Reiðhallarsýning Þyts, Hestar fyrir alla, verður laugardaginn 29. mars n.k. í Þytsheimum á Hvammstanga kl. 13:00.

Mjög fjölbreytt sýning þar sem sjá má hversu fjölhæfur íslenski hesturinn er og hversu stórum hópi fólks hann hæfir.

Knapar frá barnsaldri upp í fullorðinsár. Knapar frá algerum byrjendum til mikilla reynslubolta í kennslu, þjálfun og keppni.

Aðgangseyrir kr. 1.000. Frítt fyrir 12 ára og yngri.

Hlökkum til að sjá ykkur

Undirbúningsnefndin

Ráslistinn er klár fyrir töltið í KS-Deildinni sem fer fram næstkomandi miðvikudag - 26. mars á Sauðárkróki. Frá Þyt er Vigdís á Freyði frá Leysingjastöðum, Jói Magg á Oddvita frá Bessastöðum, Ísólfur á Kristófer frá Hjaltastaðahvammi og Tryggvi á Vág frá Höfðabakka

Aðalfundur Þyts verður haldinn þriðjudaginn 25. mars nk í Þytsheimum og hefst kl. 20.30. Tveir núverandi stjórnarmenn gefa ekki kost á sér áfram.

Dagskrá:

1.     Kosning fundarstjóra og fundarritara

2.     Skýrsla stjórnar

3.     Lagðir fram reikningar félagsins

4.     Umræður um skýrslu stjórnar og reikninga

5.     Árgjald

6.     Kosningar

a.     Kosning stjórnar

b.     Þrír meðstjórnendur til tveggja ára

c.      Tveir varamenn stjórnar til eins árs.

d.     Tveir skoðunarmenn til eins árs

e.     Tveir varamenn skoðunarmanna til eins árs

f.       Sex  fulltrúar á Héraðsþing USVH og sex til vara

g.     Fjórir fulltrúar á LH þing

7.     Önnur mál.

Gerði Rósu og Eydísi langaði að vita hvernig knapar undirbúa sig fyrir mót og einnig að vita hvaða lið knapar telja sigurstranglegast. Kíkið á það :)

Æskulýðsstarf

Hestamannafélagsins Þyts

Starfsskýrsla 2012-2013.

Æskulýðsnefnd Þyts 2012-2013.

Guðný Helga Björnsdóttir, formaður

Helga Rós Níelsdóttir

Irena Kamp

Þóranna Másdóttir

Þórdís Helga Benediktsdóttir, tengiliður við stjórn

Uppskeruhátíð.

Í lok október 2012 var haldin uppskeruhátíð barna og unglinga í Félagsheimilinu Ásbyrgi.  Að venju var vel mætt af unglingum, börnum og foreldrum þeirra.  Boðið var uppá kökur og brauðmeti sem foreldrar og forráðamenn í æskulýðsstarfinu höfðu töfrað fram. Það er frábært hversu foreldrarnir og forráðamenn barnanna eru dugleg að fylgja þeim eftir í starfinu og hjálpa til við það sem við í nefndinni leitum eftir. Á hátíðinni voru veittar viðurkenningar fyrir knapa ársins í unglinga- og barnaflokki. Karitas Aradóttir var knapi ársins í barnaflokki og Helga Rún Jóhannsdóttir í unglingaflokki. Öll börn sem tekið höfðu á  einhvern hátt þátt í vetrarstarfinu fengu gjafir frá Æskulýðsnefndinni.  Formaður fór yfir starf liðins árs og það sem væri á döfinni á komandi ári. Æskulýðsnefndin þakkaði að lokum iðkendum kærlega fyrir samstarfið og foreldrum og aðstandendum sérstaklega fyrir frábæra þátttöku og viðtökur við hverskonar beiðni um aðstoð.

Þrettándagleði.

