Miðvikudaginn 17. janúar næstkomandi kl. 19:30  í reiðhöllinni í Víðidal, stendur stjórn LH fyrir kynningarfyrirlestri á verkefninu "Sýnum karakter" Sýnum Karakter: Hvernig hægt er að þjálfa sálræna og félagslega færni iðkenda í íþróttum.

"Sýnum karakter er átaksverkefni um þjálfun sálrænnar og félagslegrar færni barna og ungmenna í íþróttum. Hugmyndafræði verkefnissins byggir á að hægt sé að þjálfa og styrkja sálræna og félagslega færni iðkenda eins og líkamlega færni."  (http://synumkarakter.is)

LH boðar því reiðkennara og þjálfara sem og foreldra þátttakenda í afrekshópi LH og Meistaradeild æskunnar sem og alla aðstandendur þessara verkefna á þennan kynningarfund. Að auki eru allir reiðkennnar, æskulýðsfullrúrar, stjórnarmenn hestamannafélaga sem og aðrir áhugasamir foreldrar hestakrakka velkomnir á meðan húsrúm leyfir.

"Ef allir vinna saman að því að bæta og styrkja karakter ungu kynslóðarinnar þá verður framtíð þeirra - og okkar allra - enn bjartari og betri" (http://synumkarakter.is)

Dr. Viðar Halldórsson félagsfræðingur heldur fyrirlesturinn en Viðar hefur á undanförnum árum starfað fyrir fjölmörg íþróttafélög, félagslið og landslið, íþróttastofnanir sem og einstaklinga - auk þess að starfa fyrir fyrirtæki og stofnanir.

Vonumst til að sjá sem flesta nýta sér þennan fróðleik beint í æð!

Stjórn Landssambands hestamannafélaga

Samstarfsaðilar verkefnisins eru:
ÍSÍ, UMFÍ og Íslensk Getspá

FT-Norður og Hestamannafélagið Þytur ætlar að halda helgarnámskeið með Jakobi Svavari dagana 26.-28. janúar í Þytsheimum á Hvammstanga. Námskeiðið byrjar á sýnikennslu föstudagskvöldið 26. janúar sem er opin fyrir alla, 1500 kr. aðgangseyrir, frítt fyrir FT-félaga og frítt fyrir þá sem eru á námskeiðinu.

Kenndir verða tveir einkatímar á knapa, einn á laugardegi og einn á sunnudegi.

FT félagar ganga fyrir í skráningu, pláss fyrir 8 knapa.

Verð:

Fyrir FT-félaga: 20.000 kr.

Fyrir utanfélagsknapa: 25.000 kr.

Skráning hjá fanneyindrida@gmail.com

Stjórn Félags hrossabænda ætlar í fundarferð um landið og mun byrja á Norðurlandi helgina 12- 14 janúar og er tilgangur ferðarinnar að hitta félagsmenn og fara yfir starfsemi félagsins.  Allir eru velkomnir á fundina sem eiga að snúast um tilgang félagsins, áherslur og tækifæri og munum stjórn kalla sérstaklega eftir ábendingum um hvaða áherslur félagsmenn vilja sjá í starfi félagsins. Eysteinn Leifsson stjórnarmaður mun segja fundarmönnum frá starfi sínu sem hrossaútflytjandi og rifja upp hvað hesteigendur þurfa að hafa í huga þegar þeir selja hesta úr landi.

Stjórn býður alla þá sem vilja kynna sér félagið sérstaklega velkomna á fundina. Frekara fundarhald stjórnarinnar verður kynnt síðar.

Fundirnir á Norðurlandi verða á eftirtöldum stöðum :

Reiðhöllin Svaðastaðir Sauðárkróki föstudaginn 12. jan kl 20:00.

Reiðhöllin á Akureyri laugardaginn 13. jan kl 14:00.

