Þá er fyrsta móti vetrarins lokið og var það mjög skemmtilegt.  Mörg flott tilþrif sáust á vellinum og má með sanni segja að reiðmennska hafi verið til fyrirmyndar eins og Þytsfélögum er von og vísa.

Við byrjum á að kynna til liðs nýju liðin en eftir drátt kvöldsins líta þau svona út:

Appelsínugulir: 
Börn - Dagbjört Jóna, Bryndís Jóhanna
Unglingaflokkur - Anna Herdís, Ásdís Brynja
3.flokkur - Jóhanna Helga, Elín Sif, Aðalheiður Sveina
2.flokkur - Sverrir, Elías, Halldór Pálsson, Lýdía
1.flokkur - Fanney Dögg, Ísólfur

Fjólubláir:
Börn - Arnar Finnbogi, Guðmar Þór
Unglingar - Eysteinn, Lara Margrét
3.flokkur - Sigrún Eva, Stine, Sigurður Björn
2.flokkur - Birna, Eline, Magnús Ásgeir, Þóranna, Jóhann Albertsson
1.flokkur - Elvar Logi

Grænir:
Börn - Margrét Jóna, Rakel Gígja
Unglingar - Karítas, Ásta Guðný
3.flokkur - Agnar, Óskar
2.flokkur - Eva Dögg, Þorgeir, Unnsteinn, Eydís Anna, Dóri Sig.
1.flokkur - Vigdís, Kolbrún Gr.

Það er ljóst að margir eiga eftir að bætast við þegar líða tekur á.  Eftir kvöldið er staðan í liðakeppninni þannig að efstir eru Appelsínugulir (65,8), þá næst Grænir (63,2) og svo Fjólubláir (58,2).  Nóg af stigum í pottinum og allt getur gerst.

En úrslitin í smalanum í kvöld urðu sem hér segir:

Pollaflokkur

 

2 pollar tóku þátt og stóðu sig með prýði en það voru þau Indriði Rökkvi Ragnarsson og Erla Rán Hauksdóttir

Barnaflokkur

1. Rakel Gígja Ragnarsdóttir - Æra frá Grafarkoti
2. Bryndís Jóhanna Kristinsdóttir- Raggi frá Bala 1
3. Guðmar Hólm Ísólfsson - Valdís frá Blesastöðum
4. Margrét Jóna Þrastardóttir - Melody frá Hafnarfirði
5. Dagbjört Jóna Tryggvadóttir - Þokki frá Hvoli
6. Arnar Finnbogi Hauksson - Fjölnir frá Stóru Ásgeirsá

Unglingaflokkur

1. Ásta Guðný Unnsteinsdóttir - Flótti frá Leysingjastöðum II
2. Eysteinn Tjörvi Kristinsson - Sandey frá Höfðabakka
3. Karítas Aradóttir - Stygg frá Akureyri
4. Anna Herdís Sigurbjartsdóttir - Auðna frá Sauðadalsá

3.flokkur

1. Jóhanna Helga Sigtryggsdóttir - Stelpa frá Helguhvammi II
2. Elín Sif Holm Larsen - Bríet frá Hjaltastaðahvammi
3. Stine Kragh - Eik frá Þorkelshóli 2
4. Sigurður Björn Gunnlaugsson - Gletta frá Nípukoti
5. Óskar Hallgrímsson - Glotti frá Grafarkoti

2.flokkur

1. Halldór Pálssons - Fleygur frá Súluvöllum
2. Eydís Anna Kristófersdóttir - Hrekkur frá Enni
3. Sverrir Sigurðssons - Valey frá Höfðabakka
4. Birna Olivia Agnarsdóttir - Stæll frá Víðidalstungu
5. Þorgeir Jóhannesson - Stígur frá Reykjum 1

1.flokkur

1. Elvar Logi Friðriksson - Júlíus frá Borg
2. Fanney Dögg Indriðadóttir - Fríða frá Reykjum
3. Vigdís Gunnarsdóttir - Funi frá Fremri Fitjum

 

Nokkrar myndir frá skemmtilegur kvöldi.

 

 

Ástund hestavöruverslun gaf sigurvegurum kvöldsins písk og plaggat með hestalitunum.  

 Aðalstyrktaraðili Húnvetnsku liðakeppninnar

Á morgun fer fram fyrsta mótið í liðakeppninni í Þytsheimum.  

