinn aukinn í hratt stökk og síðan hægt niður á fet

Hægt tölt, hraðinn aukinn yfir í hratt tölt og síðan hægt niður á fet

Frjálst er að sýna fimiæfingar

Verkefnastjóri er Vilfríður F. Sæþórsdóttir. Allar umsóknir berist á netfangið vilfridur@lhhestar.is. Hægt er að nálgast allar upplýsingar í gegnum sama netfang.

Umsóknarfrestur er til miðnættis þriðjudaginn 26.nóvember 2019. Hópar verða tilkynntir um miðjan desember.

Uppskeruhátíð Þyts og Hrossaræktarsamtaka Húnaþings vestra.

Verður haldin hátíðlega laugardaginn 9. nóvember í Félagsheimilinu á Hvammstanga.

Frábær matur að hætti Þórhalls Magnúsar Sverrissonar

Á matseðlinum verður nautakjöt, lambakjöt og bernaiessósa með allskonar framandi meðlæti. 

og skemmtun sem endar svo með dúndrandi dansiballi með strákunum úr Kókos og Hrafnhildi Ýr.

Húsið opnar kl. 19:30 og hátíðin hefst kl. 20:00 Miðaverð er 7900 kr. 

Einnig verður selt sér inn á dansleikinn kl.23:00 við inngang fyrir litlar 2500 kr. 

Miðasala fer fram dagana 4.-7. nóv. í Söluskálanum (sjoppunni) einungis hægt að borga með reiðufé.

Hægt verður að borga fyrir ósótta miða við inngang Félagsheimilisins á hátíðinni sjálfri.

Þau bú sem tilnefnd eru sem ræktunarbú ársins eru:

Bessastaðir - Efri-Þverá - Grafarkot - Höfðabakki - Lækjamót

Takið daginn frá og fögnum árinu saman :) 

Nefndin

Við viljum biðja alla keppendur ársins 2019 hjá Þyt að senda inn keppnisárangur sinn á árinu. Koma þarf fram í hvaða flokki keppt var á hverju móti fyrir sig og aðeins eru gefin stig fyrir úrslitasæti. Senda upplýsingar til Pálma á netfangið palmiri@ismennt.is fyrir  5. nóv  nk.

Stjórn Þyts

Kæru félagsmenn, nú er haustið gengið í garð með allri þeirri gleði og vinnu sem haustinu fylgir.  Eins og allir vita þá er reiðhöllin í útleigu eins og er og verður meðan á sláturtíð stendur, við erum þó farin  að skipuleggja vetrarstarfið og leitum því til ykkar með ýmis málefni.  

Hestafimleikarnir eru komnir á fullt og mikill áhugi á því starfi.  Eins og allir vita þá þarf góðan hest í það verkefni og því hefur verið ákveðið að auglýsa eftir hesti í verkefnið.  Átt þú hest sem mögulega gæti hentað fyrir krakkana, hesturinn þarf að vera með gott geðslag, vera mikið og vel taminn með góðar grunngangtegundir (fet,brokk,stökk) og vera aðgengilegur í hesthúsahverfinu á Hvammstanga.  Þú fengir greidda ákveðna upphæð fyrir hvern mánuð auk þess sem hesturinn fengi góða hreyfingu tvisvar í viku.  Er þetta eitthvað sem gæti hentað þér og þínum hesti, vinsamlegast hafðu þá samband við Pálma í síma 8490752.  

Okkur vantar líka reiðkennara með góðar hugmyndir að námskeiðum fyrir börn og fullorðna í félaginu ef þú hefur áhuga á að starfa fyrir okkur þá mátt þú endilega hafa samband. 

Þeir sem hafa áhuga á því að starfa í vetrarmótanefnd mega líka endilega hafa samband við okkur, það vantar nýjar og ferskar hugmyndir, hvernig viljið þið hafa mótahaldið í vetur, á að prófa eitthvað nýtt eða hafa þetta í svipuðum dúr og verið hefur, það er ekki seinna vænna en að fara að skipuleggja og finna styrktaraðila, og munið að hér getið þið haft áhrif og komið ykkar hugmyndum í verk.  

Á næsta ári verður félagið 70 ára, einhverjar hugmyndir eru komnar um það hvernig fagna beri áfanganum en gaman væri ef einhver gæti tekið það að sér að stýra afmælisnefnd sem kæmi að skipulagningu og ákvarðanatöku varðandi afmælið.  

Skemmtinefndin er farin að huga að uppskeruhátíð sem verður haldin þann 9.nóv og því gott að taka daginn frá. 

Eins og fram hefur komið hér á síðunni þá er ætlunin að setja á laggirnar kennsluverkefnið Reiðmanninn í samvinnu við Landbúnaðarháskólann á Hvanneyri næsta haust (2020) allir þeir sem hafa áhuga á að kynna sér verkefnið er bent á heimasíðu landbúnaðarháskólans,  þetta hefur verið vinsælt nám í mörg ár og stendur okkur til boða frá og með næsta hausti eins og fyrr segir og vonum við að af þessu verði því þetta hentar breyðum hópi iðkenda í hestamennsku.  