Æskulýðsnefndin stóð að venju fyrir Þrettándagleði í sveitarfélaginu á. Farin var hópreið með álfakóng og drottningu í fararbroddi, ásamt álfameyjum, Grýlu, Leppalúða og nokkrum jólasveinum, margir tóku einnig þátt fótgangandi á eftir hersingunni.  Allt voru það krakkar úr æskulýðsstarfi félagsins sem tóku hlutverkin að sér.  Hópreiðin fór frá Kaupfélagsplaninu og stoppaði við sjúkrahúsið þar sem sungnir voru áramótasöngvar, þaðan var farið upp í  reiðhöllin Þytsheima þar sem öllum var gefið kakó, kaffi og kökur sem foreldrar og aðstandendur í æskulýðsstarfinu höfðu framreitt. Þar voru tónlistaratriði, leikir og teymt undir börnum í reiðhöllinni. Þessi dagur tókst mjög vel í alla staði, og stóðu krakkarnir sig vel að vanda.

Fundir.

Nokkrir fundir voru haldnir á starfsárinu, bæði foreldrafundir um starfið og nefndarfundir.

Reiðþjálfun og fimleikar á hesti (voltigieren).

Mikill áhugi var á reiðþjálfun og fimleikum á hesti. Um 60 börn á öllum aldri tóku þátt í reiðþjálfun, fimleikum á hesti eða Knapamerki í vetur. 5 unglingar luku prófi í Knapamerki 2. Fanney Dögg Indriðadóttir sá um reiðkennsluna og Knapamerkin. Irina Kamp og Kathrin Schmitt sáu um fimleika á hesti.  Þátttakan í reiðþjálfuninni var það mikil að hóparnir voru fjórir, mislangt komnir krakkar í þeim og fengu þjálfun við hæfi hvers hóps. Svo vorum við með þjálfun fyrir allra yngstu knapana, um hana sá Aðalheiður Einarsdóttir. Sú þjálfun var á laugardögum og komu foreldrarnir með því það þurfti að hjálpa sumum knöpunum, sem ekki voru háir í loftinu.

Mjög mikil þátttaka var í námskeiðinu fimleikar á hesti. Það eykur mjög jafnvægi krakkanna að taka þátt í æfingum sem þessum, einnig er það mjög gott fyrir þau sem hafa ekki aðgang að hestum að geta verið á þessum námskeiðum og eykur þetta mjög áhuga þeirra á hestamennskunni. Í fimleikum á hesti var byrjendahópur og svo hópur fyrir lengra komna. Bæði var kennt í íþróttahúsinu á fimleikahestum og í reiðhöllinni á alvöruhestum.

Í desember í lok haustannar hestafimleikanna var hópurinn með mjög skemmtilega sirkussýningu í íþróttahúsinu á Laugarbakka þar sem krakkarnir voru með mörg mjög flott atriði. Þar fengu allir skemmtileg hlutverk sem hæfðu þeirra stöðu í þjálfunarferlinum. Þó eðlilega væri ekki verið með lifandi hest í íþróttahúsinu þá er hluti æfinganna að þjálfa jafnvægi, fimi og aga og fer sá hluti til að byrja með fram í íþróttahúsinu, enda eru hestafimleikahestarnir í fríi á haustin þar sem þeir þurfa sitt frí eins og aðrir. Mikið af skemmtilegum myndum eru frá sýningunni á heimasíðu Þyts (bein slóð: http://thytur.123.is/photoalbums/238091/

Í apríl kom hópur hestafimleikakrakka og þjálfara úr heimahéraði Kathrinar, þau tóku þátt í æfingum og reiðhallarsýningu.

Í sumar fór hluti af hestafimleikahópnum til Þýskalands í æfingaferð. Áfangastaðurinn var Fürstenfeldbruck, rétt hjá Munchen.  Skipuleggjendur ferðarinnar voru þjálfararnir Kathrin og Irina og gisti hópurinn heima hjá foreldrum Kathrinar og bróður. Mjög vel var tekið á móti þeim og var ferðin í alla staði mjög skemmtileg. Þau æfðu með hestafimleikafélaginu á staðnum og fengu að prófa að gera æfingar á stórum hestum. Þau fóru einnig í Ólympíuhöllina í Munchen til að fylgjast með úrtöku fyrir heimsmeistaramótið í hestafimleikum.

