Fyrsta mót Norðlensku mótaraðarinnar verður laugardaginn 16. Febrúar í Þytsheimum á Hvammstanga, og
verður að vera búið að skrá á miðnætti miðvikudaginn 13. febrúar.  
Skráning verður í gegnum skráningakerfi Sportfengs. 
Keppt verður í 1. flokki, 2. flokki, 3. flokki, ungmennaflokk, unglingaflokki og barnaflokki. Pollar skrá sig einnig til
leiks.
 
Í 1., 2., og unglingaflokki verður keppt í V3, forkeppnin riðin skv. stjórn þular: Hægt tölt -Hægt- til
milliferðar brokk - Meðalfet - Hægt til milliferðarstökk - Milliferðar til yfirferðartölt 
Í 3.flokk og barnaflokk verður keppt í V5, forkeppnin er riðin skv. stjórn þular: Frjáls ferð á tölti - Hægt til milliferðar
brokk - Meðalfet - Hægt til milliferðar stökk
 
 
Hér fyrir neðan má sjá leiðbeiningar fyrir skráninguna, annars er slóðin þessi: http://skraning.sportfengur.com/ og
farið undir mót.
Skráningargjaldið er 2.500 fyrir fullorðna og 1.500 fyrir ungmenni og unglinga. Skráningargjöld verður að millifæra
svo skráning sé tekin gild. Skráning í Pollaflokk fer einnig fram í gegnum Sportfeng.
Ef einhver skráir sig eftir að skráningu er lokið er skráningargjaldið 4.000 kr.
Skráningargjald skal greiða um leið og skráð er. 
kt: 550180-0499 
Rnr: 0159-15-200343
Senda skal kvittun fyrir greiðslu skráningargjalds á netfangið thytur1@gmail.com
 
Knapar eru beðnir að yfirfara skráningar vel og skila breytingum inn fyrir klukkan 18:00 á fimmtudag á
netfangið thytur1@gmail.com.
 
 
Aðgangseyrir er 500 en frítt fyrir 12 ára og yngri.
Aðalstyrktaraðili fjórgangsins í Norlensku mótaröðinni  er Kaupfélag Vestur Húnvetninga

Hestamannafélagið Þytur heldur sína árlegu firmakeppni laugardaginn 9. mars og áætlað er að keppnin hefjist klukkan 14:00 í Þytsheimum.

Keppt verður í 5 flokkum;  polla, barna, unglinga, karla og kvennaflokki. Veitt verða verðlaun fyrir 3 efstu sætin í hverjum flokki nema í pollaflokki þar fá allir keppendur viðurkenningu fyrir þátttöku.

Við hvetjum alla til að mæta vel skreyttir og eiga skemmtilegan dag saman.

Búningaverðlaun verða veitt í barna, unglinga, karla og kvennaflokki.

Boðið verður upp á pylsur, bakkelsi, kaffi og djús á staðnum 

Eins og fyrri ár verður skráning keppenda í firmakeppnina á staðnum og því gott að mæta stundvíslega.

Firmakeppnisnefnd

Fyrsta mótið í Meistaradeild Líflands og æskunnar 2019, Hrímnis fjórgangurinn, fer fram í TM reiðhöllinni í Fáki næstkomandi sunnudag, þann 10. febrúar.

44 knapar eru skráðir til leiks og verður afar spennandi að fylgjast með þeim etja kappi. Keppni hefst kl 13:00 og það verður veitingasala á staðnum.

Við hvetjum alla til þess að mæta og styðja við bakið á ungu knöpunum okkar en eins og áður þá er aðgangur ókeypis.

Hér er linkur á viðburðinn á Facebook https://www.facebook.com/events/256781528551433/ en þar munu nánari upplýsingar vera birtar.

Liðin sem keppa í Meistaradeild Líflands og æskunnar 2019.

Austurkot

Elín Þórdís Pálsdóttir

Jón Ársæll Bergmann

Sigurður Steingrímsson

Þórey Þula Helgadóttir

Cintamani

Gyða Sveinbjörg Kristinsdóttir

Hulda María Sveinbjörnsdóttir

Jóhanna Guðmundsdóttir

Signý Sól Snorradóttir

Equsana

Aníta Eik Kjartansdóttir

Diljá Sjöfn Aronsdóttir

Maríanna Ólafsdóttir

Natalía Rán Leonsdóttir

1. Hauksson

Arnar máni Sigurjónsson

Haukur Ingi Hauksson

Kristján Árni Birgisson

Kristófer Darri Sigurðsson

Josera

Aron Ernir Ragnarsson

Kári Kristinsson

Sölvi Freyr Freydísarson

Þorvaldur Logi Einarsson

Leiknir

Glódís Líf Gunnarsdóttir

Heiður Karlsdóttir

Matthías Sigurðsson

Selma Leifsdóttir

Lið Stjörnublikks

Agnes Sjöfn Reynisdóttir

Kristrún Ragnhildur Bender

Rakel Ösp Gylfadóttir

Sara Bjarnadóttir

Margretarhof

Glódís Rún Sigurðardóttir

Katla Sif Snorradóttir

Sigrún Högna Tómasdóttir

Védís Huld Sigurðardóttir

Poulsen

Arndís Ólafsdóttir

Eygló Hildur Ásgeirsdóttir

Hrund Ásbjörnsdóttir

Kristín Hrönn Pálsdóttir

Team Hofsstaðir / Sindrastaðir

Eysteinn Tjörvi Kristinsson

Guðmar Hólm Líndal

Guðný Dís Jónsdóttir

Helga Stefánsdóttir

Traðarland

Ásdís Agla Brynjólfsdóttir

Benedikt Ólafsson

Hákon Dan Ólafsson

Sigurður Baldur Ríkharðsson

Í liðinu Skoies Prestige í meistaradeild Norðurlands (KS deildinni) eru margir Þytsfélagar.

Liðsstjóri þessa liðs er Skagfirski Húnvetningurinn Elvar Logi Friðriksson tamningamaður, með honum er Fanney Dögg Indriðadóttir reiðkennari, Lækjamótsvíkingurinn Ísólfur Líndal Þórisson, Jóhann B Magússon bóndi á Bessastöðum og þeim til halds og trausts skeiðmeistarinn Svavar Örn Hreiðarsson.

Fyrirhugað er að halda járninganámskeið helgina 23.-24. Mars.

Kennari verður íslandsmeistarinn í járningum 2018, Kristján Elvar Gíslason járningameistari og kennari við Háskólann á Hólum.

Um er að ræða tveggja daga námskeið sem hentar bæði fyrir byrjendur í járningum og þá sem eitthvað hafa járnað en vilja auka við færni sína.

Skráningar hjá Hallfríði, s: 8655545 eða á netfangið hallfriduro@hotmail.com .

Mikilvægt að fólk skrái sig sem fyrst svo við sjáum hvort þátttaka sé nóg til að hægt sé að halda áfram með skipulagningu.

Einnig er kannski rétt að geta þess að það er hámarksfjöldi á námskeiðið og verða það þá þeir sem fyrstir panta sem komast að.

Liðsmynd síðan í fyrra

Fyrirhugað er að fara í skemmtiferð til Reykjavíkur á fyrsta mót Áhugamannadeildar Spretts

sem haldið verður fimmtudaginn 7.febrúar n.k.  til þess að styðja við bakið á Þytsfélögum okkar sem eru að keppa þar.

Áhugasömum er bent á að hafa samband við Nínu Sig. í síma: 895-2564 til að skrá sig ekki seinna en 31.janúar

Hugmyndin er að fara saman í rútu suður, borða saman og hvetja okkar fólk til dáða og heim aftur um kvöldið. 

8. Janúar 2019 - Almennur félagsfundur
Mættir fyrir hönd stjórnar: Pálmi Ríkharðsson formaður, Friðrik Már Sigurðsson ritari, Fanney
Dögg Indriðadóttir aðalmaður, Sofia Krantz aðalmaður.
Mættir: Jónína Sigurðardóttir, Hallfríður Sigurbjörg Óladóttir, Jóhann Albertsson, Þóranna
Másdóttir, Jónína Lilja Pálmadóttir, Guðmundur Sigurðsson, Tryggvi Rúnar Haukson, Þorgeir
Jóhannesson, Irena Kamp, Eva-Lena Lohli, Steinbjörn Tryggvason, Aðalheiður Einarsdóttir,
Jóhann Birgir Magnússon, Kolbrún Stella Indriðadóttir, Rakel Gígja Ragnarsdóttir, Malin Person
og Herdís Einarsdóttir.

Fundur settur kl. 20:30
Dagskrá:
1. Sameiginleg mótaröð hestamannafélaganna Þyts, Neista og Skagfirðings
2. Kyning á starfi fræðslunefndar
3. Námskeið með Ísólfi Líndal
4. Karlatölt Norðurlands
5. Firmakeppni Þyts
6. Ljósleiðaratenging í reiðhöll
7. Önnur mál

Umræður:
1. Pálmi fer yfir aðdraganda þessarar mótaraðar. Fundur fulltrúa stjórnar félaganna fór fram
nýlega og var rætt um að hafa 4 eða 5 mót sem öll færu fram á laugardögum eftir
hádegi. Keppt yrði í fjórgangi þann 16. febrúar, fimmgangi 2. mars , tölti 16. mars ,
skeiði og slaktaumatölti 30. mars og svo yrði mögulega haldið ísmót, þó eftir veðurfari
og aðstæðum. Fjórgangur og tölt yrði haldið á vegum Þyts á Hvammstanga.
Fimmgangur og skeið og slaktaumatölt yrðu haldin á Sauðárkróki. Mögulegt ísmót yrði
haldið á vegum Neista. Almenn ánægja hjá fundarmönnum með þessa tilhögun en
sérstök mótanefnd félaganna sjái um nánari útfærslu mótaraðarinnar. Jónína Lilja
Pálmadóttir, Jóhann Birgir Magnússon, Elvar Logi Friðriksson sjái um skipulag ásamt
fleirum.

2. Sofia Krantz kynnir starf fræðslunefndar. Á döfinni eru tvenn námskeið, skeiðnámskeið
með Þorsteini Björnssyni reiðkennara á Hólum og járninganámskeið með Kristjáni Elvari
Gíslasyni líklega 23.-24. mars. Einnig voru reifaðar hugmyndir varðandi frekara
námskeiðahald á svæðinu, s.s. þjálfun í upphafi vetrar, uppstilling í byggingadómi,
tannheilbrigði og undirbúningur fyrir hestaferðir.

3. Pálmi kynnir fyrirhugað námskeið með Ísólfi Líndal. Reiðtímarnir yrðu með reglulegu
millibili yfir vesturinn. Allt eftir þörfum hvers og eins nemanda. Nú þegar eru 6 búnir að
skrá sig, svo að það eru því allar líkur að af þessu verði.

4. Rætt um Karlatölt Norðurlands í Þytsheimum. Herdís Einarsdóttir hefur séð um
skipulagningu. Möguleg dagsetning er síðasta vetrardag, þann 24. apríl.

5. Aðalheiður Einarsdóttir fór yfir fyrirkomulag firmakeppni Þyts. Þátttaka hefur verið góð og
rætt um að halda hana með svipuðu sniði og áður. Líkleg dagsetning er 9. mars.

6. Pálmi ræðir um að það þurfi að koma nettenginunni í reiðhöllinni í gagnið.Tryggvi Rúnar
bendir á að það eigi eftir að teikna lögnina og málið strandi hjá Mílu. Nauðsynlegt er að
koma einhverri nettenginu á fyrir vetrarmótin.

7. Rætt um að verða með ferð og fjölmenna á Áhugamannadeildina og styðja okkar fólk
sem keppir í henni. Mögulega einnigað skoða sameiginlega ferð á Fáka og fjör í Eyjafirði
í vor. Þá var rætt um að funda fljótlega varðandi málefni reiðhallarinnar. Ljóst er að þörf
er á að koma skipulagi á eftirlit og þrif hallarinnar til framtíðar.

Fundi slitið: 22:05