Stefnum síðan á að halda fund með félagsmönnum seinna í haust.

Með kveðju

Stjórnin.

Bókleg kennsla í haust!

mynd fyrir athygli

Knapamerki 1-5 bókleg kennsla fer fram fyrir áramót í Grunnskóla Húnaþings vestra.

Byrjum fersk í fyrstu vikunni í október, bókleg kennsla á miðvikudögum fyrir áramót. Nemendur þurfa að redda sér bók sjálfir, 

best að hringja í skrifstofuna á Hólum og panta bók þar í síma: 455-6380

Skráning og nánari upplýsingar: fanneyindrida@gmail.com

Klárum bóklega prófið í síðustu vikunni í nóvember. 

Nefndin vonast til að sjá þessi andlit og mörg önnur til viðbótar :-) 

Rannsókn á sumarexemi og þróun á bóluefni til forvarnar hefur staðið yfir í fjölda mörg ár eins og þekkt er, en nú er komið að prófun bóluefnisins við raunverulegar aðstæður. Í það verkefni þarf 27 þæga og trausta hesta á aldrinum 6-12 vetra sem munu verða meðhöndlaðir (bólusettir) á Keldum og hefst það ferli í desember á þessu ári, en hestarnir verða síðan fluttir til Sviss í mars 2020. Félag hrossabænda mun hafa umsjón með að finna hross í verkefnið og munu fulltrúar þess um land allt leita til hesteigenda. Miðað er við að greitt verði 200.000 kr. með vsk fyrir hvert hross og að kaupverðið verði greitt 15. mars á næsta ári þegar stefnt er að útflutningi hrossanna.

Þeir hestar sem ætlunin er að flytja út fá hlutverk í reiðskólum en þegar hafa aðilar í Bern gefið kost á sér að koma að rannsókninni með því að fóstra hrossin gegn því að eignast þá í lokin.  Þessi samvinna er mikilvæg og í raun lykilþáttur til að verkefnið klárist en alltaf hefur legið fyrir að mikill kostnaður myndi liggja í uppihaldi og umsjón hrossanna til loka
rannsóknarinnar sem mun taka þrjú ár. Það eru miklir hagsmunir í húfi að þetta verkefni klárist; í fyrsta lagi gagnvart velferð þeirra hrossa sem flutt eru erlendis, og eins eru markaðslegir hagsmunir gagnvart útflutningi á Íslenska hestinum verulegir fyrir alla þá fjölmörgu hagsmunaaðila sem tengjast hestinum.

Tengiliðir eru í öllum landshlutum og eru áhugasamir hvattir til að hafa samband.

Tengiliðir á Norðurlandi: Vignir Sigurðsson netfang litlabrekka@litlabrekka.is sími  896-1838 og Heiðrún Ósk Eymundsdóttir netfang heidrun@saubaer.is  sími 849-5654.
Tengiliðir á Vesturlandi: Eysteinn Leifsson exporthestar@gmail.com  sími 896-5777 og Gunnar Halldórsson gunnar.arnbjorg@gmail.com  sími 898-8134. Tengiliðir á Suðurlandi Erlendur Árnason skidbakki@gmail.com  sími 897-8551 og  Sveinn Steinarsson, netfang sveinnst@bondi.is  sími 892-1661. 
Tengiliður á Austurlandi Einar Ben netfang gleraugun@simnet.is sími 896-5513.

Hrossin þurfa að uppfylla eftirfarandi kröfur:

1. Þægir, tamdir hestar á aldrinum 6-12 vetra sem hægt verður að nota án mikils frekari undirbúnings í reiðskóla eða í svipuð verkefni.
2. Ekki eru gerðar strangar kröfur til ganglags. Klárgengir hestar geta nýst vel í reiðskóla og sömuleiðis skeiðlagnir hestar en auðvitað er æskilegt að þeir búi yfir tölti (eða að hægt verði að styrkja það með þjálfun).

Hestarnir verða prófaðir af fulltrúum Félags hrossabænda áður en þeir verða valdir í verkefnið. Þeir munu undirgangast læknisskoðun með röntgenmyndatöku af hæklum sem kostuð er af verkefninu. Endanlegt val á hestum mun liggja fyrir í nóvember 2019 og verða þeir í framhaldinu fluttir að Keldum til bólusetninga og mun verkefnið kosta og  annast flutninginn.

Þegar kaupin liggja fyrir skal stefna að því að koma hrossunum á Keldur í síðasta lagi 25. nóvember og mun verkefnið kosta og  annast flutninginn.

Eysteinn Leifsson hefur umsjón með vali á hrossunum og eiga tengiliðir að hafa samband við hann; netfang: exporthestar@gmail.com og í síma 896-5777.