Grunnskólamótin.

Æskulýðsnefndir hestamannafélaganna á Norðurlandi vestra halda þrjú mót yfir veturinn, sem þau kalla Grunnskólamót. Þá keppa krakkarnir fyrir þann skóla sem þau eru í og safna stigum. Mótin voru haldin í Arnargerði á Blönduósi, í Svaðastöðum á Sauðárkróki og í Þytsheimum hér á Hvammstanga. Góð þátttaka var í þessum mótum. Þau eru byggð upp á því að allir geti tekið þátt og æft sig í að keppa. Keppt er í þremur aldursflokkum. Elsti hópurinn 8. - 10. bekkur keppa í tölti, fjórgangi, smala og skeiði. 4.-7. bekkur keppa í smala, tölti, og tví- eða þrígangi. Í tvígangi sýna þau fet og tölt eða brokk, í þrígangi sýna þau fet, tölt og brokk. Ekki þurfa þessi aldursflokkar að sýna stökk, enda getur það verið erfitt fyrir lítið reynda knapa inni í reiðhöllunum. Yngsti aldursflokkurinn í 1. - 3. bekk keppa í þrautabraut og fegurðarreið. Að venju vann Varmahlíðarskóli stigakeppnina, Húnavallaskóli varð í öðru sæti og Grunnskóli Húnaþings vestra í því þriðja, en þar eru Þytskrakkarnir.

Sýningar.

Hestamannafélagið hélt í páskavikunni sýningu sem hét Hestar fyrir alla. Þar tóku krakkar úr æskulýðsstarfinu virkan þátt. Kappkostað var að á sýningunni væri hægt að sjá sem fjölbreyttasta nýtingu á hestinum, frá þægum fjölskylduhesti yfir í stólpa keppnishest og allt þar á milli. Veglegt opnunaratriði var þar sem yngstu krakkarnir tóku virkan þátt ásamt hluta af þeim eldri. Svo voru allmörg atriði úr æskulýðsstarfinu inn á milli atriða fullorðna fólksins. Fullt af myndum má sjá af sýningunni á þessari slóð: http://thytur.123.is/photoalbums/246463/

Í byrjun maí var farið með skrautreiðaratriði á sýninguna Æskan og hesturinn á Sauðárkróki. Það er mjög skemmtileg sýning þar sem hópar úr æskulýðsstarfi hestamannafélaganna á Norðurlandi koma saman með nokkur sýningaratriði. Einnig taka öll félögin þátt í hópreið í upphafi sýningar. Mjög gaman að koma saman og sjá hvað hin félögin eru að gera og kynnast krökkunum og foreldrunum úr æskulýðsstarfinu hjá öðrum félögum.

Sumarið.

Krakkarnir og unglingarnir voru dugleg og að taka þátt í ýmsum keppnum í sumar bæði í heimahéraði og nálægum héruðum.  Þó eru þau ekki eins mörg sem taka þátt í keppnum yfir sumarið eins og í reiðhallarmótunum á veturna. Þeim börnum og unglingum sem komust á Fjórðungsmót stóð til boða að fá leiðbeiningar og aðstoð frá Fanneyju Dögg Indriðadóttur. Flottir fulltrúar frá okkar félagi mættu svo galvaskir á Fjórðungsmótið og komust mörg þeirra í úrslit í sínum greinum. Þau voru einnig fulltrúar Þyts í hópreiðinni.

