Þytur hefur rétt á að senda 7 fulltrúa á FM í hverjum flokki. Stjórn biður þessa knapa að staðfesta keppnisréttinn á thytur1@gmail.com fyrir miðnætti 16. júní nk. Mikilvægt er að senda kennitölu knapa og IS númer hrossa. Ef knapar þurfa einhverjar upplýsingar, er hægt að hringja í Pálma í síma 8490752. Þeir sem eru búnir að senda email þurfa ekki að senda aftur með kennitölu og IS. Það er búið að skrá þá inn !!!

Einnig ef það eru einhverjir sem vantar hesthúspláss sendið tölvupóst á thytur1@gmail.com fyrir 18/6, Þytur mun biðja um pláss fyrir keppendur. 

Að gefnu tilefni skal það tekið fram að það verður aðeins útvegað hesthúspláss fyrir hross sem keppa á mótinu eða verða sýnd þar.

Hestar sem keppa t.d. í forkeppni á miðviku- eða fimmtudegi en komast ekki í úrslit þurfa að fara úr hesthúsum í Borgarnesi hafi þeir verið þar. Þetta er nauðsynlegt til að rýma fyrir hrossum sem koma síðar á mótið. Þess er því vænst að þessi hross fari til síns heima eða út fyrir Borgarnes og er það á ábyrgð umráðamanna þeirra að útvega pláss fyrir þau þegar hrossin hafa lokið keppni.

Fimmtudagskvöldið nk, 08.06 frá kl. 19.30 verður vinnukvöld upp á velli.

Margar hendur vinna létt verk !!!!

Gæðingamót Þyts og úrtaka fyrir FM 2017, verður haldið á Kirkjuhvammsvelli 10. júní nk

Boðið verður upp á eftirfarandi flokka:

 A-flokk gæðinga
 B-flokk gæðinga
 C- flokk gæðinga (bls 45 í reglunum og í Sportfeng er það undir annað, minna vanir)
 Ungmenni (18-21 árs á keppnisárinu)
 Unglingar (14-17 ára á keppnisárinu)
 Börn (10-13 ára á keppnisárinu)
 Skeið 100m
 Pollar (9 ára og yngri á árinu)

Eins og ykkur er kunnugt verður Fjórðungsmót Vesturlands haldið í Borgarnesi 28. júní til 2. júlí 2017.  Framkvæmdaaðilar mótsins eru hestamannafélögin fimm á Vesturlandi en auk þeirra eiga keppnisrétt á mótinu félagsmenn í hestamannafélögunum á Vestfjörðum, í Húnavatnssýslum og í Skagafirði.

 Keppt verður í hefðbundnum greinum gæðingakeppninnar þ.e. A og B-flokki gæðinga, ungmennaflokki, unglingaflokki og barnaflokki 

Þá verður tölt opinn flokkur og tölt 17 ára og yngri.  Þá er stefnt að keppni í 100 m fljúgandi skeiði, 150 og 250 m skeiði.  Vegleg verðlaun verða fyrir fyrsta sætið í tölti og 100 m skeiði.   

Keppendur skrá sig sjálfir í tölt opinn flokk, tölt 17 ára og yngri og skeiðgreinar. 

Sýning á kynbótahrossum verður í umsjá RML en fjöldi þeirra verður þessi:

Stóðhestar 4 v., 5 v. og 6 v. verða 8 í hverjum flokki en 6 í flokki 7 v. og eldri eða samtals 30 stóðhestar.

Hryssur 4 v. verða 8, 5 v. verða 14, 6 v. verða 10 og 7 v. og eldri verða 6 eða samtals 38.

Samtals munu því 68 kynbótahross eiga rétt til að mæta á fjórðungsmótið.

Miðað er við að kynbótahross verði að lágmarki að vera í 25% eigu aðila sem á lögheimili á svæði þeirra hestamannafélaga sem eiga keppnisrétt á mótinu (Vesturland, Vestfirðir, Húnavatnssýslur og Skagafjörður). 

Þess skal getið að nú er verið að endurbyggja gömlu kynbótabrautina í Borgarnesi en margir hafa talað um að hún hafi á sínum tíma verið ein sú besta á landinu.  Stefnt er að því að prufukeyra hana á kynbótasýningu í byrjun júní.

Stefnt er að því að sem flestir geti fengið pláss fyrir sín hross í hesthúsum í Borgarnesi en einhverjir geta þurft að vera í næsta nágrenni.  Þó verður mikilvægt að þau hross sem lokið hafa keppni fari strax að lokinni keppni frá Borgarnesi þannig að rými verði fyrir þá sem eftir eiga að keppa.  Tekið skal fram að stefnt er að því að hvert félag sem eigi keppnisrétt á fjórðungsmótinu fái ákveðin hesthús til umráða og það verði síðan þeirra að ákveða um nýtingu á viðkomandi húsi/húsum þannig að einstakir keppendur eiga ekki sjálfir að útvega sér hesthúspláss í Borgarnesi.  Nánar verður tilkynnt um fyrirkomulag hvað þetta varðar síðar.    