Vegna veður var ekki hægt að hittast í kvöld og draga í lið eins og stóð til.  Við látum það ekki á okkur fá og hittumst hress og kát á morgun kl 18:00.  Þá verður opið fyrir knapa til að æfa sig á brautinni.  Í kjölfarið, eða um kl 19:00 munum við draga í liðin.  

500 kr aðgangseyrir og sjoppan vitaskuld opin.

Við hefjum svo keppni rétt upp úr klukkan 19:00.  Úrslit eru riðin strax á eftir forkeppni og eru það 5 stigahæstu sem fá að fara brautina aftur.  Dagskráin verður sem hér segir:

 

1.flokkur

Börn

Unglingar

3.flokkur

2.flokkur

 

Ráslistar:

Barnaflokkur
1. Rakel Gígja Ragnarsdóttir - Æra frá Grafarkoti 

2. Margrét Jóna Þrastardóttir – Melody frá Hafnarfirði.

3. Guðmar Hólm Ísólfsson - Valdís frá Blesastöðum

4. Bryndís Jóhanna Kristinsdóttir - Raggi frá Bala 1  

5. Dagbjört Jóna Tryggvadóttir - Þokki frá Hvoli

 

Unglingaflokkur

1. Ásdís Brynja Jónsdóttir - Birta frá Kaldbak 

2. Lara Margrét Jónsdóttir - Öfund frá Eystra Fróðholti 

3. Eysteinn Tjörvi Kristinsson - Sandey frá Höfðabakka

4. Karítas Aradóttir - Stygg frá Akureyri

5. Ásta Guðný Unnsteinsdóttir  - Flótti frá Leysingjastöðum 1A

6. Anna Herdís Sigurbjartsdottir - Auðna frá Sauðadalsá 

7. Eysteinn Tjörvi Kristinsson - Glóð frá Þórukoti 

 

3.flokkur
1. Jóhanna Helga Sigtryggsdóttir -  Stelpa frá Helguhvammi

2. Elín Sif Holm Larsen - Bríet frá Hjaltastaðahvammi  

3. Stine Kragh - Eik frá Þorkelshóli 2

4. Sigrún Eva - Hrafn frá Hvoli  

5. Aðalheiður Sveina Einarsdóttir - Össur frá Grafarkoti

6. Sigurður Björn Gunnlaugsson -  Gletta Frá Nípukoti

7. Agnar Sigurðsson - Merkúr frá Kolugili        

8. Óskar Hallgrimsson - Glotti frá Grafarkoti 

 

2.flokkur
1. Halldór Pálsson - Sæla frá Súluvöllum

2. Eline Manon Schrijver - Króna frá Hofi

3. Birna Olivia Agnarsdóttir - Stæll frá Víðidalstungu II

4. Eva Dögg Pálsdóttir - Kastanía frá Grafarkoti 

5. Eydís Anna Kristófersdòttir - Hrekkur frá Enni

6. Þorgeir Jóhannesson – Stígur frá Reykjum 1

7. Elías Guðmundsson - Hylling frá Stóru-Ásgeirsá 

8. Sverrir Sigurðsson - Valey frá Höfðabakka 

9. Halldór Pálsson - Fleygur frá Súluvöllum

 

1.flokkur

1. Elvar Logi Friðriksson - Júlíus frá Borg

2. Fanney Dögg Indriðadóttir - Fríða

 

Aðalstyrktaraðili liðakeppninnar er Sláturhúsið SKVH.

Ástund hestavöruverslun gefur verðlaun fyrir 1.sæti í öllum flokkum.

 

Æfingu vegna smalans sem átti að vera í kvöld verður frestað vegna veðurs þangað til á morgun, föstudaginn 5. febrúar.

 

Æfing kl. 18:00 og dregið í lið kl. 19:00.

Keppni hefst að því loknu.

Látið berast.

 

Hlökkum til að sjá ykkur :)

Nefndin

Á morgun, þriðjudag 02.02, verður æfing fyrir smalann.  Æfingin byrjar kl 20:00 og hvetjum við sem flesta til að mæta og renna sér í gegnum brautina.

 

Á fimmtudag, 04.02, verður aftur æfing kl 20:00 og ætlum við þá einnig að draga í lið fyrir Liðakeppnina.  Endilega fjölmennum og keyrum keppnistímabilið í gang saman.