Við í æskulýðsnefnd Þyts erum mjög ánægð með árið hjá okkur.Foreldrar hafa verið mjög duglegir eins og áður að aðstoða við það sem þarf, enda gengi ekki svona starf nema með virkum foreldrum því margir eiga um langan veg að fara til að mæta á námskeið, æfingar eða keppni allan veturinn.  Vonum við að starfið haldi áfram að blómstra eins og verið hefur undanfarin ár.

Mikið af myndum er hægt að sjá úr starfinu í myndaalbúmi á heimasíðu Þyts thytur.123.is.

Kær kveðja

Æskulýðsnefnd Þyts.

mynd af vef Eiðfaxa.

Miðvikudaginn 12. mars fór fram keppni í fimmgangi í KS-deildinni á Sauðárkróki. Að þessu sinni komust tveir knapar frá Þyt í úrslit, Ísólfur og Sólbjartur komu inn í 2. sæti eftir forkeppnina með einkunnina 7,0 en þeir enduðu þriðju eftir úrslitin með einkunnina 7,14. Tryggvi Björns og Villandi frá Feti urðu í 7. sæti með einkunnina 6,79. Fengu einkunnina 6,70 í forkeppni.

A - úrslit

1.Þórarinn Eymundsson - Þeyr frá Prestbæ - 7,48
2.Mette Mannseth - Stjörnustæll frá Dalvík - 7,26
3.Ísólfur Líndal Þórisson - Sólbjartur frá Flekkudal - 7,14
4.Bjarni Jónasson - Dynur frá Dalsmynni - 7,12
5.Elvar E. Einarsson - Gáta frá Ytra-Vallholti -  6,52

B - úrslit

5. Mette Mannseth - Stjörnustæll frá Dalvík - 7,17

6. Líney María Hjálmarsdóttir - Brattur frá Tóftum - 6,90

7. Tryggvi Björnsson - Villandi frá Feti - 6,79

8. Hörður Óli Sæmundarson - Hreinn frá Vatnsleysu - 6,74

9. Sigvaldi Lárus Guðmundsson - Leiftur frá Búðardal - 6,21

10. Viðar Bragason - Þórdís frá Björgum - 6,17

Þá er fimmgangi í 1. og 2. flokki og tölti í unglinga og 3ja flokki lokið. Mótið var í dag, laugardaginn 15. mars. Draumaliðið er orðið efst í liðakeppninni. Fimmgangurinn hefur verið sterkari en mörgum reyndist erfitt að leggja á þessu litla svæði, unglingarnir og 3. flokkur voru glæsileg að vanda.

Víðidalurinn sigraði daginn með 45,77 stig, Draumaliðið var í öðru sæti með 44,27, Lið Lísu Sveins í þriðja sæti með 36,63 og í fjórða sæti eftir daginn var 2Good með 36,17.

Liðakeppnin eftir 3 mót stendur þá þannig:

1. Draumaliðið 124,83 stig

2. LiðLísuSveins 118,86 stig

3. 2Good 114,6 stig

4. Víðidalurinn 109,33

Þannig að liðakeppnin er æsispennandi og verður lokamótið hrikalega spennandi.

Einstaklingskeppnin eftir 3 mót stendur þannig:

1. flokkur

1. Ísólfur Líndal Þórisson með 20 stig

2. Elvar Logi Friðriksson með 19 stig

3. Fanney Dögg Indriðadótitr með 17 stig

2. flokkur:

1. Halldór Pálsson með 20 stig

2. Gréta B Karlsdóttir með 14 stig

3. Pálmi Geir Ríkharðsson með 13 stig

3. flokkur:

1. Stine Kragh með 26 stig

2. Óskar Hallgrímsson með 15 stig

3. Agnar Sigurðsson með 11,5 stig

Unglingaflokkur:

1. Eva Dögg Pálsdóttir með 21 stig

2. Nína Guðbjörg Gunnarsdóttir með 17 stig

3. Fríða Björg Jónsdóttir með 16 stig

En úrslit dagsins urðu þannig:

1. flokkur A-úrslit:

1 Ísólfur Líndal Þórisson / Flosi frá Búlandi 6,64 / Víðidalur
2 Vigdís Gunnarsdóttir / Sólbjartur frá Flekkudal 6,43 / Víðidalur
3 Hallfríður Sigurbjörg Óladóttir / Kolgerður frá Vestri-Leirárgörðum 6,19 /Víðidalur
4 Guðmundur Þór Elíasson / Frigg frá Laugarmýri 5,45 / LiðLísuSveins
5 Elvar Logi Friðriksson / Sóldís frá Sauðadalsá 5,38 / LiðLísuSveins

1.flokkur B-úrslit:

5 Guðmundur Þór Elíasson / Frigg frá Laugarmýri 5,64 / LiðLísuSveins
6 Fanney Dögg Indriðadóttir / Stuðull frá Grafarkoti 5,40 / LiðLísuSveins
7 Jóhanna Friðriksdóttir / Frenja frá Vatni 5,12 / LiðLísuSveins
8 Herdís Einarsdóttir / Æringi frá Grafarkoti 4,55 / 2Good
9 Magnús Ásgeir Elíasson / Elding frá Stóru-Ásgeirsá 4,17 / Víðidalur

2. flokkur A-úrslit:

1 Sveinn Brynjar Friðriksson / Synd frá Varmalæk 5,86 / LiðLísuSveins
2 Sverrir Sigurðsson / Lensa frá Grafarkoti 5,62 / Draumaliðið
3 Halldór Pálsson / Fleygur frá Súluvöllum 5,12 / 2Good
4 Greta Brimrún Karlsdóttir / Sunna frá Áslandi 4,93 / 2Good
5 Jóhann Albertsson / Mynt frá Gauksmýri 4,52 / Víðidalur

2. flokkur B-úrslit:

5 Jóhann Albertsson / Mynt frá Gauksmýri 4,81 / Víðidalur
6  Kristófer Smári Gunnarsson / Kofri frá Efri-Þverá 4,74 / Draumaliðið
7  Pálmi Geir Ríkharðsson / Konráð frá Syðri-Völlum 4,48 / Víðidalur
8  Helga Rún Jóhannsdóttir / Ásgerður frá Seljabrekku 4,19 / 2Good
9  Birna Olivia Ödqvist / Hökull frá Dalbæ 4,00 / 2Good

3. flokkur A - úrslit:

1 Elísa Ýr Sverrisdóttir / Vág frá Höfðabakka 6,92 / Draumaliðið
2 Stine Kragh / Dís frá Gauksmýri 5,75 / Draumaliðið
3 Óskar Einar Hallgrímsson / Leiknir frá Sauðá 5,50 / LiðLísuSveins
4 Sigrún Eva Þórisdóttir / Dropi frá Hvoli 5,42 / Draumaliðið
5 Sigurður Björn Gunnlaugsson / Vænting frá Fremri-Fitjum 5,33 / Draumaliðið

3. flokkur B - úrslit:

5 Óskar Einar Hallgrímsson / Leiknir frá Sauðá 5,42 / LiðLísuSveins
6 Sóley Elsa Magnúsdóttir / Rökkva frá Hóli 5,33 / Draumaliðið
7 Albert Jóhannsson / Carmen frá Hrísum 5,17 / Víðidalur
8 Tómas Örn Daníelsson / Vökull frá Sauðá 5,00 / Draumaliðið
9 Irina Kamp / Glóð frá Þórukoti 4,83 / Draumaliðið

Unglingaflokkur

1 Karítas Aradóttir / Gyðja frá Miklagarði 6,17 / Víðidalur
2 Eva Dögg Pálsdóttir / Glufa frá Grafarkoti 5,50 / 2Good
3 Nína Guðbjörg Gunnarsdóttir / Bassi frá Áslandi 5,44 / 2Good
4 Viktor Jóhannes Kristófersson / Flosi frá Litlu-Brekku 5,00 / Víðidalur
5 Anna Herdís Sigurbjartsdóttir / Gráskeggur frá Hrísum 2 4,17 / LiðLísuSveins


Mótanefnd þakkar öllum sem komu að mótinu kærlega fyrir aðstoðina.

