Þorvaldur Kristjánsson hrossaræktarráðunautur/ábyrgðarmaður hrossaræktar hjá RML flytur erindið "Ganghæfni íslenskra hrossa - áhrif sköpulags og skeiðgens" í Dæli í Víðidal fimmtudaginn 23.apríl (sumardaginn fyrsta ) kl. 20:30.

Erindið snýst um samband byggingar og hæfileika íslenskra hrossa og áhrif skeiðgensins á ganglag hestsins.

Fundurinn er öllum opinn og hestamenn hvattir til að fjölmenna. 

Hrossaræktarsamtökin 

100 m skeið
Holl Hönd Knapi Hestur Lið
1 V Ísólfur Líndal Þórisson Glóey frá Torfunesi 3
2 V Sverrir Sigurðsson Diljá frá Höfðabakka 2
3 V Vigdís Gunnarsdóttir Stygg frá Akureyri 3
4 V Sveinn Brynjar Friðriksson Glanni frá Varmalæk 1 2
5 V Jóhann Magnússon Hellen frá Bessastöðum 2
6 V Hallfríður Sigurbjörg Óladóttir Hrókur frá Kópavogi 3

1. flokkur
Holl Hönd Knapi Hestur Lið

Jakkarnir eru komnir og hægt að máta hjá Elísu. Endilega hringið í hana í síma 847-8397 og pantið mátunartíma fyrir miðvikudaginn 22. apríl :) Verðið er 17 þús og ef fólk vill nafnamerkingu bætist 1.000 kr við.

Ef þið viljið bara panta, þá tekur Elísa við því líka.

 

Lokamót Húnvetnsku liðakeppninnar er tölt og skeið og það verður haldið föstudaginn 17. apríl og hefst kl 17.30

Keppt verður í tölti T3 í öllum flokkum (tekið tillit til þess að hægja þarf í beygjum á hraða töltinu). Einnig verður boðið upp á pollaflokk og keppt í tvígangi.

Keppendur verða að vera búnir að skrá á miðnætti þriðjudags 14. apríl í skráningakerfi Sportfengs. 

http://skraning.sportfengur.com/Skraningkort.aspx?mode=add  

Það verða tveir inn á í einu og verður stjórnað af þul. Prógrammið er, hægt tölt snúa við, hraðabreytingar og hratt tölt. 

Keppt veður í opnum flokki í skeiði og skráningargjaldið er 1.000 kr. Tilkynnt verður á fimmtudag hvort aðstæður leyfa skeið. En fyrirhugað er að hafa skeiðið úti á skeiðbrautinni.

Skráningargjaldið í töltið er 2.500 fyrir fullorðna og 1.000 fyrir unglinga 17 ára og yngri og verður að greiða inn á reikning 0159-15-200343 kt. 550180-0499 áður en mót hefst. Ef einhver skráir sig eftir að skráningu er lokið er skráningargjaldið 4.000.


Aðgangseyrir er 500 kr. en frítt fyrir 12 ára og yngri.

Aðalstyrktaraðili Húnvetnsku liðakeppninnar

Á aðalfundi var sagt frá nýjum merktum Þytspeysum á krakka og Þytsjakka á fullorðna sem á að fara að panta. 

 

Létt og mjúk dömu dúnúlpa með hettu.Efnið er vind-og vatnsfráhrindandi. Poki fylgir með til þess að setja úlpuna í svo lítið fari fyrir henni. Teygjubrydding er í ermalíningu og neðanverðum faldi. Innra byrði og rennilásar eru í gagnstæðum lit við skel. Tveir renndir hliðarvasar. Tvístungnir saumar. Úlpan er aðsniðin. Lokaverð með merkingu auglýst þegar mátun verður auglýst en verðið er á milli 17 - 20 þús.
 

Hér er mynd af Árna Birni í síðasta Eiðfaxa í svona jakka :)

Vinamót hestamannafélaganna á Norðurlandi vestra

verður haldið í reiðhöllinni Þytsheimar á Hvammstanga sunnudaginn 12. apríl kl 13:00.

Keppt verður í fegurðarreið 7-9 ára, tölt T7 10-13 ára og tölt T3 14-16 ára. Því miður er ekki hægt að keppa í skeiði þar sem aðstæður fyrir utan höllina leyfa það ekki.

Skráningar þurfa að berast fyrir kl 24:00 fimmtudaginn 9. apríl.

Við skráningu þarf að koma fram nafn keppanda - fæðingarár - hestamannafélag - nafn hests,  uppruni og litur, upp á hvora hönd er riðið.

Skráningar sendist á thyturaeska@gmail.com

Skráningargjald er 1000 krónur fyrir fyrstu skráningu og 500 krónur fyrir næstu skráningar og skal greiða á mótsstað áður en mótið hefst (kort ekki tekin).

Reglur vinamóts hestamannafélaga á Norðurlandi vestra

(Lagfært 11.02.2015)

Mótið er hugsað til að efla áhuga á hestaíþróttinni og gefa sem flestum kost á því að taka þátt. Keppt er eftir venjulegum hestaíþróttareglum og dæmt í samræmi við þær, keppni skal stjórnað af þul. Keppendur skulu hneigja sig í upphafi og lok keppni og hlíta fyrirmælum þular í hvívetna. Barnið þarf að vera skráð í hestamannafélag á Norðurlandi vestra eiga þátttökurétt.

1. Mótið heitir Vinamót hestamannafélaga á Norðurlandi vestra.                                           

2. Keppnisgreinar eru:

• Fegurðarreið 7-9 ára. Þar eru riðnir 2 hringir og látið fara fallega. 2 - 3 keppendur inná í einu. Allir þátttakendur komi inn á völlinn í lokin og fá viðurkenningu fyrir þátttöku.

• Tvígangur 10-13 ára. Riðinn einn hringur á annað hvort brokki eða tölti og fet ½ hringur. Áseta og stjórnun dæmd. 2 - 3 keppendur inná í einu.

• Þrígangur 10-13 ára. Riðið einn hringur tölt, einn hringur brokk og ½ hringur fet. Áseta og stjórnun dæmd. 2 - 3 keppendur inná í einu.

• Fjórgangur 14-16 ára. Venjuleg íþróttakeppni, riðnir fjórir og hálfur hringur. Einn hringur hægt tölt, einn hringur brokk, ½ hringur fet, einn hringur stökk og einn hringur fegurðar tölt.

• Þrautabraut 7-9 ára. Knapi einbeitir sér að ásetu, stjórnun og færni. Hringurinn er 3 metrar í þvermál. Engin tímataka. Allir þátttakendur komi inn á völlinn í lokin og fá viðurkenningu fyrir þátttöku.

• Smali 10-13 ára og 14-16 ára. Smalabrautin skal vera skýr og hættulaus og forðast skal allan óþarfa glannaskap. Keppt skal eftir tíma og skal bæta 4 sekúndum við tíma fyrir hverja keilu sem felld er eða sleppt. Ef sleppt er hliði bætast 2x4 sekúndur við. Gult spjald er jafnt og 10 sekúndur og má sýna ef knapi sýnir grófa reiðmennsku og jafnvel víkja keppanda úr sýningu.

  • Bannað er að fara á stökki yfir pallinn

• Tölt 10-13 ára. (T7) Tveir inná í einu, riðið hægt tölt, einn hringur, snúið við og riðin frjáls ferð á tölti, einn hring, alls samtals tveir hringir .

• Tölt 14-16 ára. (T3) Tveir inná í einu, riðið hægt tölt, einn hringur, snúið við og riðið tölt með hraðabreytingum á langhliðum einn hringur og fegurðartölt einn hringur, samtals þrír hringir.

• Skeið 14-16 ára mega keppa í skeiði og skal tímataka vera samkvæmt venju á hverjum stað. Fara skal 2 spretti og betri tíminn gildir.

  • Keppni í skeiði er með fyrirvara um veður og aðstæður á hverjum stað.

  • Gult spjald má sýna ef knapi sýnir grófa reiðmennsku og jafnvel víkja keppanda úr sýningu.

3. Keppandi má koma með hest hvaðan sem er, hesturinn/hesteigandi þarf ekki að vera í hestamannafélagi.

4. Heimilt er að sami hestur sé skráður í 2 greinar, en ekki í sama aldursflokki.

5. Foreldrar mega ekki vera inn á keppnisvellinum meðan á keppni stendur.

6. Keppendur í tví- og þrígangi í flokki 10-13. ára, verða að velja annað hvort tvígang eða þrígang að keppa í. Óheimilt að sami keppandi keppi í báðum greinum.

7. Í tölti, tví-, þrí- og fjórgangi mega keppendur keppa á fleiri en einum hesti, en í úrslitum verður einungis einn hestur frá hverjum knapa.

8. Ef tveir eru jafnir í 5. og 6. sæti skulu báðir mæta í úrslit og verðlauna bæði sætin sem 5. sæti.

9. Járningar, 10 mm skeifur og 250 gr. hlífar eða 8 mm og botnar.

10. Í smala er ekki leyft að ríða við stangir, annars gilda almennar íþróttakeppnisreglur.

11. Í tölti í flokki 10-13 ára og 14-16 ára og fjórgangi 14-16 ára skulu riðin B og A úrslit ef keppendur eru fleiri en 16.

Stigagjöf

Einn keppandi frá hverju hestamannafélagi fær stig óháð því hvort hann nær inn í úrslit eða ekki. Ef fleiri en einn keppendi frá sama hestamannafélagi er í úrslitum fær hestamannafélagið einungis stig fyrir efsta sætið, síðan næsta félag inn í úrslit og svo framvegis.

Tvígangur, þvígangur, fjórgangur, tölt:

1. sæti gefur 10 stig til viðkomandi hestamannafélags

2. sæti gefur 8 stig

3. sæti gefur 7 stig

4. sæti gefur 6 stig

5. sæti gefur 5 stig.

Stig fyrir skeið (öll stigin geta farið til sama hestamannafélags, þetta er aukabúgrein).

1. sæti gefur 5 stig

2. sæti gefur 4 stig

3. sæti gefur 3 stig

4. sæti gefur 2 stig

5. sæti gefur 1 stig.

Stig fyrir þrautabraut og fegurðarreið í flokki 7-9 ára:

Hestamannafélögin fá 2 stig fyrir fyrsta keppanda sem keppir á mótinu , ef það eru fleiri keppendur frá sama hestamannafélagi þá stigar bara 1 keppandi óháð fjölda.

Hérna má sjá myndir af krökkunum í TREC á útiæfingu í síðustu viku í yndislegu vorveðri.