 

 

Fyrra námskeiðið ,,aftur á bak" var haldið sl helgi. Að kennarans sögn gekk öllum sem sóttu námskeiðið vel, misjöfn markmið sem fólk var með fyrir námskeiðið en þau náðust öll. 

Fyrsta mótið í Húnvetnsku liðakeppninni verður haldið föstudagskvöldið 05.02. og hefst kl. 19.00 í Þytsheimum, keppt verður í smala. Skráning er á netfang thytur1@gmail.com fyrir miðnætti miðvikudagskvöldsins 03.02. Fram þarf að koma nafn og kennitala knapa, flokkur, hestur og IS númer. Skráningargjöld eru 1.500 kr í smala fyrir fullorðna en 1.000 fyrir börn og unglinga. Greiða þarf skráningargjöld áður en mót hefst inn á reikning Þyts 0159-15-200343 kt. 550180-0499.

Keppt verður í barnaflokki (börn fædd 2003 - 2006 ), unglingaflokki (börn fædd 1999 - 2002), 3 flokki, flokkur sem er ætlaður þeim sem eru að byrja að keppa eða hafa litla keppnisreynslu. 2 flokki, fyrir þá sem hafa nokkra keppnisreynslu en eru ekki að stunda keppni að neinu ráði og 1. flokki sem er ætlaður þeim sem eru mikið í keppni. Það fara 9 hestar brautina aftur ef 15 eða fleiri keppendur eru í flokki, annars fara 5 í úrslit.
Einnig verður í boði pollaflokkur þar sem pollarnir okkar fá að spreyta sig í brautinni.

Stigin í smala inn í liðakeppnina í forkeppni eru þannig að 300 stig gefa 6 stig, 290 - 299 stig gefa 5,8 stig, 280 - 289 stig gefa 5,6 stig, 270 - 279 stig gefa 5,4 stig osfrv.
Úrslitin eru eins á öllum mótunum þeas 1 sæti = 10 stig, 2 sæti = 8 stig, 3 sæti = 6 stig, 4 sæti = 4 stig, 5 sæti = 2 stig, 6 sæti = 2 stig (ef B-úrslit), 7-10 = 1 stig

Einstaklingskeppni: 
1.sæti - 10 stig
2.sæti - 8 stig
3.sæti - 7 stig
4.sæti - 6 stig
5.sæti - 5 stig
6.sæti - 4 stig
7.sæti - 3 stig
8.sæti - 2 stig
9.sæti - 1 stig

 

Mynd af brautinni (sem er sú sama og í fyrra) og æfingatími fyrir keppendur kemur inn hvað úr hverju.

Smalinn:

Reglur smalans:

Smalinn dregur nafn sitt af einu mikilvægasta hlutverki íslenska hestsins frá örófi alda. Eiginleikar sem prýða góðan smala og smalahest eru nauðsynlegir ef árangur á að nást, þetta eru þættir eins og hraði, kjarkur, fimi og snerpa.

Riðin er braut sem mörkuð er keilum sem ná upp á síður hests. Keilurnar skulu vera þannig útbúnar að þær falli við litla snertingu. Árangurinn ræðst af brautartíma og felldum keilum. Reiknireglur eru þær sömu og í tímabraut torfærunnar. Smalinn er hrein grein í þeirri merkingu að árangurinn er mælanlegur án frávika, þ.e. hann ræðst eingöngu af tíma og felldum keilum en ekki mati dómara. Dómarar eru engu að síður til staðar og meta hvort knapinn fari gegnum öll hlið, telja felldar keilur og hafa eftirlit með reiðmennsku knapa líkt og í öðrum keppnisgreinum.

Stigin telja þannig að knapar raðast í sæti eftir besta tímanum, sá sem er fyrstur fær 300 stig, sá næsti 280, 270 o.s.frv. Við hverja fellda keilu dragast frá 14 stig. Fyrir sleppt hlið eru 28 refsistig. Yfir brúnna er ekki leyft að fara á stökki þ.e.a.s allur annar gangur er í lagi. Ef brúnni er sleppt þá er það 4x28 refsistig. Gult spjald= gróf reiðmennska 30 refsistig Rautt spjald= MJÖG gróf reiðmennska ÚR LEIK!