Vekja má athygli á því að aðgangseyri verður mjög í hóf stillt eða 2.500 kr. og síðan getur hver og einn ákveðið hvað hann verður lengi á mótinu t.d. einn dag eða allt mótið.  Tjaldstæði með rafmagni verða á Kárastaðatúni (milli þéttbýlisins í Borgarnesi og mótssvæðisins).  Selt verður sérstaklega inn á tjaldstæðið og fyrir afnot af rafmagni.

Þá koma þau loksins - úrslitin frá Karlatölti Norðurlands.

Var þetta í alla staði frábært mót og skemmtilegt, flottir hestar og knapar, vegleg verðlaun og bros á hverju andliti. Mótanefnd þakkar styrktaraðilum kærlega fyrir frábæran stuðning. 

1. flokkur.

1. Ísólfur Líndal og Ósvör frá Lækjamóti - 6,83

2. Magnús Bragi Magnússon og Mollý frá Bjarnastaðahlíð - 6,50

3. Friðrik Már Sigurðsson og Vídd frá Lækjamóti - 6,39

4. Elvar Logi Friðriksson og Gutti frá Grafarkoti - 6,28

5. Guðmundur Þór Elíasson og Emil frá Varmalæk I - 5,22

2.flokkur

1. Viktor Jóhannes og Sjöfn frá Skefilsstöðum - 6,72

2. Pálmi Geir Ríkarðsson og Sigurrós frá Syðri-Völlum - 6,50

3. Sverrir  Sigurðsson og Frosti frá Höfðabakka - 6,39

4.  Jóhann Albertsson - Sálmur frá Gauksmýri - (kom upp úr B-úrslitum) 5,89

5. Kristófer Smári Gunnarsson og Dofri frá Hvammstanga - 5,83

6. Elías Guðmundsson og Eldfari frá Stóru-Ásgeirsá - 5,67

7. Eiríkur Steinarsson og Sunna frá Sauðá - 5,00

8. Þorgeir Jóhannesson - Stígur frá Reykjum I - 4,61

3.flokkur

1. Steingrímur Magnússon og Flinkur frá Íbishóli - 6,33

2. Óskar Einar Hallgrímsson og Frostrós frá Höfðabakka - 5,75

3. Óli Steinar Sólmundsson og Stjarna frá Selfossi - 5,67

4. Kristinn Arnar Karlsson og Kjarval frá Hjaltastaðahvammi - 5,67

5. Guðmundur Sigurðsson og Sól frá Sólheimum I - 5,42

6. Ragnar Smári Helgasson og Villimey frá Grafarkoti - (kom upp úr B-úrslitum) 5,33

7. Jón Ingi Björgvinsson og Skuggi frá Brekku - (kom upp úr B-úrslitum) 5,17

8. Sigurður Björn Gunnlaugsson og Tíbrá frá Fremri-Fitjum - 5,17

9. Gunnar Kristjánsson og Stygg frá Akureyri - 4,83

9. Guðni Kjartansson og Háfeti frá Stóru-Ásgeirsá - 4,75

10. Þröstur Óskarsson og Gáski frá Hafnarfirði - 4,67

11. Jóhannes Ingi Björnsson og Prins frá Þorkelshóli - 3,92

Stóðhesturinn Kjerúlf frá Kollaleiru verður á vegum Hrossaræktarsamtaka V-Hún í hólfi á fyrra gangmáli í Gröf í Víðidal í sumar.

Kjerúlf er með 1.verðlaun fyrir afkvæmi og vakti afkvæmahópur hans á LM2016 athygli fyrir vasklega framgöngu.

Afkvæmadómur: Kjerúlf gefur hross í tæpu meðallagi að stærð með svipgott höfuð og vel opin augu. Afkvæmin hafa sterka yfirlínu í hálsi og baki. Hálsinn er reistur og mjúkur en djúpur við háar herðar. Bakið er breitt og lendin öflug en stundum afturdregin. Afkvæmin eru hlutfallarétt en fótahæð jafnan í meðallagi. Fætur hafa öflugar sinar en ekki mikil sinaskil og prúðleiki er í meðallagi. Afkvæmin hafa úrvals tölt, takthreint, rúmt og jafnvægisgott með góðri fótlyftu. Brokkið er skrefmikið og rúmt, stökkið ferðmikið en fet jafnan undir meðallagi. Afkvæmin eru ásækin í vilja, hafa þjála lund og fara vel í reið með háum fótaburði. 

Verð fyrir félagsmenn í Hrossaræktarsamtökum V-Hún og Sambandi hrossabænda í A-Hún: 130.000 kr með öllu (vsk, hagagöngu og einni sónarskoðun).

Verð fyrir utanfélagsmenn: 145.000 kr með öllu

Pantanir og nánari upplýsingar: Sonja Líndal s. 8668786 eða sonjalindal@gmail.com eða senda skilaboð á Facebook.