Aðalstyrktaraðili Húnvetnsku liðakeppninnar

Mótið verður haldið á laugardaginn nk og hefst kl. 12.00. Skráningargjaldið er 2.000 fyrir fullorðna og 1.000 fyrir unglinga 17 ára og yngri og verður að greiða inn á reikning 0159-15-200343 kt. 550180-0499 áður en mót hefst.

Aðgangseyrir er 1.000 en frítt fyrir 12 ára og yngri.


Dagskrá:

Forkeppni:

Unglingaflokkur

3. flokkur

2. flokkur

Hlé

1.flokkur

Hlé

Úrslit


Ráslistar:

1. flokkur
Nr. Hönd Knapi Hestur Lið
1 V Hallfríður Sigurbjörg Óladóttir Kolgerður frá Vestri-Leirárgörðum 3
2 V Elvar Logi Friðriksson Katla frá Hrísum 2 L

3 V Magnús Ásgeir Elíasson Elding frá Stóru-Ásgeirsá 3
4 V Guðmundur Þór Elíasson Frigg frá Laugarmýri L
5 V Einar Reynisson Krafla frá Hrísum 2 L
6 V Jóhanna Friðriksdóttir Frenja frá Vatni L
7 V Herdís Einarsdóttir Æringi frá Grafarkoti 2
8 V Ísólfur Líndal Þórisson Flosi frá Búlandi 3
9 V Vigdís Gunnarsdóttir Sólbjartur frá Flekkudal 3
10 V Magnús Ásgeir Elíasson Glenning frá Stóru-Ásgeirsá 3
11 H Elvar Logi Friðriksson Sóldís frá Sauðadalsá L
12 V Fanney Dögg Indriðadóttir Stuðull frá Grafarkoti L
13 V Þóranna Másdóttir Alvara frá Dalbæ 2

14 James Bóas Faulkner Ræll frá Gauksmýri 3

2. flokkur
Holl Hönd Knapi Hestur lið
1 V Halldór Pálsson Straumur frá Súluvöllum 2
1 V Sveinn Brynjar Friðriksson Synd frá Varmalæk L
2 V Sverrir Sigurðsson Frægur frá Fremri-Fitjum 1
2 V Kristófer Smári Gunnarsson Kofri frá Efri-Þverá 1
3 V Elías Guðmundsson Daði frá Stóru-Ásgeirsá 1
3 V Pálmi Geir Ríkharðsson Konráð frá Syðri-Völlum 3
4 V Rósanna Valdimarsdóttir Tangó frá Blönduósi L
4 V Birna Olivia Ödqvist Hökull frá Dalbæ 2
5 V Jóhann Albertsson Mynt frá Gauksmýri 3
5 V Helga Rún Jóhannsdóttir Ásgerður frá Seljabrekku 2
6 V Greta Brimrún Karlsdóttir Sunna frá Áslandi 2
6 V Gerður Rósa Sigurðardóttir Hlekkur frá Kolugili L
7 V Sverrir Sigurðsson Lensa frá Grafarkoti 1
7 V Sveinn Brynjar Friðriksson Glóðafeykir frá Varmalæk 1 L
8 V Khatarina Tetsler Viska frá Djúpadal L
9 H Halldór Pálsson Fleygur frá Súluvöllum 2