Gauksmýri í Húnaþingi Sunnudaginn 14. Jan kl 1500.

f.h stjórnar
Sveinn Steinarsson, formaður félagsins.

Almennur félagsfundur verður haldin næstkomandi miðvikudag, 10. janúar, kl 20:30 í Þytsheimum.  Farið yfir það sem framundan er á komandi ári.

Vonandi sjáum við sem flesta.

Stjórnin.

Reiðkennsla 2018 hjá æskulýðsstarfinu er að fara í gang. Kennslan verður á þriðjudögum í vetur

Byrjar þriðjudaginn 16. Janúar.

16:30 – 17:15 – Reiðþjálfun (tveir kennarar)

Hópur 1 Jakob, Hafþór, Benni og Valdís Freyja

Hópur 2 Tryggvi Niels, Tinna Kristín, Svava, Jólín og Linda Fanney. 

17:15 – 18:15 – Knapamerki 2 & 3: Freyja Ebba, Fríða Rós, Margrét Jóna og Rakel Gígja

þessi tími er klukkutími, kennt saman í hóp - eða tvistar saman að þjálfa og þristar í sínum æfingum, einnig þegar líður á verður einn með verkefnið í einu þar sem við æfum prógrömmin.

18:15-18:55 Keppnisþjálfun: Dagbjört og Rökkvi

Haldið verður Trec helgarnámskeið fyrir börn og fullorðna 3-4. febrúar helgina fyrir Trecmótið í  Húnvetnsku liðakeppnina. Þannig að ef þig langar að spreyta þig í skemmtilegri keppnisgrein, þá er um að gera að skella sér á spennandi námskeið fyrir mótið. TREC er spennandi grein sem er að byrja að ryðja sér til rúms hér á landi. Greinin er skemmtileg,  spennandi og hestvæn og byggir á almennri hestamennsku. Mikil fjölbreytni einkennir TREC og ekki síst traustið milli manns og hests, í rauninni hestaleikur.  Keppni í TREC samanstendur af þremur þáttum og miðar að því að finna sterkasta parið út úr þessum þáttum í lokin. Auðvelt er að vera með einhverja af þessum þáttum eða alla saman eftir aðstæðum og tíma.

Þau börn sem þegar eru búin að skrá sig eru: Arnar, Erla, Rakel Gígja, Indriði Rökkvi, Dagbjört Jóna og Linda Fanney.

Og komnir nokkrir fullorðnir líka. 

En opið er fyrir skráningum á netfangið thyturaeska@gmail.com eða síma 8668768.

Tilgangur verkefnisins er að búa unga knapa undir að takast á við stór verkefni á sviði hestamennskunnar bæði hér heima og á erlendum vettvangi.

Gjaldgengir í hópinn eru knapar á aldrinum 16 til 21. árs á árinu 2018.

Valið er í afrekshóp til eins árs í senn. Í umsókn skulu koma fram allar grunnupplýsingar um umsækjandann, sem og keppnisárangur síðustu tvö keppnisár. Taka þarf sérstaklega fram hvaða mót, sæti og einkunn.

Kostnaður knapa er kr. 80.000 fyrir árið (Hægt að dreifa).

Viðburðir á vegum verkefnisins verða fjórir á árinu og er skyldumæting í þá alla.
Nánari dagskrá mun liggja fyrir í byrjun janúar.

Liðstjóri hópsins verður Arnar Bjarki Sigurðarson

Umsóknarfrestur er til og með 5.janúar 2018 og skulu umsóknir berast á netfangið lh@lhhestar.is 

ATH: Þeir sem voru í afrekshóp LH 2017 þurfa að endurnýja sína umsókn til að eiga möguleika á að halda áfram.

Arnar Bjarki veitir nánari upplýsingar á netfanginu sunnuhv@gmail.com

Metnaðarfullt verkefni og einstakt tækifæri fyrir unga knapa til að bæta sig og byggja keppnishestinn upp á markvissan hátt.

Stjórn LH

Stjórn Þyts sendir Þytsfélögum sem og öllum Húnvetningum bestu óskir um gleðileg jól og farsældar á komandi ári með þökk fyrir samstarf, ánægjuleg samskipti og stuðning á árinu sem er að líða.

Mót Húnvetnsku liðakeppninnar 2018

Mótin verða fjögur 2018 og að auki sameiginlegt lokamót með Skagfirðingum og Eyfirðingum.

·         Fyrsta mót laugardaginn 17. febrúar, keppt verður í Trec. 

·        
Annað mótið verður haldið laugardaginn 10. mars og þá verður keppt í fjórgangi V3 í 1., 2. og unglingaflokki, V5 í barnaflokki og 3. flokki. 

·        
Þriðja mótið verður haldið sunnudaginn 25. mars og þá verður keppt í fimmgangi F2 í 1., 2., og unglingaflokki. Tölti T2 opið öllum flokkum. Börn og 3. flokkur keppa i þrígangi.

·        
Fjórða mótið verður haldið laugardaginn 7. apríl og þá verður keppt í tölti T3 í 1., 2. og unglingaflokki og T7 í barna og 3. flokki.

Ekki er komin dagsetning á sameiginlegt lokamót.

Fyrirhugað er að liðin verði kvenna og karlalið.

Fyrirkomulag keppninnar og sameiginlegt lokamót verður útskýrt nánar á opnum félagsfundi Þyts sem verður auglýstur síðar.

Í vetur verða eftirfarandi námskeið í boði fyrir börn, unglinga og ungmenni:
• Reiðþjálfun - hentar vel minna vönum og yngri knöpum, kennd áseta, stjórnun og gangtegundir. 
• Keppnisþjálfun - hentar vel þeim sem eru farnir að hafa vald á gangtegundum og stefna á keppni
• Knapamerki 2 - frábær grunnur fyrir alla knapa, skilyrði að hafa lokið knapamerki 1
• Knapamerki 3 - frábær grunnur fyrir alla knapa, skilyrði að hafa lokið knapamerki 1 og 2
Lagt verður upp með 10-12 skipti

Kennsla heft þriðju vikuna í janúar 2018

Helgarnámskeið
Í vetur ætlum við að bjóða upp á nýjung sem verður helgarnámskeið í Trec og hindrunarstökki en það hentar vel fyrir þá sem vilja byggja upp gott samband við hestinn sinn í gengum þrautir og leiki. Trec verður kennt í febrúar og hindrunarstökk í mars.

Ef einhverjum börnum langar að vera með en eiga ekki hest, endilega hafið samband við Æskulýðsnefndina og við getum hjálpað til við að útvega hesta.
Skráning á námskeiðin fer fram á e-maili: thyturaeska@gmail.com

Skráningarfrestur er til 15. desember. Einnig ef það eru fleiri reiðkennarar sem hafa áhuga á að koma að starfinu, mega endilega hafa samband við nefndina. 

Knapamerki 3 er að fara af stað í næstu viku, byrjar á bóklegri kennslu. Verklegi hlutinn verður kenndur eftir áramót. 

Boðið verður upp á Knapamerki 1 & 2 saman fyrir fullorðna í vetur. Knapamerki 1 & 2 er mjög skemmtilegt námskeið sem fer yfir öll helstu grunnatriði í hestamennsku, þar sem knapanum er kennt að vera nákvæmur og næmur.  

Stefnan er að klára bóklega hlutann í knapamerki 1 fyrir áramót, byrja svo á verklega í janúar.

skráningar mega berast á fanneyindrida@gmail.com fyrir 20. nóvember. 

Kennari: Fanney Dögg Indriðadóttir  

Laugardagskvöldið 28. október sl var haldin uppskeruhátíð Þyts og Hrossaræktarsamtaka vestur-Húnavatnssýslu í félagsheimilinu á Hvammstanga.