Brautin verður svipuð og undanfarin ár, gamla brautin er spegluð eins og hún var í fyrra, í staðin fyrir U-ið eru komnar 3 stangir sem þarf að ríða undir, þessar stangir koma úr nýju keppnisgreininni TREC. 2 m eru á milli stanganna og eru 14 refsistig við hverja stöng ef hún er felld. Fyrir að sleppa því að ríða undir stangirnar þá er það 3 x 28 refsistig. 
Síðan verða 2 hindranir (brokkspírur) sem þarf að fara yfir, við hverja fellda hindrun eru 14 refsistig. Hér fyrir neðan má sjá brautina 2015.
Í ár verður ekki hlið eða veifa sem þarf að taka upp og með sér í mark.

Síðustu helgi hélt Fræðslunefnd Þyts námskeið með Sigurði Sigurðarsyni. 11 manns mættu á námskeiðið og á þeim sem fréttaritari síðunnar hefur hitt eru allir ánægðir með námskeiðið og sögðust hafa fengið mikið út úr því og fannst gott að fá aðra sýn og aðstoð við þjálfunina.

Breyting á tíma sýningahópsins hjá Æskulýðsnefndinni, ætlum að prufa nýjan tíma þar sem þriðjudagstíminn stangast á við hestafimleikana. Ætlum að færa okkur yfir á fimmtudaga og byrja fimmtudaginn 4. febrúar frá kl. 17.00 - 17.35. 

Farið verður yfir nýjar reglur á opnum fundi í félagshúsi Þyts kl 20:30 í kvöld.  Endilega fjölmennum og keyrum keppnistímabilið í gang saman.

 

Liðakeppni 2016 - Reglur

1) Dregið er í lið fyrir hvern flokk. Þannig að hvert lið hefur jafn marga (+/-1) keppendur í hverjum flokki.

2) Liðin sem keppa í ár eru 3 talsins. Appelsínugulaliðið, Grænaliðið og Fjólubláaliðið!

3) Hægt er að draga sig í lið þótt maður keppi ekki á fyrsta móti., þó er það ekki skilda. Skráðir keppendur eru dregnir á undan. 

4) Þeir sem ætla ekki að taka þátt í keppni vetrarins velja sér lið til þess að styðja. Leyfilegt er að breyta um stuðningslið á miðju keppnistímabili.

5) Knapar verða að vera í sama liðinu allt tímabilið, þ.e. bannað að skipta um lið á miðju tímabili. Einnig verður hver og einn knapi að velja sér hvort hann ætlar að keppa í 1. 2. eða 3. flokki við fyrstu skráningu eða þegar fólk dregur sig í lið ef fólk ákveður að draga sig í lið áður en það skráir sig til keppni.

6) 5 efstu knapar úr forkeppni telja til stiga fyrir hvert lið, stigin eru einkunnir hvers knapa.

7) Hver knapi getur aðeins skilað stigum fyrir sitt lið fyrir 1 hest á hverjum móti.

8) Efsti knapi í úrslitum í hverri grein og hverju liði telur til stiga. Ef riðin eru B-úrslit telja tveir knapar í hverri grein og hverju liði til stiga.
1. sæti = 10 stig, 2.sæti = 8 stig, 3. sæti = 6 stig, 4.sæti = 4 stig, 5. sæti = 2 stig, 6. sæti = 2 stig (ef B-úrslit) 7.-10. sæti 1 stig.

9) Flokkar: Barnaflokkur (börn fædd 2003-2006), unglingaflokkur (börn fædd 1999-2002), 3. flokkur er ætlaður þeim sem eru að byrja að keppa eða hafa litla keppnisreynslu, 2. flokkur er fyrir þá sem hafa nokkra keppnisreynslu er eru ekki að stunda keppni að neinu ráði, 1. flokkur er ætlaður þeim sem eru mikið í keppni og hafa mikla keppnisreynslu.

10) Hver keppandi má keppa á fleiri en einum hesti í hverri grein, en ef keppandi kemst með tvo hesta í úrslit verður hann að velja á milli þeirra og aðeins keppa á öðrum í úrslitum. Ekki er leyfilegt að fá aukaknapa til að ríða úrslit fyrir sig.

11) Í skeiði má hver knapi keppa á eins mörgum hrossum og hann vill en getur aðeins fengið stig fyrir einn hest eins og í öðrum greinum.

