Vinnudagur í höllinni nk laugardag frá kl. 10.00, stefnt er að því að pússa og mála inni á kaffistofunni og útveggina í reiðhöllinni. Einnig er einhver smíðavinna sem þarf að fara í og klára að þrífa og gera fínt.

Ef einhverjir eiga, bakka, sköft eða aðrar málningagræjur má endilega taka þær með. 

Eins og áður, ef þú kemst bara í stuttan tíma er það bara allt í góðu. Margar hendur vinna létt verk !!!

Almennt reiðnámskeið fyrir krakka 8 - 13 ára. 

Kennari er Heiða Heiler.

Þetta eru samtals 10 skipti

Verð: 8.500 kr.

Heiða er ekki með hesta sjálf í vetur. 

Áhugasamir mega hafa samband á email: heidaheiler@hotmail.com

Almennur félagsfundur haldinn í Þytsheimum 11. janúar 2024 kl. 20:00.
Mættir 17 félagsmenn.

Formaður setti fund og bauð fundarmenn velkomna.
Byrjaði á að þakka þeim fyrir sem tóku þátt í að þrífa og taka til í reiðhöllinni síðustu
daga.

Búið er að setja upp mótor við hurðina, verið að vinna í að finna hvaða
aðgangsstýring er best. Rafvirki er að vinna í að laga tengla í kaffistofunni í
reiðhöllinni og lýsingu.

Greindi frá verkefninu Félagshesthús sem félagið er að hleypa af stokkunum í vetur.
7 börn eru skráð. Búið er að fá stíur í hesthúsinu hjá Láru og Gunnari, verkefnið
kostar nokkuð og börnin greiða mjög lágt þátttökugjald. Búið að sækja um styrki á
nokkrum stöðum.

Nefndi að námskeiðið Reiðmaðurinn væri í gangi og mikil stemning þar.
Sagði að Heiða myndi hjálpa krökkunum í Félagshesthúsinu af stað. Bað um að fólk í
hesthúsahverfinu myndi vera duglegt við að líta til með þessu nýja unga hestafólki.
Jessie verður með knapamerki fyrir yngra starfið.

Fanney fór yfir innanhúsmótaröðina, búið er að setja dagssetningar inn á Þytssíðuna.
Endað verður á smalakeppni, en mikil steming var á mótinu í fyrra.
Þórdís nefndi að gott væri að félagsmenn væru duglegir við að hjálpa til við mótin.

Nína nefndi að það væru hér kassar með fullt af flottum búningum. Það þyrfti að finna
tækifæri til að nota þessa búninga.

Hvatt var til þess að vera með þorrablót. Formaður tók undir það, stungið var upp á
föstudeginum 26. janúar. Hvatti hann þá sem myndu mæta að auglýsa það.
Nína sagðist ætla að vera í sjoppunni á fyrsta mótinu og brutust út mikil fagnaðarlæti
við þær fréttir. Spannst upp umræða um hversu erfitt væri að fá fólk til að vinna fyrir
félagið, fólk þarf að athuga að það er ekki bara hægt að þiggja, það þarf líka að gefa
af sér til að félagsstarf geti verið blómlegt.

Fundi slitið kl 21:10

Almennur félagsfundur í Þytsheimum fimmtudaginn 11.01 kl. 20:00

Ætlum við að byrja þrif í reiðhöllinni sunnudaginn kl. 10.30, margar hendur vinna létt verk. Ef þú kemst bara í hálftíma, þá er það bara frábært !!!

Innanhúsmótanefnd hefur sett upp drög að dagsetningum fyrir mót vetrarins. Dagsetningarnar voru auglýstar inn á facebookhópnum Áfram Þytur og eftir ábendingar er niðurstaðan þessi: 

Föstudagskvöld 2. febrúar

Laugardagur 24. febrúar

Föstudagskvöld 1. mars

Laugardagur 30. mars (páskadagur daginn eftir)

Nú í haust hafa staðið yfir æfingar í hestafimleikum hjá Hestamannafélaginu Geysi. Hestafimleikarnir fóru af stað af frumkvæði reiðkennarans Jónínu Lilju Pálmadóttur sem sjálf lærði hestafimleika hjá Hestamannafélaginu Þyt á Hvammstanga sem hingað til hefur verið eina Hestamannafélagið sem boðið hefur uppá hestafimleika. Nú eru þau tvö.

Gríðarlegur áhugi var strax á hestafimleikum og hafa um 40 börn stundað hestafimleika vikulega síðustu vikurnar. Hestafimleikar eru töluvert ólíkir öðru sem boðið hefur verið uppá að því leyti að nemendur mæta ekki með eigin hest heldur er hestur á staðnum, það gerir því mun fleirum kleift að stunda hestamennsku.

Síðastliðna helgi kom hópur frá Hestamannafélaginu Þyt en þar hafa verið stundaðir hestafimleikar síðustu 15 ár undir leiðsögn Kathrin Schmitt. Hópurinn æfði í Rangárhöllinni á laugardag. Á Sunnudag héldu Þyts félagar glæsilega Hestafimleikasýningu og í framhaldi æfðu hóparnir saman. Geysir þakkar Þyt fyrir virkilega skemmtilega heimsókn og vonandi koma þau aftur til okkar fljótlega.

Þar sem þátttakendur eru gríðarlega margir er alltaf sett upp þrautabraut og farið í leiki á meðan beðið er eftir því að geta farið á bak.

Flottur hópur frá Hestamannafélagi Þyt.

Kennarar í hestafimleikum hjá Geysi.

Þrautabrautin er ansi vinsæl en þar fara krakkar líka í gegnum ýmsar æfingar sem nýtast þegar komið er á bak.

Færni Þyts krakkana er orðin ansi mikil.

Sameiginleg upphitun í upphaf dags.

Svipur er eins og fæddur í hlutverkið þó hann hafi ekki verið kallað til fyrr en nú á efri árum.

Það eru líka gerðar æfingar á hesti sem hreyfir sig ekki.

Hestamannafélagið Þytur ætlar að bjóða börnum og unglingum sem ekki hafa  aðgengi að hesti að leigja hest í vetur.   Þetta er tilraunaverkefni hjá okkur og við rennum því blint í sjóinn með hversu margir hefðu áhuga á þessu.  Reikna má með að þeir sem hafi áhuga þurfi að deila hesti og greiða þarf einhvert gjald fyrir hvert skipt sem farið er á bak. Gjaldið verður ekki mikið og þeir sem vilja vera með þurfa líka að taka þátt í umhirðu hestanna.  Umsjónaraðili myndi leiðbeina og hafa yfirumsjón með bæði hestum og knöpum. Byrjum fljótlega eftir áramót.  Þeir sem hafa áhuga á því að taka þátt í þessu verkefni eru beðnir um að senda póst til Pálma á netfangið palmiri@ismennt.is  með uppl. um nafn barns eða unglings og aldur og nöfn foreldra.

Kveðja stjórn Þyts.

Á Uppskeruhátíð Þyts og Hrossaræktarsamtaka V-Hún voru veittar viðurkenningar til knapa ársins í hverjum flokki. 

Knapi ársins í unglingaflokki var Guðmar Hólm Ísólfsson.

Knapi ársins í ungmennaflokki var Eysteinn Kristinsson

Knapi ársins í 2. flokki var Ásta Guðný Unnsteinsdóttir

Knapi ársins í 1. flokki var Birna Olivia Agnarsdóttir

Knapi ársins í meistaraflokki var Jóhann Magnússon.

Um helgina verður höllin mikið upptekin en í gangi verður kennsluhelgi í Reiðmanninum. 

Föstudagur: Reiðmaðurinn frá kl. 15.00 - 19.40

Laugardagur: Reiðmaðurinn frá kl. 08.00 - 18.00 (matarhlé er 12.40 - 13.20)

Sunnudagur: Reiðmaðurinn frá kl. 08.00 - 18.00 (matarhlé er 12.40 - 13.20)

Þær helgar sem verða uppteknar í vetur eru: 

8. - 10. desember, 12. - 14. janúar, 16. - 18. febrúar, 15. - 17. mars og 12. - 14. apríl 

Stjórn og æskulýðsnefnd hafa ákveðið að bíða með uppskeruhátíð barna og unglinga fram á veturinn og tengja hátíðina við viðburð í reiðhöllinni, með því viljum við gefa hátíðinni meira vægi og gera meira úr henni en bara hittast og drekka kaffi og borða. Gerum hátíðina veglegri, skemmtilegri og eftirminnilegri fyrir börnin og unglingana.

Mynd: Facebook Guðmar

Keppendur eru beðnir að senda keppnisárangur ársins vegna knapaverðlauna á palmiri@ismennt.is 

Uppskeruhátíð Þyts og Hrossaræktarsamtaka V-Hún verður haldin laugardaginn 4. nóvember

Skemmtinefndin

Vegna fárra skráninga er búið að fresta íþróttamóti Þyts sem átti að vera um helgina. Endurgreiðsla á skráningargjöldum fara í gegnum Kolbrúnu Grétarsdóttur í síma