Unglingaflokkur
Holl Hönd Knapi Hestur Lið
1 H Viktor Jóhannes Kristófersson Flosi frá Litlu-Brekku 3
1 H Fríða Björg Jónsdóttir Brúnkolla frá Bæ I 1
2 V Mikael Már Unnarsson Silfra frá Stóradal L
2 V Nína Guðbjörg Gunnarsdóttir Bassi frá Áslandi 2
3 H Eva Dögg Pálsdóttir Glufa frá Grafarkoti 2
3 H Anna Herdís Sigurbjartsdóttir Gráskeggur frá Hrísum 2 L
4 H Júlía Guðbrandsdóttir Drápa frá Grafarkoti L
5 V Karítas Aradóttir Gyðja frá Miklagarði 3

3. flokkur
Holl Hönd Knapi Hestur LIÐ
1 H Sigrún Eva Þórisdóttir Hrafn frá Hvoli 1
1 H Stine Kragh Þór frá Stórhóli 1
2 H Albert Jóhannsson Carmen frá Hrísum 3
2 H Elísa Ýr Sverrisdóttir Vág frá Höfðabakka 1
3 H Sóley Elsa Magnúsdóttir Rökkva frá Hóli 1
3 H Alma Lára Hólmsteinsdóttir Frami frá Stóru-Ásgeirsá 1
4 V Tómas Örn Daníelsson Vökull frá Sauðá 1
4 V Óskar Einar Hallgrímsson Leiknir frá Sauðá L
5 V Malin Person Vorrós frá Syðra-Kolugili 3
6 H Fanndís Ósk Pálsdóttir Arfur frá Höfðabakka 1
7 V Sigurður Björn Gunnlaugsson Vænting frá Fremri-Fitjum 1
7 V Stine Kragh Dís frá Gauksmýri 1
8 V Sigurbjörg Þ Marteinsdóttir Hvönn frá Syðri-Völlum 1
8 V Helena Espeland Eldinn frá Votumýri 2 L
9 H Konráð P. Jónsson Kóngur frá Böðvarshólum 2
9 H Sigrún Eva Þórisdóttir Dropi frá Hvoli 1

 Aðalstyrktaraðili Húnvetnsku liðakeppninnar

Aðalfundur Þyts verður haldinn þriðjudaginn 25. mars nk í Þytsheimum og hefst kl. 20.30. Tveir núverandi stjórnarmenn gefa ekki kost á sér áfram.

Dagskrá:

1.     Kosning fundarstjóra og fundarritara

2.     Skýrsla stjórnar

3.     Lagðir fram reikningar félagsins

4.     Umræður um skýrslu stjórnar og reikninga

5.     Árgjald

6.     Kosningar

a.     Kosning stjórnar

b.     Þrír meðstjórnendur til tveggja ára

c.      Tveir varamenn stjórnar til eins árs.

d.     Tveir skoðunarmenn til eins árs

e.     Tveir varamenn skoðunarmanna til eins árs

f.       Sex  fulltrúar á Héraðsþing USVH og sex til vara

g.     Fjórir fulltrúar á LH þing

7.     Önnur mál.

Miðvikudaginn 12.mars fer fram annað mót í KS-Deildinni þar sem keppt verður í fimmgangi. Keppni hefst kl 20:00 í Svaðastaðahöllinni á Sauðárkróki.

Í fyrra sigraði Ísólfur á Sólbjarti frá Flekkudal en þeir eru skráðir til leiks nú á miðvikudaginn og ætla sér örugglega að verja titilinn. Jói Magg er skráður á Skyggni frá Bessastöðum, Tryggvi á Villanda frá Feti og Vigdís á Flosa frá Búlandi.

Stóðhestarnir Aðall frá Nýjabæ og Kiljan frá Steinnesi verða í Húnavatnssýslu í sumar, 2014. Hrossaræktarsamtök Vestur-Húnavatnssýslu hafa tryggt sér Aðal frá Nýjabæ og Samtök hrossabænda í Austur-Húnavatnssýslu hafa tryggt sér Kiljan. Að einhverju leiti verður samvinna með þessa tvo hesta. Húnvetningar munu hafa forgang í að koma sínum hryssum undir þessa hesta, meðan þeir verða á svæðinu.

Aðall frá Nýjabæ er einn eftirsóttasti stóðhestur á Íslandi í dag og hafa vinsældir hans aukist eftir að afkvæmi hans komust á tamningaraldur. Aðall fékk 8,97 fyrir hæfileika á landsmóti sumarið 2006, þar af 9 fyrir tölt og brokk og 9,5 fyrir skeið. Hann hlaut 1. verðlaun fyrir afkvæmi á LM2012 í Reykjavík. Faðir Aðals er Adam frá Meðalfelli og er Aðall hæst dæmda afkvæmi hans. Móðir Aðals er Furða frá Nýjabæ undan Anga frá Laugarvatni. Furða er með 8,06 í kynbótadóm án þess að sýna skeið.

Hæst dæmda afkvæmi Aðals er Skálmar frá Nýjabæ með 8,55 í aðaleinkunn. Synir Aðals: Vaðall frá Akranesi og Nökkvi frá Syðra-Skörðugil vöktu athygli á ísmóti á Svínavatni í Húnavatnsýslu fyrir skemmstu. Þeir kepptu í  B-flokki gæðinga. Nökkvi var í öðru sæti með 8,86 í einkunn og Vaðall var í þriðja sæti með 8,80 í einkunn. Báðir þessir hestar eru með háa kynbótadóma og báðir með 9 fyrir tölt. Hæst dæmda hryssan undan Aðal frá Nýjabæ er Aðaldís frá Syðri Gegnishólum, með 8,47 fyrir hæfileika og 8,32 í aðaleinkunn.

Kiljan frá Steinnesi í Húnavatnssýslu er einn hæst dæmdi stóðhestur landsins með 9,07 fyrir hæfileika, þar af 9,5 fyrir skeið og fegurð í reið. Faðir Kiljans er gæðingafaðirinn Klettur frá Hvammi og móðir hans er Kolfinnsdóttirin Kilja frá Steinnesi með 8,17 í aðaleinkunn, þar af 8,42 fyrir hæfileika.

Aðeins fá afkvæmi Kiljans eru komin á tamningaaldur en 6  þeirra hafa fengið kynbótadóm. Þar af hafa 3 þeirra fengið yfir 8 í aðaleinkunn og eitt er með 7,97. Kiljan er með 126 stig í kynbótamatinu sem gerir hann að einum af efnilegasta afkvæmahestinum í dag. Aðeins örfáir afkvæmahestar eru með hærra kynbótamat.

Á síðast ári var stóðhesturinn Sjóður frá Kirkjubæ á vegum Hrossaræktarsamtaka V-Húnavatnssýslu. Einnig hafa margir góðir stóðahestar verið á staðsettir í Húnavatnssýslu. Má þar nefna Gretti frá Grafarkoti, Gamm frá Steinnesi, Brenni frá Efri-Fitjum, Gandálf frá Selfossi, Freyði frá Leysingjastöðum,Vaðal frá Akranesi, Blæ frá Miðsitju og fleiri.

-----------------------------------

Á vef hestafrétta kemur fram að öfugt við það sem sumir voru búnir að spá, þá starfa Hrossaræktarrsamtök víða um land og þjóna enn sínu hlutverki við að útvega félagsmönnum sínum aðgang að góðum stóðhestum. Í dag er samt lítið um að hrossaræktarsambönd séu eigendur af stóðhestum, eins og var.  Ekki virðist mikill áhugi á félagseign á stóðhestum lengur. Eftirsóttir stóðhestar eru dýrir í dag og fjárhagslega áhætta er því mikil.

Kiljan frá Steinnesi, knapi Þorvaldur Árni Þorvaldsson

Nökkvi frá Syðra Skörðugili sonur Aðals frá Nýjabæ. Knapi Jakob Sigurðsson

Vaðall frá Akranesi ae. 8,36 undan Aðli frá Nýjabæ 
Knapi Ísólfur Líndal  Ljósm. laekjamot.is