12) Pollaflokkur telur ekki til stiga.

13) Í vetur verður boðið upp á keppni í slaktaumatölti. Er sú grein viðbót vegna úrtöku fyrir "Meistarar meistaranna". Greinin er í raun aukalega og telur því ekki til stiga , hvorki í liðakeppni né einstaklingskeppni. Keppt verður í einum flokk og mega því allir taka þátt sem vilja. Sá keppandi sem nær bestum árangri og hefur náð tilsettum aldri vinnur sér inn þátttöku rétt í þessari grein á "Meistarar meistaranna".

Til stendur að hafa kaffihlaðborð að lokinni firmakeppni þann 10. febrúar næstkomandi og leitum við til félagsmanna um að leggja til á kaffiborðið. Margt smátt gerir eitt stórt og er öllum frjálst að mæta með það sem vilja. 

Þriðjudagskvöldið næsta ætlar liðakeppnisnefndin að kynna fyrirkomulag liðakeppni vetrarins.  

Vonum að sem flestir sjái sér fært að mæta.

Við munum hittast uppi í félagshúsinu okkar kl 20:30.

Endilega látið þetta berast um sveitir!

Athugið athugið

Komið er út nýtt skipulag fyrir mánudagshópa:

 

Keppnisþjálfun 1 kl 17:15
Sirrý
Margrét Jóna
Margrét Ylfa
Dagbjört

 

Keppnisþjálfun 2 kl 18:00
Guðmar
Bryndís
Rakel
Ingvar

 

Knapamerki 1 kl 18:45
Ingvar Óli
Margrét Jóna
Rakel Gígja
Eysteinn
Elísa
Lilja

 

Heyefnagreining 1. Prótein, tréni, meltanleiki (NIR greining) og útreiknaðar fóðureiningar. Kostar 3500 kr. án vsk pr sýni.

Heyefnagreining 3. Prótein, tréni, meltanleiki og útreiknaðar fóðureiningar. Kalsíum, magnesíum, kalí, natríum, fosfór, brennisteinn, járn, zink, kopar, mangan og selen. Kostar 8500.- kr. án vsk pr sýni.

Viðmið fyrir meðalgott hestahey fylgir með niðurstöðum.

Getum einnig útvegað leiðbeiningu ef óskað er en það kostar örlítið meira (1000 kr. fyrir minni greiningu en 1500 kr. fyrir stærri).

Þið þurfið að senda okkur sýni fyrir 5. hvers mánaðar og við lofum niðurstöðum fyrir 20. hvers mánaðar. Gott er að sýnin séu 100-300 grömm (fer eftir hvað þau eru blaut). Ekki er kostur fyrir okkur að fá of stór sýni, fyrir utan að þá verður sendingarkostnaður fyrir ykkur meiri.

Setjið heysýnið í poka og bindið fyrir og sendið okkur í pósti. Ef um fleiri en eitt sýni er að ræða frá sama aðila þarf að aðgreina sýnin. Sendið með upplýsingar um eiganda, nafn, heimilisfang, kt, sími, tölvupóstfang og hvaða greiningu þið óskið eftir að fá.

Við vonum sannarlega að hestamenn taki við sér og sendi okkur heysýni og það skapist stemmning innan hestamannafélaga að senda okkur sýni. Við munum taka saman hve mörg sýni berast frá hverju félagi í hverjum mánuði og ef sýni berast frá 10 % félagsmanna fá þeir aðilar 10 % afslátt af dýrari heyefnagreiningunni en hún mun þá kosta 7650 kr. án vsk.

Blóðgreiningar.

Mikið hefur verið í umræðunni selenskortur í hestum og jafnvel járnskortur. Getum greint í blóði bæði selen og járn en innifalið í þeirri mælingu er einnig kalsíum, magnesíum, kalí, natrínum, fosfór, mangan, zink, kopar, kóbolt og mólýbden. Blóðmæling kostar 7200.- kr. án vsk.

Sama gildir um blóðgreininguna að við keyrum blóðgreiningu einu sinni í mánuði, setjum af stað keyrslu 5. hvers mánaðar og niðurstöður berast fyrir 20. hvers mánaðar. Auðvelt er að geyma sýnin fryst.

Vinsamlega sendið sýnin til: